سەيسەنبى, 17 مامىر 2022
1607 2 پىكىر 2 جەلتوقسان, 2021 ساعات 16:43

قازاقستان بانكتەردىڭ ءموبيلدى تىركەمەسىن باقىلاۋعا الادى

قازاقستان پارلامەنتى ازاماتتاردىڭ ونلاين-اۋدارىمىن باقىلايتىن جانە سالىق سالاتىن زاڭدى قابىلدادى.

بۇگىندە قازاقستاندا ونلاين-اۋدارىم بارلىق جەردە كەڭ قولدانىلادى. بىراق بيلىك بۇل قىزمەت كاسىپكەرلەردىڭ سالىقتان جالتارۋىنا جاعداي جاساپ وتىر دەپ بىلەدى. "كارتادان كارتاعا" تۇسكەن اۋدارىم كاسسالىق اپپارات ارقىلى وتپەيدى ءارى سالىق باقىلاۋىنان تىس قالادى.

كاسىپكەرلەر بولسا، بۇل زاڭعا قارسىلىق ءبىلدىرىپ، ازىق-تۇلىك باعاسىن امالسىزدان كوتەرەمىز دەپ وتىر.

نۇرگۇل بەكوۆا الماتىدا ازىق-تۇلىك دۇكەندەرىنىڭ بىرىندە جۇمىس ىستەيدى. ول جاڭا ەرەجە ورتا جانە شاعىن بيزنەس وكىلدەرىنە اۋىر تيەدى دەپ ەسەپتەيدى.

"سالىقتى تۇسىرسە ەكەن دەيمىز. ەگەر سالىقتى تۇسىرسە، ءبىز تازا تابىسىمىزدى كورسەتەر ەدىك. ءبارى تىنىش، تازا جۇمىس ىستەيتىن ەدى", - دەيدى ول.

ەگەر پارلامەنت قابىلداعان زاڭعا پرەزيدەنت قول قويسا، وندا جاڭا ەرەجە 1 قاڭتاردان باستاپ كۇشىنە ەنەدى. سالىق سالۋشىلار جەكە ازاماتتاردىڭ اۋدارىمىنا سالىق سالىنبايدى، بىراق ولار قانداي ماقساتتا اقشا اۋدارعانىن تەكسەرەمىز دەيدى.

ەكونوميست ارمان بەيسەمباەۆ ءموبيلدى تىركەمەلەرگە سالىق سالۋ دۇرىس شەشىم دەپ ەسەپتەيدى.

"30-50% ءبىزدىڭ ەكونوميكا "كولەڭكەلى" ايماقتا. سالىق تولەمەيتىن ادامداردى سول "كولەڭكەدەن" شىعارۋ كەرەك. بىزدە قازىر بيۋدجەت تاپشىلىعى وتە جوعارى. ال كاسىپكەرلەر بيۋدجەتە سالىق تولەمەي، وتە جاقسى تابىس تاۋىپ جاتىر", - دەيدى مامان.

Abai.kz

2 پىكىر