جۇما, 29 ناۋرىز 2024
3079 2 پىكىر 2 جەلتوقسان, 2021 ساعات 16:47

ۇكىمەت ميتتالعا تيەسىلى شاحتا جۇمىسىن توقتاتادى

توتەنشە جاعدايلار جونىندەگى مينيسترلىكتىڭ قاراعاندى وبلىسىنداعى دەپارتامەنتى كۇزەمباەۆ اتىنداعى شاحتاداعى جۇمىستى توقتاتۋدى تالاپ ەتتى.

كۇزەمباەۆ شاحتاسى - قاراعاندىدا ميللياردەر ميتتالعا تيەسىلى سەگىز شاحتانىڭ ءبىرى. بۇنىڭ الدىندا "اباي" شاحتاسىنداعى اپاتتان كەنشىلەر قازا تاپقان.

"ارسەلورميتتال تەمىرتاۋ" كومپانياسىنىڭ ساران قالاسىندا ورنالاسقان شاحتاداعى جۇمىستى توقتاتۋ جونىندەگى شاعىمدى بەيسەنبى كۇنى قاراعاندىداعى اۋدانارالىق ەكونوميكالىق سوت قاراي باستادى. ارىزدانۋشى شاحتادا انىقتالعان ولقىلىقتار جۇمىسشىلار ءومىرى مەن دەنساۋلىعىنا قاۋىپ توندىرەدى دەپ ەسەپتەيدى.

— جۇمىستى نەگە توقتاتۋ كەرەك دەپ سۇرايمىز؟ شاحتا اپاتتى جاعدايدا، ءوندىرىس قاۋىپسىزدىگى تالاپتارىنا ساي ەمەس، - دەدى تجم دەپارتامەنتىنىڭ وكىلى.

ولقىلىقتار تەكسەرۋ كەزىندە انىقتالعان، شاحتا باسشىلىعىنا ۋاقىت بەرىلگەنىنە قاراماستان، ولاردى وسى كۇنگە دەيىن ەشكىم جوندەمەگەن. كۇزەمباەۆ شاحتاسىنداعى جۇمىستى توقتاتۋ جونىندەگى قۇجات قازاننىڭ سوڭىندا تاپسىرىلعان، ال 7 قاراشادا ونىڭ قاسىنداعى "اباي" شاحتاسىندا اپات بولىپ، التى كەنشى قازا تاپتى. مۇندا دا اپاتقا دەيىن ولقىلىقتار بارى انىقتالعان.

كومپانيا سوتتان تولىق تەكسەرۋگە ۋاقىت بەرۋىن، سوتتىڭ كەلەسى وتىرىسىن بىرنەشە كۇننەن كەيىن وتكىزۋىن سۇرادى. سوت وتىرىستى 14 جەلتوقسانعا بەلگىلەدى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2271
عيبىرات

قايسار رۋحتى عازيز جان

مۇحتار قۇل-مۇحاممەد 3584