اۋداندا جيىن-تەرىن جۇمىسى مارەسىنە تايادى. قازىر تەك قانت قىزىلشاسىن جيناۋ جۇمىسى عانا قالدى. ديقاندار ءتاتتى ءتۇبىر قازۋدى كوپ ۇزاماي ەڭسەرەدى.

كۇزگى ناۋقانعا 589 تراكتور جۇمىلدىرىلسا، سونىڭ 71-ءى شىنجىر تاباندى، قالعانى دوڭعالاقتى تراكتورلار. سونىمەن بىرگە، «ك-700» ماركالى 32 دانا جانە «ت-150» ماركالى 12 اۋىلشارۋشىلىعى تەحنيكاسى ەگىستىكتى دۇبىرگە بولەدى. بۇگىندە جازدىق بيداي، ارپا، جۇگەرى، كۇرىش، كۇنباعىس، ماقسارى، كارتوپ، كوكونىس، باقشا داقىلدارى تەگىس جينالدى.

اۋداندىق اۋىلشارۋاشىلىعى ءبولىمىنىڭ بەرگەن مالىمەتىنە سۇيەنسەك، بيىل 771 گەكتارعا ەگىلگەن كۇرىشتەن 2457 توننا ءونىم الىنىپ، گەكتار بەرەكەلىگى 31,9 پايىزدى قۇرادى. 788 گەكتار جازدىق بيدايدان قامباعا 1032,8 توننا استىق قۇيىلىپ، ءار گەكتارعا شاققانداعى ءونىم 13,1 پايىز بولدى.

وڭىردە ەڭ كوپ ەگىلگەن داقىلدىڭ ءبىرى – ارپا. كوكتەمدە 2572 گەكتار جەرگە ارپا ءدانى سەبىلىپ، 3652 توننا (ونىمدىلىگى 14,2 تسەنتنەر) الىنعان. ەگىستىككە ەگىلگەن 3699 گەكتار جۇگەرىدەن 30576 توننا ءونىم جينالىپ، ورتاشا ءونىم 87,4 تسەنتنەردى قۇرادى.

بۇگىندە القاپقا سەبىلگەن 1400 گەكتار قىزىلشانىڭ 765 گەكتارى، ياعني، جارتىسىنان استامى جينالدى. بالتامىردان الىنعان ءونىم ازىرگە 14500 توننانى قۇراپ، 250 تسەنتنەردەن اينالدى. ناۋقان اياقتالعان سوڭ بۇل كورسەتكىش ارتا تۇسەدى.

Abai.kz