QazVac ۆاكتسيناسى قازاقستان مۇسىلماندارى ءدىني باسقارماسىنىڭ حالال سەرتيفيكاتىن الدى.

«كەشە قازاقستان مۇسىلماندارى ءدىني باسقارماسى توراعاسى – باس ءمۋفتيدىڭ ورىنباسارى، نايب ءمۇفتي، PhD, تەولوگ ەرشات وڭعاروۆ كوروناۆيرۋسقا قارسى قازاقستاندىق QazVac ۆاكتسيناسىنا «حالال دامۋ» جشس سەرتيفيكاتىن تابىس ەتتى (تىركەۋ ءنومىرى 000669, كاسىپورىن ءونىمى – ست 96090-5-2021 جشس حالال دارىلىك زاتتار مەن بيولوگيالىق بەلسەندى قوسپالاردى وندىرۋگە، ساقتاۋعا، تاسىمالداۋعا جانە وتكىزۋگە قويىلاتىن جالپى تالاپتار بويىنشا سەرتيفيكاتتالدى، «حالال دامۋ» جشس ديرەكتورى ا.ا. اتاشەۆ قول قويعان)»،- دەلىنگەن حابارلامادا.

بۇدان بۇرىن «QMDB Halal» ستاندارتى بويىنشا «QazVac» ۆاكتسيناسىن سەرتيفيكاتتاۋ ماقساتىندا قمدب وكىلدەرى: نايب ءمۇفتي ەرشات اعىبايۇلى; «حالال دامۋ» ديرەكتورى ايبەك اسقاربەكۇلى; شاريعات جانە ءپاتۋا ءبولىمىنىڭ مامانى باۋىرجان ابدۋالي جانە تەحنولوگ، مەديتسينالىق مامان ايزات ساتاەۆا ينستيتۋتتا بولىپ، «OtarBioPharm» بيوفارتسەۆتيكالىق زاۋىت جاعدايىندا «QazVac» ۆاكتسيناسىن ءوندىرۋدىڭ تەحنولوگيالىق ۇدەرىسىمەن مۇقيات تانىسقان.

ايتا كەتەيىك، QazVac ۆاكتسيناسىن ءبىلىم جانە عىلىم مينيسترلىگىنە قاراستى بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتىنىڭ ماماندارى ازىرلەگەن بولاتىن.

Abai.kz