قىتايمەن شەكارادا قالىپ قويعان ۆاگونداردىڭ يەلەرى 8 ملرد تەڭگەگە جۋىق شىعىنعا ۇشىراعان. بۇل تۋرالى "اتامەكەن" ۇكپ باسقارما توراعاسىنىڭ ورىنباسارى تالعات تەمىرحانوۆ LS-كە مالىمدەدى.

"بيزنەس وكىلدەرى 8 ملرد تەڭگەگە جۋىق ۆاگون يەلەرىنىڭ شىعىنى تۋرالى اقپارات بەردى. سونىمەن قاتار، يمپورتتاۋشىلار مەن جۇك الۋشىلاردىڭ شىعىنى 170 ملرد تەڭگەگە دەيىن جەتەدى", - دەدى ۇكپ باسقارما توراعاسىنىڭ ورىنباسارى.

تەمىرحانوۆتىڭ ايتۋىنشا، قازاقستاندىق جۇكتەردى قابىلداۋدىڭ ناشارلاۋىنا بايلانىستى ءىرى تاۋ-كەن مەتاللۋرگيا كومپانيالارى ءىس جۇزىندە 3 566 211 توننا نەمەسە قحر-عا ءونىم ەكسپورتى بويىنشا تيەۋ جوسپارىنىڭ 77% (4 624 011 توننا) تاسىمالدانعان. ال، جوعالعان تابىس كولەمى شامامەن 142 ملرد تەڭگەنى قۇرايتىن كورىنەدى.

ال، بۇعان دەيىن "اق جول" پارتياسىنىڭ دەپۋتاتتارى قىتايمەن شەكارانىڭ جابىلۋىنا بايلانىستى قازاقستاندىق بيزنەس 170 ميلليارد تەڭگە كولەمىندە شىعىنعا ۇشىراعانى تۋرالى مالىمدەگەن. سونداي-اق، ولار قازاقستاندىق يمپورتتاۋشىلارعا جۇك تاسىمالداۋمەن بايلانىستى پروبلەمالاردى شەشۋ بويىنشا ۇكىمەتتىك دەڭگەيدە شۇعىل تۇردە قىتاي تاراپىمەن كەلىسسوزدەر جۇرگىزۋدى سۇراعان. 

Abai.kz