تۇرىكمەنستان پرەزيدەنتى گۋربانگۋلى بەردىمۇحامەدوۆ اشحابادتا ۇلى ابايعا ەسكەرتكىش ورناتۋ ۇسىنىسىن جاسادى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي مالىمدەدى.

«پرەزيدەنت قاسىم-جومارت توقاەۆتىڭ تۇرىكمەنستانعا مەملەكەتتىك ساپارى بارىسىندا وسى ەلدىڭ كوشباسشىسى گۋربانگۋلى بەردىمۇحامەدوۆ اشحابادتا قازاقتىڭ ۇلى اقىنى اباي قۇنانبايۇلىن ۇلىقتاۋعا ۇسىنىس جاسادى.

تۇرىكمەنستان پرەزيدەنتىنىڭ پىكىرىنشە، ابايدىڭ ءمۇسىنى ەكى حالىقتىڭ جوعارى ادامگەرشىلىككە نەگىزدەلگەن رۋحاني باعدارىن، سونداي-اق ەلدەرىمىز اراسىنداعى دوستىق پەن ىنتىماقتاستىقتىڭ شىنايى كورىنىسىن ايعاقتايدى»،-دەپ جازدى ول.

قازاقستان پرەزيدەنتى بۇل باستامانى تولىق قولدايتىنىن ايتقان.

«ابايدىڭ قاسيەتتى تۇرىكمەن جەرىندە ۇلىقتالۋى – بارشا قازاق حالقى ءۇشىن اقجولتاي جاڭالىق», – دەدى قاسىم-جومارت توقاەۆ.

ايتا كەتەيىك، 24-25 قازاندا قازاقستان پرەزيدەنتى قاسىم-جومارت توقاەۆ تۇرىكمەنستان پرەزيدەنتى گۋربانگۋلى بەردىمۇحامەدوۆتىڭ شاقىرۋى بويىنشا مەملەكەتتىك ساپارمەن اشحابادقا بارعان بولاتىن.

Abai.kz