اراعا جىلدار سالىپ، العاش رەت قازاقتار ءوز ەلىندە، ءوز جەرىندە 75 پايىزعا جەتكەن تۇستا، بيلىككە ءوز ءۋاجىن بىلدىرە بىلگەن شاقتا، ەل ىشىنە جىك سالاتىندار توبە كورسەتە باستادى.

سول توبە كورسەتۋشىلەردىڭ ءبىرى ءوز قانداسىمىز – باقىتجان كوپباەۆ. تاياۋدا تىركەلگەن «كازاحستانسكوە وبششەستۆو ينتەرناتسيوناليستوۆ» قوعامدىق بىرلەستىگىنىڭ سەركەسى باقىتجان كوپباەۆ اۋەلى «تيكتوك-تا» بەينەۇندەۋىن جاريالاپ، ارتىنان «camonitor.kz» ءتىلشىسى ساۋلە يساباەۆاعا: «قازاقستان بەيباۋىرىمدارى: پارتيا قۇرۋداعى العاشقى قادام//ينتەرناتسيوناليستى كازاحستانا: پەرۆىي شاگ ك سوزدانيۋ پارتي», - اتتى سۇحبات بەردى.

ەندى مىنا رەسەيلىك كارتاعا كوز سالايىق:

بەينەۇندەۋدە ەلىمىزدەگى كومپارتيانىڭ جاقتاسى سانالاتىن باقىتجان مىرزا ءوز ۇلتىن «كازاحو-فاشيستى» دەپ عايباتتاپ، الاش بالاسىنا كۇيە جاقتى. ال، سايتقا بەرگەن سۇحباتىندا مەملەكەتشىلدىك يدەياعا باس بىرىكتىرگەن بۇكىل قازاقتى «فاشيستەر» دەپ دەپ جاريالادى. ال ءوزى قۇرعان، بولاشاقتا «پارتياعا اينالاتىن» قوزعالىس قازاقستانداعى قازاقي فاشيزممەن كۇرەسۋشىلەردىڭ باسىن بىرىكتىرەتىن قوزعالىس-مىس.

«ءبىز بىرىكپەسەك، قازاقتار دۇنعان، وزبەك جانە ۇيعىر سياقتى سانى كوپ از ۇلتتاردى قىرعان سوڭ، بىردەن ورىسقا اۋىز سالىپ، ارتىنان ءوزارا قىرىلاسادى»، - دەگەن بەينەۇندەۋىمەن باقىتجان مىرزا نەنى مەڭزەپ وتىر؟..

سوندا كولباەۆقا انا تىلىندە سويلەپ، الاشتىق رۋحتا ويلايتىن بۇكىل قازاقتى ۇلتشىل-راديكال دەپ كۇستانالاۋعا كىم تىزگىن بەردى؟ ار جاعىندا ورىس بارلاۋىنىڭ ءىزى جاتقان جوق پا؟ قازاق پەن وزگە ۇلتتىق ازشىلىقتىڭ اراسىنا وت جاعىپ، ساياسي جىك سالۋعا تىرىسقانداردىڭ كوزدەگەنى نە؟ رف كولباەۆتىڭ قولىمەن وت كوسەپ وتىرعان جوق پا؟

قازاق ءتىلدى قازاق پەن ورىس ءتىلدى قازاقتى ەكىگە بولۋگە تىرىسقان سولتۇستىك كورشىمىزدىڭ كوزدەگەنى بەلگىلى. بىراق، ونىڭ ايتاعىنا ەرۋشىلەرگە ءبىر شارا قولداناتىن كەز قاشان تۋادى؟!

ءابىل-سەرىك الىاكبار

Abai.kz