ەلوردادا ماسكەۋ وليمپياداسىنىڭ چەمپيونى، «قازاقستاننىڭ ەڭبەك ەرى» جاقسىلىق ۇشكەمپىروۆكە ەسكەرتكىش ورناتىلدى. بۇل تۋرالى نۇر-سۇلتان قالاسىنىڭ دەنە شىنىقتىرۋ جانە سپورت باسقارماسى حابارلادى.

ەسكەرتكىشتىڭ اشىلۋ راسىمىنە مادەنيەت جانە سپورت ءمينيسترى اقتوتى رايىمقۇلوۆا مەن نۇر-سۇلتان قالاسى اكىمىنىڭ ورىنباسارى اسحات ورالوۆ، بوكستان وليمپيادا ويىندارىنىڭ جەڭىمپازى دانيار ەلەۋسىنوۆ ارنايى قاتىستى.

2019 جىلى اشىلعان جەكپە-جەك سارايىنا بىلتىرعى جىلدىڭ جەلتوقسان ايىندا جاقسىلىق ۇشكەمپىروۆتىڭ ەسىمى بەرىلگەن بولاتىن.

جاقسىلىق ءامىرالىۇلى ۇشكەمپىروۆ-گرەك-ريم كۇرەسىنىڭ پالۋانى، وليمپيادا چەمپيونى، قازاقستاننىڭ ەڭبەك ەرى، كسرو-نىڭ ەڭبەك سىڭىرگەن سپورت شەبەرى (1980). الەم چەمپيونى. «قۇرمەت بەلگىسى» وردەنىنىڭ يەگەرى.

كاسىپكەر رەتىندە مال شارۋاشىلىعىن دامىتىپ، ءبىر اۋىلعا شاراپاتىن تيگىزىپ، تالاي جاستى جۇمىسپەن قامتىدى.

2020 جىلدىڭ تامىز ايىندا 70 جاسقا قاراعان شاعىندا جاقسىلىق ءامىرالىۇلى دۇنيەدەن ءوتتى.

Abai.kz