بيىل ەلىمىزدە قازاقستان تاۋەلسىزدىگىنىڭ 30 جىلدىعى اتالىپ وتۋدە. بالاباقشاداعى بۇلدىرشىننەن باستاپ بەينەتتىڭ زەينەتىن كورىپ جۇرگەن قارياعا دەيىن ەگەمەندى ەلدىڭ باقىتتى تۇرعىنى ەكەنىن سەزىنۋدە.

ازعانتاي ۋاقىتتىڭ ىشىندە اسەم استانامىز نۇر-سۇلتاندى تۇرعىزىپ، تاۋەلسىز قازاقستاندى الەمنىڭ دامىعان 50 ەلىنىڭ قاتارىنا قوستىق. وعان ەلباسىنىڭ ەرەن ەڭبەگىنىڭ ارقاسىمەن قاتار ءاربىر قازاقستاندىقتىڭ ماڭداي تەرى سەپتىگىن تيگىزدى.

ەلوردادا دۇنيەگە كەلگەن ايارۋ ەسىمدى وقۋشى قازاق ەلىنىڭ باس شاھارىندا دۇنيەگە كەلگەنىنە ماقتانادى.

– قازاقستان – بەيبىت ەل. تەلەديداردان كورىپ جۇرگەنىمدەي باسقا ەلدەردەگىدەي بىزدە سوعىس جوق. مەنىڭ قالام سونداي كوركەم ءارى تىنىش. مەكتەپتە الاڭسىز وقىپ جاتىرمىن، مىندەتىم وقۋدا وزات بولۋ. بولاشاقتا دارىگەر بولۋدى ارماندايمىن. وعان مۇمكىندىك كوپ. مۇنىڭ ءبارى تاۋەلسىزدىكتىڭ ارقاسى، – دەگەن ايارۋ تۋعان ەلىنە دەگەن العىسىن ءبىلدىردى.

Abai.kz