الماتى قالاسى قوعامدىق دامۋ باسقارماسىنىڭ قولداۋىمەن وتكەن «جاستاردىڭ ساياسي مادەنيەتىن ارتتىرۋ جولدارى» اتتى كوشپەلى سەمينار-ترەنينگتەرگە ءارتۇرلى ماماندىق يەلەرى قاتىستى. ولاردىڭ اراسىندا ساياساتتانۋ ماماندىعى بويىنشا ءبىلىم الاتىن ستۋدەنتتەرمەن قاتار، حالىقارالىق قاتىناستار، جۋرناليستيكا، ءتىپتى ينجەنەرلىك كۋرستا وقيتىندار بار. سەبەبى ساياسي مادەنيەتتى مەڭگەرۋ ماماندىق تۇرىمەن شەكتەلمەيدى.

«ماڭگىلىك قازاقستان» قوعامدىق قورىنىڭ جوبا جەتەكشىسى ب.نالىباەۆتىڭ سوزىنشە، ەلىمىزدەگى سوڭعى جىلدارداعى ساياسي ۇدەرىستەر وسىنداي جوبالاردىڭ پايدا بولۋىنا تۇرتكى بولىپ وتىر ەكەن. «بۇل جوبانىڭ اتى «حالىقتىڭ ساياسي مادەنيەتىن ارتتىرۋعا باعىتتالعان تاقىرىپتىق ءىس-شارالار وتكىزۋ» دەپ اتالادى. ال سەمينار-ترەنينگتەردىڭ ماقساتى – بولاشاعىنان زور ءۇمىت كۇتتىرەتىن ساياساتتانۋشىلاردى ىرىكتەۋ. الماتى قالاسى ساياسي وزگەرىستەردىڭ ەپيورتالىعىندا ورنالاسقان. مۇنداعى وقيعالار قالعان وڭىرلەرگە بىردەن اسەر ەتەدى. مەگاپوليسكە جىل سايىن ايماقتاردان ءارتۇرلى جاستاعى ادامدار اعىلىپ كەلىپ جاتىر. الەۋمەتتىك جانە ساياسي شيەلەنىستەر ۋشىقپاس ءۇشىن وسىنداي ءىس-شارالار كوپ وتكىزىلۋ كەرەك دەپ سانايمىز» دەيدى ول.

ءتورت جەردە ۇيىمداستىرىلعان سەمينار-ترەنينگتەرگە بەس ساياساتتانۋشى تارتىلعان. ولاردىڭ بارلىعى بۇعان دەيىن ساياسي مادەنيەت تاقىرىبى بويىنشا عىلىمي جۇمىستارمەن اينالىسقان ماماندار. مىسالى، جەڭىسبەك تولەن، نۇركەن ايتىمبەتوۆ، نۇربولات نىشانباي سىندى ترەنەرلەر وسى تاقىرىپتا ديسسەرتاتسيالىق ەڭبەكتەر جازعان. سونىمەن قاتار ولار قالاداعى جوعارى وقۋ ورىندارىندا پەداگوگيكالىق قىزمەت اتقارادى.

كوشپەلى سەمينارا-ترەنينگتەرگە قاتىسقان بارلىق قاتىسۋشىلار ۇيىمداستىرۋشىلاردىڭ قولىنان سەرتيفيكاتتار الدى.

ق.قاراباەۆ

Abai.kz