بەيسەنبى, 28 ناۋرىز 2024
1993 0 پىكىر 20 قازان, 2021 ساعات 12:49

بالاباقشا قىزمەتكەرلەرى نارازىلىققا شىقتى

19 قازان كۇنى تۇركىستان قالاسىنداعى اكىمشىلىك ىسكەرلىك ورتالىعىنا كەلگەن جۇزدەن اسا جەكە مەنشىك بالاباقشا قىزمەتكەرى بالا باسىنا مەملەكەتتەن بەرىلەتىن قاراجات كولەمى از ەكەنىنە شاعىندى. اكىمدىك جاۋابىنا كوڭىلى تولماعان ولار پرەزيدەنت قاسىم-جومارت توقاەۆقا حات جازدى.

نارازىلار تۇركىستان وبلىسىنىڭ بارلىق اۋدان قالالارىنان جينالدى. ولار قولدارىنا "تاربيەشىلەردىڭ ايلىق جالاقىسى كوتەرىلسىن!", ء"بىزدىڭ دە ەڭبەگىمىز باسقا وبلىستار سياقتى باعالانسىن!" دەگەن جازۋى بار بىرنەشە پلاكات ۇستاپ شىقتى.

نارازىلاردىڭ ءبىرى ديلبار حابيبوۆانىڭ ازاتتىققا ايتۋىنشا، رەسپۋبليكا بويىنشا بيۋدجەت ەسەبىنەن ورتاشا ەسەپپەن جەكە مەنشىك بالاباقشالاردا بالا باسىنا 40 مىڭ تەڭگەدەن تولەنىپ جاتىر. تۇركىستان وبلىسىندا ءۇش جىلدان بەرى 25 مىڭ تەڭگە تولەنەدى.

- جىل باسىنان بەرى تاربيەشىلەردىڭ ايلىق جالاقىسى 25 پايىزدان ەكى رەت كوتەرىلدى. ءبىز بالا باسىنا بەرىلەتىن اقشانى كوتەرمەي جاتقان سوڭ جالاقىنى وسىرە الماي وتىرمىز. تاربيەشىلەر "نەگە پەداگوگ تۋرالى زاڭ ورىندالماي جاتىر؟" دەپ كوتەرىلىپ جاتىر. سول ءۇشىن قۇرىلتايشىلار اكىمدىك الدىنا كەلدى، - دەيدى حابيبوۆا.

نارازىلار بالا باسىنا بەرىلەتىن قاراجاتتى وسىرمەي كاسىپكەرلەردىڭ، تاربيەشىلەر مەن بالانىڭ قۇقىعى تاپتالىپ جاتىر دەپ سانايدى. مىسالى، جەكە مەنشىك بالاباقشالاردا جۇمىس ىستەيتىن قىزمەتكەرلەردىڭ جالاقىسى از. كىشى قىزمەتكەرلەردىڭ جالاقىسى – 40 مىڭ تەڭگە، تاربيەشىلەردىڭ جالاقىسى 50-70 مىڭ تەڭگە اراسىندا.

نارازى توپتى وبلىس اكىمىنىڭ ورىنباسارلارى كونگرەسس حولل عيماراتىنا كىرگىزىپ، سويلەستى. بىراق اكىمدىكتىڭ جاۋابىنا كوڭىلى تولماعان نارازىلار پەتيتسيا جازىپ، پرەزيدەنت قاسىم-جومارت توقاەۆقا جولدادى.

وبلىستىق ادامي الەۋەتتى دامىتۋ باسقارماسى باسشىسىنىڭ ورىنباسارى امانتاي وسەرباەۆ نارازى توپتىڭ شارتىمەن كەلىسەتىنىن ايتادى. ونىڭ سوزىنشە، بالاباقشاداعى بالا باسىنا قارجىلاندىرۋ 41 مىڭ تەڭگە بولعانىمەن 25 800 تەڭگە تولەنىپ جاتىر. كاسىپكەرلەردىڭ تالابىن ورىنداۋ ءۇشىن قارجى مينيسترلىگىنە حات جازىلعان.

وبلىس اكىمدىگىنىڭ مالىمەتىنشە، ايماقتا 1424 بالاباقشا بولسا، ونىڭ 1024-ءى – جەكە مەنشىك. جەكە مەنشىك بالاباقشاداعى بالا سانى ءجۇز مىڭنان اسادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516