ەۋروپالىق پارلامەنت دەپۋتاتى، «ەۋروپالىق وداق – قازاقستان رەسپۋبليكاسى» پارلامەنتتىك ىنتىماقتاستىق توبىنىڭ جەتەكشىسى رىشارد چارنەتسكي جانە سلوۆاك رەسپۋبليكاسى ۇلتتىق كەڭەسى سىرتقى ىستەر كوميتەتىنىڭ توراعاسى ماريان كەري قازاقستاننىڭ سوڭعى 3 ونجىلدىقتاعى ءرولى ورتالىق ازيادا عانا ەمەس، جاھاندىق دەڭگەيدە دە وتە ماڭىزدى ەكەنىن ايتتى.

رىشارد چارنەتسكي قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ بولاشاققا، رەسپۋبليكاداعى تۇراقتىلىققا قول جەتكىزۋ جونىندەگى ءوز كوزقاراسى بار ەكەنىن العا تارتىپ:

- نۇرسۇلتان نازارباەۆ بەيبىتشىلىك، تۇراقتىلىق ورناتۋ جونىندە ناقتى باعدارلامالار، جوبالار ۇسىنىپ، قازاقستاننىڭ جاھاندىق دەڭگەيدە لايىقتى ورنىن قامتاماسىز ەتتى. بۇل ەڭ الدىمەن، ونىڭ بەيبىتشىلىك قۇرۋ جونىندەگى باستامالارى. وسىنىڭ ارقاسىندا بۇكىل الەم قازاقستاننىڭ الەۋەتى قانداي ەكەنىن ءبىلدى، - دەدى ەۋروپارلامەنت دەپۋتاتى.

سونىمەن قاتار، سلوۆاك رەسپۋبليكاسى ۇلتتىق كەڭەسى سىرتقى ىستەر كوميتەتىنىڭ توراعاسى ماريان كەري قازاقستاننىڭ جەتىستىگى تۇڭعىش پرەزيدەنت نۇرسۇلتان نازارباەۆتىڭ  باسشىلىعىمەن بايلانىستى ەكەنى ايتتى.

م.كەري اتاپ وتكەندەي، تۇڭعىش پرەزيدەنت جاڭا قازاقستاندى قۇرعان زاماناۋي جاھاندىق ساياساتتاعى تۇلعالاردىڭ ءبىرى. ول ۇلتتىڭ جاسامپاز الەۋەتىن شوعىرلاندىرىپ، بولاشاققا دەگەن قۋاتتى سەرپىلىسكە قوعامدى جۇمىلدىرا الدى.

سونداي-اق، وسكەلەڭ ن.نازارباەۆتىڭ ۇرپاق ەگەمەندىك نەگىزدەرىن جاساۋ، ءتيىمدى ەكونوميكا قۇرۋ، ۇيلەسىمدى قوعام قالىپتاستىرۋ جانە تاريحتىڭ جاڭا كەزەڭىندە ەلدىڭ دامۋ ستراتەگياسىن ايقىنداۋ مەن ىسكە اسىرۋ جونىندەگى ەڭبەگىن ارقاشان باعالايتىنىنا سەنىمدى ەكەن ايتتى.

سلوۆاكيا پارلامەنتى كوميتەتى توراعاسىنىڭ پىكىرىنشە، بۇگىندە قازاقستان-ورتالىق ازياداعى قارقىندى دامىپ كەلە جاتقان ەل. ازياداعى ءوزارا ءىس-قيمىل جانە سەنىم شارالارى جونىندەگى كەڭەس سياقتى قازاقستاننىڭ جاھاندىق جانە وڭىرلىك باستامالارى الەمدىك قوعامداستىقتا قولداۋ تاۋىپ كەلەدى.

م.كەري 30 جىل بۇرىن قازاقستان نۇرسۇلتان نازارباەۆتىڭ باستاماسىمەن يادرولىق پوليگوندى جاۋىپ، كەيىننەن الەمدەگى 4-ءشى يادرولىق الەۋەتتەن باس تارتىپ، يادرولىق قارۋسىز الەم ءۇشىن بەرىك كۇرەسكەر ەكەنىن ەرەكشە اتاپ ءوتتى.

Abai.kz