جۇما, 24 مامىر 2024
ساڭلاق 6053 0 پىكىر 2 جەلتوقسان, 2021 ساعات 16:50

WTA قىتايداعى تەننيس تۋرنيرلەرىنىڭ ءبارىن توقتاتتى

قىتاي تەننيسشىسى پەن شۋايدىڭ ومىرىنە الاڭداعان ايەلدەر تەننيس قاۋىمداستىعى (WTA) قىتاي اۋماعىنداعى، سونىڭ ىشىندە گونكونگتەگى تەننيس تۋرنيرلەرىن ۋاقىتشا توقتاتقانىن حابارلادى.

بىرنەشە اپتا بۇرىن قىتاي تەننيسشىسى كوپشىلىككە كورىنبەي كەتتى. بۇنىڭ الدىندا عانا ول قىتايدىڭ جوعارى لاۋازىمدى ءبىر شەنەۋنىگىن سەكسۋالدى زورلىق جاسادى دەپ ايىپتاعان.

قاۋىمداستىق باسشىسى ستيۆ سايمون تەننيسشىنىڭ تاعدىرىنا الاڭدايتىنىن، قىتاي بيلىگىنىڭ "شۋايدىڭ جاعدايى جاقسى" دەگەن سوزدەرىنە سەنبەيتىنىن بىرنەشە مارتە قايتالاعان. "پەن شۋاي ەركىن سويلەسە المايدى، سوعان قاراعاندا، وعان قىسىم جاسالىپ جاتسا كەرەك", دەيدى سايمون. WTA باسشىسىنىڭ ايتۋىنشا، قاۋىمداستىق تەننيسشىنىڭ قايدا ەكەنىن ءالى كۇنگە دەيىن بىلە الماي وتىر. سايمون تەننيسشى ايتقان جايتتاردى ءادىل زەرتتەۋدى تالاپ ەتتى.

35 جاستاعى پەن شۋاي بۇرىنعى ۆيتسە-پرەمەر چجان گاوليدى سەكسۋالدى زورلىق جاسادى دەپ ايىپتادى. قىتاي بيلىگى تەننيسشى ءدىن امان ەكەنىن مالىمدەگەن. 21 قاراشادا قىتاي بيلىگى پەن شۋايدىڭ پەكيندە وتكەن ءبىر تۋرنيرگە قاتىسقانى جونىندە ۆيدەو تاراتتى. الايدا جۋرناليستەر نەمەسە جانكۇيەرلەر ونىمەن تىلدەسە المادى.

بۇعان دەيىن قحر كوممۋنيستىك پارتياسىنىڭ جوعارى لاۋازىمدى باسشىلارىن ەشكىم زورلىق جاسادى دەپ ايىپتاعان ەمەس.

پەن شۋاي – WTA تۋرنيرلەرىنىڭ بىرنەشە دۇركىن جەڭىمپازى، جۇپپەن ويناۋدا كەزىندە الەمنىڭ ءبىرىنشى راكەتكاسى بولدى.

Abai.kz

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2298
ادەبيەت

«سولاي ەمەس پە؟»

عابباس قابىشۇلى 2647
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2736
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1738