«سبەربانكتىڭ» بىرىڭعاي مەملەكەتتىك قىزمەتتەر جۇيەسى قازاقستانعا قاراعاندا رەسەي ءۇشىن 40 ەسە ارزان. بۇل تۋرالى كازتاگ حابارلادى. 

«سبەربانك» - «گوستەح» بىرىڭعاي تسيفرلىق پلاتفورماسىنىڭ وپەراتورى بولادى. بۇل ساتىپ الۋ سالاسىنداعى اقپاراتتىق جۇيەنىڭ دەرەكتەرىنە سايكەس. باستاپقى باعاسى 12,8 ميلليون دوللار (900 ميلليون P) بولاتىن تەندەردى رەسەيدىڭ تسيفرلىق دامۋ، كوممۋنيكاتسيالار جانە بۇقارالىق اقپارات مينيسترلىگى جاريالادى»، - دەپ حابارلادى رەسەيلىك باق.

ال، «گوستەح» دەگەنىمىز – ازاماتتار مەن بيزنەستىڭ مەملەكەتپەن ءوزارا ارەكەتتەسۋىنە ارنالعان تسيفرلىق پلاتفورما. ول مەملەكەتتىك مۇلىكتى جالعا بەرۋدى تىركەۋ، جىلجىمايتىن مۇلىكتى كاداسترلىق تىركەۋ جانە مەديتسينالىق ساقتاندىرۋ ءپوليسىن بەرۋدى قوسا العاندا، ءارتۇرلى قىزمەتتەردى ۇسىناتىن بولادى.

وسىلايشا، قازاقستان بيلىگى ساتىپ الۋدى جوسپارلاپ وتىرعان جۇيەگە ۇقساس سبەربانك جۇيەسى رەسەي بيلىگى ءۇشىن 40 ەسە ارزان بولادى.

ايتا كەتەيىك، بۇعان دەيىن قازاقستان رەسەيلىك «سبەربانك» جاق-نىڭ سول «سبەربانكتەن» مەملەكەت كەپىلدىگىمەن قارىزعا العان 500 ميلليون دوللارعا دەيىنگى سوماعا IT-پلاتفورماسىن ساتىپ الاتىنى حابارلانعان بولاتىن.

Abai.kz