سارسەنبى, 20 قازان 2021
1348 0 پىكىر 13 قىركۇيەك, 2021 ساعات 12:39

يسپانيادان بولىنەمىز: كاتالونيا تاعى تۋلاپ جاتىر

يسپانيانىڭ كاتالونيا ايماعىندا تاۋەلسىزدىك ءۇشىن ميتينگتەرگە 100 مىڭنان استام ادام قاتىستى. كاتالونيا ۇلتتىق جينالىسى ۇيىمداستىرعان شەرۋ يسپانيا ۇكىمەتى 2017 جىلى تاۋەلسىزدىك رەفەرەندۋمىن وتكىزگەنى ءۇشىن تۇتقىندالعان كاتالوندىق ازاماتتاردىڭ توعىز ليدەرىنە راقىمشىلىق جاساعاننان كەيىنگى العاشقى اكتسيا بولىپ تابىلادى. وقيعانى ساراپشىلار، يسپانياداعى ونداعان جىلدارداعى ەڭ ءىرى ساياسي داعدارىس دەپ اتاۋدا. 

پوليتسيانىڭ مالىمەتىنشە، شەرۋگە شامامەن 108 مىڭ ادام قاتىسقان دەپ مالىمدەدى. ۇيىمداستىرۋشىلار 400 مىڭ ادام شىعادى دەپ ۇمىتتەنگەن بولاتىن.  2019 جىلى 600 مىڭعا جۋىق ادام كوشەگە شىعىپ، رەكورد ورناتقان ەدى.

كەلەسى اپتادا ورتالىق جانە ايماقتىق ۇكىمەتتەر بارسەلونادا جينالىپ، 2020 جىلدىڭ اقپانىنان باستاپ توقتاتىلعان كاتالونياداعى ساياسي جانجال بويىنشا كەلىسسوزدەردى جالعاستىرادى دەپ كۇتىلۋدە. يسپانيا پرەمەر-ءمينيسترى پەدرو سانچەس بۇل كەلىسسوزدەرگە قاتىساتىنىن ءالى راستاعان جوق.

كاتالونيا - پيرەنەي تۇبەگىنىڭ سولتۇستىك-شىعىسىندا، جەرورتا تەڭىزى جاعالاۋى مەن پيرەنەي اراسىندا ورنالاسقان يسپانيانىڭ اۆتونومدى قاۋىمداستىعى.

Abai.kz

0 پىكىر