اقوردا پرەزيدەنت قاسىم-جومارت توقاەۆ كەشە، 6 اقپاندا قول قويعان اكىمدەردىڭ قىزمەتىنە قاتىستى جارلىقتىڭ تولىق نۇسقاسىن جاريالادى. تومەندە جارلىقتىڭ تولىق نۇسقاسىن وقي الاسىز: 

"قازاقستان رەسپۋبليكاسىنىڭ پرەزيدەنتى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 17 جانە 21-باپتارىنا سايكەس جانە قوعامدى ودان ءارى دەموكراتيالاندىرۋ، ەلدە جۇرگىزىلىپ جاتقان رەفورمالار تۋرالى حالىقتى حاباردار ەتۋ، جەرگىلىكتى اتقارۋشى ورگانداردىڭ اشىقتىعىن، جاۋاپكەرشىلىگىن، ەسەپتىلىگىن ارتتىرۋ ماقساتىندا قاۋلى ەتەمىن:

1. بارلىق دەڭگەيدەگى اكىمدەر جىل بويى حالىقپەن كەزدەسۋلەر وتكىزسىن، ولاردىڭ بارىسىندا حالىقتى تولعاندىراتىن الەۋمەتتىك ماسەلەلەرگە باسا نازار اۋدارا وتىرىپ، قازاقستاندى جاڭعىرتۋدىڭ جاڭا باعدارىنىڭ نەگىزگى باعىتتارى تۋرالى حاباردار ەتسىن جانە پروبلەمالىق ماسەلەلەردى شەشۋدىڭ جولدارى مەن مەرزىمدەرىن ءتۇسىندىرسىن.

2. وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ اكىمدەرى:

1) جىل سايىن 15 قاڭتارعا دەيىن مىنالاردى:

جارتى جىلدا ءبىر رەت وبلىس اكىمىنىڭ ءار اۋداندا جانە وبلىستىق ماڭىزى بار ءار قالادا كەمىندە ءبىر كوشپەلى كەزدەسۋىن;

رەسپۋبليكالىق ماڭىزى بار قالا، استانا اكىمىنىڭ قالانىڭ ءار اۋدانىندا توقسان سايىن كەمىندە ءبىر كوشپەلى كەزدەسۋىن;

اۋدان اكىمىنىڭ ءار اۋىلدا، كەنتتە، اۋىلدىق وكرۋگتە، اۋداندىق ماڭىزى بار قالادا توقسان سايىن كەمىندە ءبىر كوشپەلى كەزدەسۋىن;

وبلىستىق جانە اۋداندىق ماڭىزى بار قالا، اۋىلدىق وكرۋگ اكىمىنىڭ قالانىڭ، اۋىلدىق وكرۋگتىڭ قۇرامىنا كىرەتىن ءار اۋداندا (شاعىن اۋداندا), اۋىلدا، كەنتتە توقسان سايىن كەمىندە ءبىر كوشپەلى كەزدەسۋىن;

اۋىل، كەنت، قالاداعى اۋدان اكىمىنىڭ توقسان سايىن كەمىندە ءبىر كەزدەسۋىن وتكىزۋ كوزدەلگەن اكىمدەردىڭ حالىقپەن كەزدەسۋلەرىنىڭ يكەمدى جىلدىق كۇنتىزبەسىن (بۇدان ءارى – كۇنتىزبە) ازىرلەپ، ونى ماسليحاتپەن كەلىسۋ بويىنشا بەكىتىپ وتىرسىن.

قاجەت بولعان جاعدايدا كۇنتىزبەنى ماسليحاتپەن كەلىسۋ بويىنشا تۇزەتۋگە جول بەرىلەدى;

2) جىل سايىن 20 قاڭتارعا دەيىن قازاقستان رەسپۋبليكاسىنىڭ ۇكىمەتىنە بەكىتىلگەن كۇنتىزبەنى ۇسىنسىن.

3. بارلىق دەڭگەيدەگى اكىمدەر:

1) حالىقتىڭ تالاپ ەتۋى بويىنشا جانە قاجەت بولعان كەزدە كۇنتىزبەدەن تىس حالىقپەن كەزدەسۋ وتكىزسىن;

2) تەحنيكالىق مۇمكىندىكتەردى ەسكەرە وتىرىپ، حالىقتىڭ الەۋمەتتىك جەلىلەردەگى رەسمي اككاۋنتتاردا مىندەتتى تۇردە پىكىر ءبىلدىرۋ مۇمكىندىگىمەن ونلاين-ترانسلياتسيالار، سونداي-اق قاجەت بولعان جاعدايدا بەينەكونفەرەنتسبايلانىس ۇيىمداستىرۋ ارقىلى كەزدەسۋلەر وتكىزۋدى قامتاماسىز ەتسىن;

3) كەزدەسۋ ءۇشىن جوسپارلانعان ۋاقىتتىڭ تورتتەن بىردەن اسپايتىن بولىگىن باياندامانى تانىستىرۋمەن، ۋاقىتتىڭ قالعان بولىگىن "سۇراق-جاۋاپ" فورماتىندا وتكىزسىن;

4) حالىقپەن كەزدەسۋلەر وتكىزگەنگە دەيىن:

پروبلەمالىق ماسەلەلەردىڭ پۋلىن جاساۋ ءۇشىن جەرگىلىكتى قوعامداستىق جينالىسى جانە قوعامدىق كەڭەستەر مۇشەلەرىنىڭ قاتىسۋىمەن حالىقتىڭ سۇراۋلارى مەن ۇسىنىستارىن جيناۋ جونىندە كوميسسيا قۇرۋدى;

اشىق دەرەكتەردىڭ ينتەرنەت-پورتالىنا جانە اكىمدەردىڭ بلوگ-پلاتفورماسىنا، سونداي-اق كوممۋنيكاتسيانىڭ باسقا دا نىساندارىندا حالىقتان كەلىپ تۇسكەن سۇراۋلار مەن ۇسىنىستاردى جيناۋدى جانە تالداۋدى;

بۇقارالىق اقپارات قۇرالدارىندا، ونىڭ ىشىندە وڭىرلىك باسپا باسىلىمدارىندا، راديودا، رەسمي ينتەرنەت-رەسۋرستاردا جانە "ەلەكتروندىق ۇكىمەت" ۆەب-پورتالىندا، اشىق دەرەكتەر ينتەرنەت-پورتالىندا، سونداي-اق اكىمدىكتەردىڭ (اكىمدەر اپپاراتتارىنىڭ) رەسمي اككاۋنتتارىندا، الەۋمەتتىك جەلىلەردە جانە بارلىعىنا قولجەتىمدى جەرلەردە اقپاراتتىق-ناسيحات جۇمىسىن جۇرگىزۋدى;

اكىمنىڭ حالىقپەن كەزدەسۋىن وتكىزۋ تۋرالى حابارلاندىرۋدى:

وبلىس، رەسپۋبليكالىق ماڭىزى بار قالا جانە استانا، اۋدان، وبلىستىق جانە اۋداندىق ماڭىزى بار قالا اكىمى وتكىزەتىن كەزدەسۋ كۇنىنە دەيىن ەكى اپتا بۇرىن;

اۋىل، كەنت، اۋىلدىق وكرۋگ، قالاداعى اۋدان اكىمى وتكىزەتىن كەزدەسۋ كۇنىنە دەيىن ءبىر اپتا بۇرىن ۇيىمداستىرۋدى قامتاماسىز ەتسىن;

5) حالىقپەن كەزدەسۋلەر وتكىزگەننەن كەيىن:

جەرگىلىكتى اتقارۋشى ورگانداردىڭ، پروكۋراتۋرا جانە ىشكى ىستەر ورگاندارىنىڭ باسشىلىق قۇرامىمەن، ءماسليحات دەپۋتاتتارىمەن، قوعامدىق كەڭەستەر مۇشەلەرىمەن، جەرگىلىكتى زيالىلارمەن بىرلەسىپ، ازاماتتاردى جەكە قابىلداۋدى وتكىزسىن;

پروبلەمالىق ماسەلەلەردى قارجىلاندىرۋ مۇمكىندىگىن ءماسليحات سەسسياسىندا قاراي وتىرىپ، جۇيەگە كەلتىرسىن;

كەزدەسۋلەر مەن ازاماتتاردى قابىلداۋ اياقتالعان كۇننەن باستاپ كۇنتىزبەلىك ون كۇننەن كەشىكتىرمەي، وتكىزىلگەن كەزدەسۋلەردىڭ قورىتىندىلارى تۋرالى اقپاراتتى، پروبلەمالىق ماسەلەلەردىڭ تىزبەسىن، پروبلەمالىق ماسەلەلەردى شەشۋدىڭ ناقتى مەرزىمدەرىن، جاۋاپتى ورىنداۋشىلاردى كورسەتە وتىرىپ، ولاردى شەشۋ جونىندەگى ءىس-قيمىل جوسپارىن بۇقارالىق اقپارات قۇرالدارىندا، ونىڭ ىشىندە رەسمي ينتەرنەت-رەسۋرستاردا جانە «ەلەكتروندىق ۇكىمەت» ۆەب-پورتالىندا ورنالاستىرۋدى قامتاماسىز ەتسىن;

توقسان سايىن ەسەپتى كەزەڭنەن كەيىنگى ايدىڭ 25-كۇنىنە قاراي كەزدەسۋلەردە حالىق كوتەرگەن پروبلەمالىق ماسەلەلەردى شەشۋ بارىسى تۋرالى اقپاراتتى رەسمي ينتەرنەت-رەسۋرستاردا جانە "ەلەكتروندىق ۇكىمەت" ۆەب-پورتالىندا ورنالاستىرسىن.

4. اكىمدىكتەر مەن اكىمدەر اپپاراتتارى كەزدەسۋلەرگە مۇددەلى تۇلعالاردىڭ اۋقىمدى اۋديتورياسىن، ونىڭ ىشىندە ءماسليحات دەپۋتاتتارىن، پارتيالار، قوعامدىق ۇيىمدار مەن وپپوزيتسيا وكىلدەرىن تارتسىن.

5. قازاقستان رەسپۋبليكاسىنىڭ ۇكىمەتى:

1) جىل سايىن ەسەپتى جىلدان كەيىنگى 1 اقپانعا دەيىن وڭىرلەردىڭ بەكىتىلگەن كۇنتىزبەلەرىن قازاقستان رەسپۋبليكاسى پرەزيدەنتىنىڭ اكىمشىلىگىنە ۇسىنۋدى;

2) جىل سايىن ەسەپتى جىلدان كەيىنگى جىلدىڭ 15 اقپانىنا جانە 15 تامىزىنا دەيىن ورتالىق اتقارۋشى ورگاندار، ۇلتتىق حولدينگتەر مەن كومپانيالار دەڭگەيىندە شەشۋدى تالاپ ەتەتىن پروبلەمالىق ماسەلەلەردىڭ تىزبەسىن جانە ولاردى شەشۋ جونىندەگى ۇسىنىستاردى جيناۋدى;

3) اكىمدەردىڭ حالىقپەن كوشپەلى كەزدەسۋلەرىنىڭ قورىتىندىسى بويىنشا حالىق كوتەرگەن ماسەلەلەردى شەشۋ جولدارى مەن ولاردىڭ ورىندالۋ بارىسىن كورسەتە وتىرىپ، ولاردىڭ ىشىنەن قۇزىرەتىنە كىرەتىن پروبلەمالىق ماسەلەلەردىڭ تىزبەسىن ورتالىق اتقارۋشى ورگانداردىڭ، ۇلتتىق حولدينگتەردىڭ، كومپانيالاردىڭ رەسمي ينتەرنەت-رەسۋرستارىندا ورنالاستىرۋدى جانە توقسان سايىن جاڭارتۋدى قامتاماسىز ەتسىن.

6. وسى جارلىققا قوسىمشاعا سايكەس قازاقستان رەسپۋبليكاسى پرەزيدەنتىنىڭ كەيبىر جارلىقتارىنىڭ كۇشى جويىلدى دەپ تانىلسىن.

7. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

Abai.kz