حالىقتىڭ ساياسي مادەنيەتىن ارتىرۋعا باعىتتالعان جوبا اياسىندا بىرقاتار زەرتتەۋلەر جۇرگىزىلدى. اتاپ ايتقاندا قالا تۇرعىندارى ءۇشىن فوكۋس-توپتار ۇيىمداستىرىلىپ، ال ارنايى ساراپشىلاردان اۋديو-سۇحباتتار الىندى. ماقسات – مەگاپوليس تۇرعىندارىنىڭ كوڭىل-كۇيىنە وبەكتيۆتى ءتۇردى زەرتتەۋ جۇرگىزۋ. سونىڭ ناتيجەسىندە «وسالدىقتار ماتريتساسى» مەن جول كارتاسى ازىرلەنىپ، جاۋاپتى مەكەمەلەرگە جولدانباق.

الەۋمەتتىك زەرتتەۋلەردى جۇرگىزۋمەن اينالىسىپ جاتقان الەۋمەتتانۋشى-عالىم ەلنۇر مۇقاشەۆ مۇنىڭ پيلوتتىق جوبا ەكەنىن ايتادى. «انىق قورىتىندى الۋ ءۇشىن، ءبىز فوكۋس-توپتارعا ءارتۇرلى ساناتتاعى تۇرعىنداردى جينادىق. ولاردىڭ اراسىندا جاس تا، كارى دە، جۇمىسباستى دا، جۇمىسسىز دا، قازاق ءتىلدى دە، ورىس ءتىلدى دە، ءارتۇرلى ۇلت وكىلدەرى دە، قالادا بۇرىننان تۇرىپ جاتقان جانە جاقىندا عانا وسىندا كوشىپ كەلگەن ازاماتتار دا بار. زەرتەۋگە قالاداعى بارلىق اۋدان تۇرعىندارى قامتىلدى. مۇنداي ارتۇرلىلىك زەرتتەۋدى وبەكتيۆتىلىگىن قامتاماسىز ەتۋ ءۇشىن وتە ماڭىزدى» دەيدى ول.

فوكۋس-توپتارعا قاتىسۋشىلاردى ەكولوگيالىق، تازالىق، بيۋروكراتيالىق پروبلەمالار كوپ الاڭداتادى ەكەن.

ساراپتامالىق ساۋالناماعا قالاداعى بىلىكتى ساراپشىلار تارتىلدى. «ولار بۇل ماسەلەنى تەرەڭىنەن بىلەدى. ولاردىڭ ارقايسىسىمەن سۇحبات 20-30 مينۋتقا سوزىلدى. جۇمىس تارتىبىنە بايلانىستى فوكۋس-توپ مۇشەلەرى سياقتى، ولاردىڭ اتى-جوندەرى دە قۇپيا ساقتالادى. الايدا ولاردىڭ پىكىرلەرى نەگىزىندە «وسالدىقتار» ماتريتساسى دايىندالىپ، جول كارتاسى جاسالادى» دەدى ە.مۇقاشەۆ.

ايتا كەتەيىك، بۇل جوبانى الماتى قالاسى قوعامدىق دامۋ باسقارماسىنىڭ قولداۋىمەن «ماڭگىلىك قازاقستان» قوعامدىق قورى ەۇزەگە اسىرىپ جاتىر.

ق.قارابەۆ 

Abai.kz