بۇرالقى ءارىپسىز، وگەي دىبىسسىز ءتول ءالىپبي جاساسىن!
بيىل اقمەت بايتۇرسىنۇلى اتامىز تۇزگەن الىپبيگە 100 جىل تولىپتى. بىراق قازاق ءالى ءتول ءالىپبيسىز كۇن كورىپ كەلەدى. وكىنىشتى. ساياسي شەشىم دە قابىلدانار ەمەس، عىلىمي تۇجىرىم دا جاسالماي وتىر. سوندىقتان تاۋەكەل ەتىپ، اقمەت اتامىزدىڭ ءالىپبيىن ءححى عاسىردا قايتادان قولعا الماساق بولمايدى. نازارلارىڭىزعا سىناق ءۇشىن بۇرالقى دىبىستار مەن ارىپتەرى الاستالعان جاڭا دا ەسكى ءالىپبي ۇسىنىلىپ وتىر.
بۇدان ۇتارىمىز:
- ءتول ەملەمىزگە نەگىزدەلگەن جازۋ قالىپتاسىپ،نىعايادى;
- قازاقتىلدى ورتا ءوز ءتىلىن قانشالىقتى كەرى كەتىرگەنىنە كوز جەتكىزەدى،تىلگە دەگەن جاڭا كوزقاراس قالىپتاسادى;
- عىلىمىي قاۋىمدى وسى ىسكە امالسىز يتەرمەلەيمىز;
- ساياسي شەشىمنىڭ قابىلدانۋىنا تۇرتكى بولامىز.
ءالىپبي تۇتىنۋشىلارى اراسىندا، اسىرەسە، ورىس تىلىنەن ەنگەن ۆ،ف، سونداي-اق، اراپ-پارسىعا ءتان ح مەن ھ ارىپتەرى ءۇشىن ويتالاس پەن داۋ تۋاتىنى بەلگىلى. بىراق ونىڭ ءبارى سانامىزدا ونداعان جىلدار بويعى قالىپتاسقان قاساڭ كوزقاراستىڭ جانتالاسى ەكەنىن ۇعاتىندار از بولمايدى.
بيىل اقمەت بايتۇرسىنۇلى اتامىز تۇزگەن الىپبيگە 100 جىل تولىپتى. بىراق قازاق ءالى ءتول ءالىپبيسىز كۇن كورىپ كەلەدى. وكىنىشتى. ساياسي شەشىم دە قابىلدانار ەمەس، عىلىمي تۇجىرىم دا جاسالماي وتىر. سوندىقتان تاۋەكەل ەتىپ، اقمەت اتامىزدىڭ ءالىپبيىن ءححى عاسىردا قايتادان قولعا الماساق بولمايدى. نازارلارىڭىزعا سىناق ءۇشىن بۇرالقى دىبىستار مەن ارىپتەرى الاستالعان جاڭا دا ەسكى ءالىپبي ۇسىنىلىپ وتىر.
بۇدان ۇتارىمىز:
- ءتول ەملەمىزگە نەگىزدەلگەن جازۋ قالىپتاسىپ،نىعايادى;
- قازاقتىلدى ورتا ءوز ءتىلىن قانشالىقتى كەرى كەتىرگەنىنە كوز جەتكىزەدى،تىلگە دەگەن جاڭا كوزقاراس قالىپتاسادى;
- عىلىمىي قاۋىمدى وسى ىسكە امالسىز يتەرمەلەيمىز;
- ساياسي شەشىمنىڭ قابىلدانۋىنا تۇرتكى بولامىز.
ءالىپبي تۇتىنۋشىلارى اراسىندا، اسىرەسە، ورىس تىلىنەن ەنگەن ۆ،ف، سونداي-اق، اراپ-پارسىعا ءتان ح مەن ھ ارىپتەرى ءۇشىن ويتالاس پەن داۋ تۋاتىنى بەلگىلى. بىراق ونىڭ ءبارى سانامىزدا ونداعان جىلدار بويعى قالىپتاسقان قاساڭ كوزقاراستىڭ جانتالاسى ەكەنىن ۇعاتىندار از بولمايدى.
قازىرعى قازاق ءالىپبيىن تاۋەلسىز قازاقستان زاڭدىلىعى بەكىتكەن ەمەس، بۇل ءالىپبي قازاق حالقىن بودان ەتكەن قىزىل يمپەريانىڭ زاڭدىلىعىمەن بەكىتىلگەن بولاتىن. ال كەڭەس وداعىنىڭ بارلىق جاعىنان مۇراگەرى بۇگىنگى رەسەي پەدەراتسياسى بولعاندىقتان، قازاق ءالىپبيىنىڭ بۇگىنگى زاڭدىق نەگىزى دە باسقا مەملەكەتتىڭ زاڭناماسى بولىپ تابىلادى. سوندىقتان قازاقتىلدى ءالىپبي تۇتىنۋشىلار وزدەرىنە ىڭعايلى دا ءتيىمدى ءالىپبيدى، ەملەنى قولدانۋعا تولىق ەركى بار.
سونىمەن، بۇرالقى ارىپتەن تازارعان ءتول ءالىپبيىڭ قۇت بولسىن، الاش!
وي-پىكىرلەرىڭىز ورتانى تولتىرسىن!
ءبارى دە ءتىلىمىز ءۇشىن!
ءبارى دە بولاشاق ءۇشىن!
«ەل» القاسى
«اباي-اقپارات»
