"قازاقستان مەن اقش-تا COVID-19-عا قارسى ۆاكتسيناتسيالانعىسى كەلمەيتىن كوپتەگەن ازاماتتار بار" دەپ مالىمدەدى اقش اۋرۋلاردى باقىلاۋ جانە الدىن الۋ ورتالىقتارىنىڭ (CDC) ورتالىق ازيا بويىنشا ايماقتىق ديرەكتورى دەنيەل سينگەر. 

"ۆاكتسيناتسياعا دەگەن كوزقاراس تۋرالى. بىزدە دەرەكتەر مەن ءتۇرلى اقپارات كوزدەرى، زەرتتەۋلەر بار. قازاقستانداعى سوڭعى زەرتتەۋلەر بويىنشا مالىمەت مىنانداي: 1854 رەسپوندەنتتەن 16-30 قىركۇيەك ارالىعىندا ساۋالناما الىندى. بۇل جەردە ۆاكتسيناتسيالانباعانداردىڭ جارتىسىنا جۋىعى بار ەكەندىگىنىڭ ايقىن دالەلى كوردىك جانە ولار بولاشاقتا ۆاكتسيناتسيالانبايتىنىنا سەنەدى ەكەن. اقش-تا دا كوپتەگەن ادامدار ۆاكتسينا الۋعا قارسى بولعان ەدى", - دەيدى سينگەر.

سەنىم ماسەلەلەرىندەگى تالداۋ ناتيجەلەرى كورسەتكەندەي، قازاقستان مەن اقش  ازاماتتارى ءار ءتۇرلى اقپارات كوزدەرىنە سەنەدى. "ەكى ەلدە دە ساياساتكەرلەرگە، جۋرناليستەرگە، ءدىنباسىلارىنا دەگەن سەنىم وتە تومەن. قازاقستاندا وتباسى مۇشەلەرى مەن دوستارىنا دەگەن سەنىم ورتا دەڭگەيدە. ال اقش پەن قازاقستاننىڭ ايىرماشىلىعى اقش-تا عالىمدارعا، ساراپشىلار مەن مەديتسينا ماماندارىنا سەنىم جوعارى. جالپى، امەريكاندىقتاردىڭ كوپشىلىگى دارىگەرلەرىنە سەنەدى", - دەيدى ساراپشى.

Abai.kz