«كەلىسىمشارتتىق نەگىز جاقسى تاجىريبەگە سۇيەنەدى. قازاقستان-رەسەي قارىم-قاتىناستارى تۇراقتىلىعىمەن جانە بولجامدىلىعىمەن، ءوزارا قۇرمەت، تاتۋ كورشىلىك پەن وداقتاستىق قاعيداتتارىن ۇستانۋىمەن ەرەكشەلەنەدى، بۇعان ەكى ەلدىڭ باسشىلىعى اراسىنداعى ساياسي سەنىم مەن ءداستۇرلى دوستىق قارىم-قاتىناستار ىقپال ەتەدى»،- دەلىنگەن حابارلامادا.

ال، ەكى ەل اراسىنداعى قارىم-قاتىناس تۋرالى ەكس-پرەزيدەنت نازارباەۆ:  «رەسەي ءبىزدىڭ قۇداي قوسقان تاريحي كورشىمىز. بىزگە دەيىن دە، ءبىز دە، بىزدەن كەيىن بالالارىمىز دا كورشىلەستىك پەن دوستىق تۇسىنىستىكتە ءومىر سۇرەتىن بولادى» دەسە، مەملەكەت باسشىسى قاسىم-جومارت توقاەۆ «رەسەي سەنىمدى ستراتەگيالىق سەرىكتەس جانە تاتۋ كورشى» ديالوگى بارىسىندا ءوز شەشىمىن تاپپايتىن ماسەلە ءىس جۇزىندە جوق ەكەنىن ايتىپتى.

ايتا كەتەيىك، بۇگىندە رەسەي بيزنەسى قازاقستاننىڭ 32 ءىرى جوباسىنا قاتىسۋدا. ال، پاندەميا كەزىندەگى  قيىندىقتارعا قاراماستان، ەكى ەل اراسىنداعى ساۋدا وتكەن 5 ايدىڭ ىشىندە 26 پايىزعا ارتقان.

Abai.kz