وبلىس اكىمى اماندىق باتالوۆ باس قالادا وتكەن بريفينگتە الماتى وبلىسى تۇرعىندارىنىڭ 61% گازبەن جىلىتۋ قولى جەتەدى دەپ ەسەپ بەردى. بىلتىر بۇل كورسەتكىش 59 پايىزدى كورسەتكەن، ياعني وبلىس حالقىنىڭ 1,2 ملن-ى گازبەن جىلىتۋعا كوشكەن.

اكىمنىڭ ايتۋىنشا، تالدىقورعان مەن قاپشاعاي قالالارىندا بىلتىر ءۇش قازاندىق گازعا اۋىستىرىلسا، بۇل جولى تالدىقورعان مەن ەسكەلدى اۋدانىندا تاعى دا ءۇش قازاندىق الماستىرىلعان. ونىڭ ۇستىنە تالدىقورعان قالاسىنىڭ ەكولوگيالىق ماسەلەسىن شەشۋ ءۇشىن تولىقتاي گازبەن عانا جۇرەتىن  جاڭا اۆتوبۋس الىندى. قازىر اۆتوبۋستار ءجۇرىپ تۇر. وعان 2,3 ملرد تەڭگە بولىنگەن بولاتىن.

باتالوۆ قازىرگى ۋاقىتتا مەملەكەتتىك-جەكەمەنشىك سەرىكتەستىك اياسىندا 101 كوپقاباتتى تۇرعىن ءۇي كەشەنىنە 31 بلوكتى-ءمودۋلدى قازاندىق ورناتىلۋ ۇستىندە ەكەنىن ايتىپ، جاقسى جاڭالىعىمەن ءبولىستى.

Abai.kz