تاريحتىڭ ءار كەزەڭىندە ۇلتتىڭ جوقشىسىنا اينالعان ازاماتتار الاشتىڭ كوشىن ورگە سۇيرەپ، ەلگە قالتقىسىز قىزمەت ەتەدى. انا ءتىلىمىزدىڭ ابىرويى مەن مەملەكەتتىك مارتەبەسى ءۇشىن قايسارلىقپەن قاسقايا كۇرەسىپ كەلە جاتقان اقىن، قوعام قايراتكەرى مۇحتار شاحانوۆ كونفەرەنتسيامىزدىڭ قوناعى بولىپ وتىر.
قويار ساۋال، ايتار ويلارىڭىز بولسا، مارحابات!

تاريحتىڭ ءار كەزەڭىندە ۇلتتىڭ جوقشىسىنا اينالعان ازاماتتار الاشتىڭ كوشىن ورگە سۇيرەپ، ەلگە قالتقىسىز قىزمەت ەتەدى. انا ءتىلىمىزدىڭ ابىرويى مەن مەملەكەتتىك مارتەبەسى ءۇشىن قايسارلىقپەن قاسقايا كۇرەسىپ كەلە جاتقان اقىن، قوعام قايراتكەرى مۇحتار شاحانوۆ كونفەرەنتسيامىزدىڭ قوناعى بولىپ وتىر.
قويار ساۋال، ايتار ويلارىڭىز بولسا، مارحابات!

«اباي-اقپارات»

1989 جىلدىڭ 22-قىركۇيەگىندە، قازاق كسر جوعارعى كەڭەسىنىڭ مەملەكەتتىك تىلگە ارنالعان جيىنىندا، ۇزاق ايتىس-تارتىستان سوڭ، ورىس ءتىلى قازاق تىلىمەن قاتار مەملەكەتتىك مارتەبە يەلەنىپ كەتىپ ەدى. شالاقازاق دەپۋتتاتاردىڭ بارلىعى جۇرەكتەرى جارىلارداي قۋانىپ، ءبىر-ءبىرىن قۇتتىقتىقتاسىپ جاتقاندا، مۇحتار شاحانوۆ مىنبەگە قايتا، سۇراۋسىز كوتەرىلىپ: «بىزدەن باسقا رەسپۋبليكالاردىڭ بارلىعى انا تىلدەرىن مەملەكەتتىك ءتىل جاسادى. ءبىز نەمەنە، توقالدان تۋدىق پا؟ بۇكىل ەلدى كوتەرەمىز. مۇنىڭ سوڭى ەكىنشى جەلتوقسانعا ۇلاسۋى مۇمكىن...» دەگەندە، بيلىك شاحانوۆتىڭ ۇسىنىسىن قايتا داۋىسقا قويۋعا ءماجبۇر بولدى. ەگەر، اقىن وسىنداي باتىل قادامعا بارماعاندا، قازىرگى تاڭدا قازاق حالقىنىڭ 75-80 پايىزى ورىستانىپ كەتەرى ءسوزسىز ەدى.
بيىل وسى ايدارلى كۇنگە 23 جىل تولعالى تۇر. بەس جىلدان بەرى، «مەملەكەتتىك ءتىل» قوعامدىق قوزعالىسىنىڭ ۇيىتقى بولۋىمەن، رەسپۋبليكامىزداعى قوعامدىق ۇيىمدار مەن مەرزىمدى باسىلىم باسشىلارى، ساياسي پارتيا مۇشەلەرى ءداستۇرلى تۇردە «مەملەكەتتىك ءتىلدى قولداۋ» اكتسياسىن وتكىزىپ كەلەدى. اكتسيا الماتى قالالىق اكىمدىگىنىڭ ارنايى رۇحساتىمەن، 2012 جىلدىڭ 22-قىركۇيەگىندە، ساعات 15-00-دە الماتى قالاسى «سارىارقا» كينوتەاترىنىڭ ماڭىنداعى الاڭدا وتكىزىلمەك. اكتسيا تۋرالى جانە وزگە دە ۇلتتىق، تىلدىك مۇددەگە قاتىستى سۇراقتارىڭىز بولسا، «مەملەكەتتىك ءتىل» قوعامدىق قوزعالىسىنىڭ توراعاسى، «جالىن» جۋرنالىنىڭ باس رەداكتورى، قازاقستاننىڭ حالىق جازۋشىسى، «تۇركى تىلدەس حالىقتار اراسىنداعى ەڭ ۇزدىك الەم اقىنى» سىيلىعىنىڭ يەگەرى مۇحتار شاحانوۆقا «Abai.kz» سايتى ارقىلى سۇراق قويۋلارىڭىزعا بولادى.