قازاقستان تۋماسى ساۋلە وماروۆانى اقش پرەزيدەنتى دجو بايدەن قارجى مينيسترلىگىنە قاراستى ۆاليۋتالىق باقىلاۋ باسقارماسىنىڭ باسشىسى رەتىندە ۇسىنعان بولاتىن. بىراق, كەشە عانا وماروۆا بۇل لاۋازىمعا ۇمىتكەر بولۋدان باس تارتتى.

ول اق ۇيگە جازعان حاتىندا «ۆاليۋتالىق باقىلاۋ باسقارماسىنىڭ باسشىسىنا ۇمىتكەر بولۋدىڭ ەش ءمانى قالماعانىن» ايتقان. پرەزيدەنت بايدەن ونىڭ ءوتىنىشىن قابىل الدى. اقش پرەزيدەنتى مالىمدەمەسىندە:

«ول تۋعان ولكەسى بۇرىنعى كەڭەس وداعىنان قاشىپ، امەريكاعا قونىس اۋدارىپ، ءوزىنىڭ «امەريكالىق ارمانىنا» جەتتى. ول دجورج بۋشتىڭ كەزىندە قارجى مينيسترلىگىندە جۇمىس ىستەپ، قازىر كورنەل زاڭ مەكتەبىنىڭ پروفەسسورى قىزمەتىن اتقارادى. وماروۆانىڭ وسى ماڭىزدى ىستە امەريكا حالقىنا ءالى دە اكەلەر ۇلكەن جەڭىستەرى بار ەدى. الايدا، و باستان ساۋلەنىڭ كانديداتۋراسى ورىنسىز سىننىڭ استىنا قالدى»، - دەپ جازعان.

پرەزيدەنت 1200 ۇلتتىق بانككە باقىلاۋ جاسايتىن باقىلاۋشى قىزمەتىنە كانديتدات ىزدەۋدى جالعاستىراتىنىن ايتتى.

ساۋلە وماروۆا بىرنەشە اي بويى رەسپۋبليكاشىلار مەن بانك لوببيستەرىنىڭ قارسىلىعىنا ۇشىرادى. ولار وماروۆانى امەريكا ەكونوميكاسىنا قاۋىپ توندىرەدى دەپ ەسەپتەگەن بولاتىن.

كەيبىر لوببيستەر: «وماروۆانىڭ بالالىق شاعى كەڭەستىك جۇيەنىڭ قۇرساۋىندا ءوتتى، سوندىقتان ول سەنىم تۋدىراتىن كانديدات ەمەس»، - دەپ جازىلعان «Wall Street Journal-عا» شىققان ماقالانى تىلگە تيەك ەتىپ، «ونىڭ ءالى دە كوممۋنيستىك يدەيالارى باسىم بولۋى مۇمكىن» دەگەن ايىپ تاققان. لۋزيانالىق رەسپۋبليكاشى، سەناتور دجون كەنەدي: «وماروۆا كەڭەس وداعىنىڭ بالالارى كىرگەن كوممۋنيستىك جاستار ۇيىمىنان شىققان با؟»، - دەگەن قۇيتىرقى سۇراق قويعان. وعان وماروۆا: «سەناتور، مەن كوممۋنيست ەمەسپىن، بۇل يدەولوگيانى ۇستانبايمىن. قايدا تۋاتىنىمدى تاڭداي المايمىن»، - دەپ تۇسىندىرگەن.

«The New York Times»: «سەناتتاعى دەموكراتتار وماروۆاعا قولداۋ بىلدىرگەندە رەسپۋبليكاشىلاردىڭ قارسىلىعى كەدەرگى بولماس ەدى. ونىڭ لاۋازىمدى ورىننان باس تارتۋىنا دەموكراتيالىق زاڭ شىعارۋشىلاردىڭ قولداۋ تانىتپاعانى سەبەپ»، - دەپ جازعان.

وگاي شتاتىنىڭ دەموكراتى، سەناتور شەررون براۋن: «دوكتور وماروۆا – سول وسى قىزمەتكە ەڭ لايىقتى ۇمىتكەر ەدى. سەبەبى، ونىڭ ساياسي تاجىريبەسىنىڭ ارقاسىندا جەكە سەكتور مەن اكادەميالىق ورتادا بىلىكتىلىگى جوعارى ادام»، - دەپ، بۇل شەشىمنەن كوڭىلى قالعانىن جەتكىزگەن. ول ىقپالدى توپتاردىڭ وماروۆانىڭ كوزقاراسىن «بۇرمالاعانىن» ايتتى.

ال، پەنسيلۆانيالىق رەسپۋبليكاشى، سەناتور پاتريك ج. تۋمي: «پروفەسسور وماروۆانىڭ امەريكانىڭ بانك جۇيەسىنە قاتىستى ءوزىن-ءوزى جاريا قىلعان راديكالدى يدەيالارى ءبىزدىڭ ەلىمىزدىڭ ەڭ جوعارى بانكتىك رەتتەۋشىگە جەتەكشىلىك ەتۋگە جارامايدى»، - دەدى.

سەناتور ەليزابەت ۋوررەن وماروۆا: «بۇل قىزىل قۋدالاۋدان» جوعارىعا لايىقتى ەكەنىن ايتادى.

ايجان تەمىرحان

Abai.kz