الماتى وبلىسى بويىنشا 2020-2021 وقۋ جىلىندا كاسىپكەرلەر پالاتاسىمەن بىرلەسكەن دۋالدى وقىتۋدىڭ جول كارتاسى قۇرىلىپ، وعان 38 كوللەدج ەندى.

قازاقستاندا دۋالدى وقىتۋ كاسىبي ءبىلىمنىڭ پراكتيكالىق جانە تەوريالىق جاعىن قامتىعان مامان دايىنداپ شىعارۋ ءۇشىن قولدانىلادى. نەگىزگى ماقساتى دا وندىرىسكە كىرگەن ماماننىڭ العاشقى كۇننەن باستاپ جۇمىستى يگەرىپ كەتۋىن قامتاماسىز ەتۋ.

دۋالدى وقىتۋ جۇيەسى 2012 جىلدان بەرى جۇرگىزىلىپ كەلەدى. ءار جىل سايىن ونىڭ باعىتى جاڭارتىلادى. كوللەدجدەر وبلىستاعى كاسىپكەرلەر پالاتاسىمەن بىرىگىپ اقپارات الماسىپ، جاڭا بىلىمگە جول اشىپ وتىرادى.

بۇگىندە دۋالدى وقىتۋ جۇيەسىمەن قاتار كاسىپتىك ءبىلىم الىپ جۇرگەن ستۋدەنتتەرگە «جاس مامان»، «بارشاعا ارنالعان تەگىن كاسىپتىك ءبىلىم بەرۋ» جوبالارى كاسىبي مامان بولىپ قالىپتاسۋدا ۇلكەن مۇمكىندىكتەر بەرىپ وتىر.

2019 جىلعى 23 قاڭتاردا «جاستار جىلىنىڭ» سالتاناتتى اشىلۋ راسىمىندە ەلباسى ن.نازارباەۆ ۇكىمەتكە «جاس مامان» جوباسىن ازىرلەۋدى تاپسىردى. جوبانىڭ ماقساتى – سۇرانىسقا يە 100 كاسىپ بويىنشا 180 تەحنيكالىق جانە كاسىپتىك ءبىلىم بەرۋ ۇيىمىن جاڭعىرتۋ جانە بىلىكتى ماماندار دايارلاۋدىڭ حالىقارالىق تاجىريبەسىن ەنگىزۋ.

الماتى وبلىسىنىڭ 12 كوللەدجىندە «جاس مامان» جوباسى ىسكە اسىپ كەلەدى. جوبانىڭ اياسىندا كوللەدجدەردى زاماناۋي جابدىقتارمەن قامتامسىز ەتۋ ءۇشىن رەسپۋبليكالىق بيۋدجەتتەن 3,6 ملرد تەڭگە ءبولىنىپ وتىر. جوبا بويىنشا وقۋ-جۇمىس باعدارلاماسى وزگەرگەن، ياعني ءبىلىم الۋشى كەلەشەكتە جۇمىس بەرۋشىنىڭ تالاپتارىنا ساي وقۋ باعدارلاماسىن يگەرەدى. جوباعا قاتىسۋشى كوللەدجدەردىڭ بازاسىندا قۇزىرەتتىلىك ورتالىقتارى اشىلىپ، «WorldSkills» چەمپيوناتى وتكىزىلدى. بۇگىندە 31 قۇزىرەتتىلىك بويىنشا ۇلتتىق چەمپيوناتقا قاتىسۋشىلاردىڭ دايىندىق جۇمىستارى جۇرگىزىلۋدە.

ال، «بارشاعا ارنالعان تەگىن كاسىپتىك ءبىلىم بەرۋ» جوباسىن ىسكە اسىرۋ ماقساتىندا وبلىستاعى 76 تەحنيكالىق جانە كاسىپتىك ءبىلىم بەرەتىن وقۋ ورىندارى ماماندار دايارلااپ جاتىر. جىل سايىن كوللەدجدەرگە 7 مىڭنان استام بىلىمگەر قابىلدانادى.

Abai.kz