«ەكىنشى يالتانىڭ» كۇلى كوككە ۇشتى...
قىتايداعى حالىقارالىق سامميت رەسەي پرەزيدەنتى ۆلاديمير پۋتين ءۇشىن ديپلوماتيالىق توسىن جايتتار مەن ىڭعايسىز ساتتەرگە تولى بولدى. دونالد ترامپ پەن سي تسزينپينمەن تەڭ دارەجەدە كەزدەسىپ، الەمدى ۇشكە ءبولىپ، «ەكىنشى يالتا» جاسايمىن دەپ بارعان كرەمل باسشىسى سالتاناتتى كەشكى استا ءتىپتى نەگىزگى ۇستەلدەن دە ورىن تابىلماعان.
قىتايلىق حاتتامانىڭ سالقىن قاباعى اۋەجايدان-اق باستالدى. رەسەي باسشىسىن ۇشاق باسپالداعىنان بەيجىڭ يەرارحياسىنداعى نەبارى بەسىنشى دەڭگەيدەگى شەنەۋنىك كۇتىپ الدى. ونىڭ ۇستىنە بويى پۋتيننەن اجەپتاۋىر بيىك قىتايلىق وكىلدىڭ قاسىندا ول ايتارلىقتاي الاسا كورىندى.
قابىلداۋ كەشىندەگى وركەستردىڭ ارەكەتى دە ساياسي يرونيانىڭ شىڭىنا اينالعانى انىق. دونالد ترامپتى قۇرمەتپەن اقش انۇرانىمەن قارسى العان مۋزىكانتتار پۋتين كىرىپ كەلگەندە پەتر چايكوۆسكيدىڭ «شاعالا» بالەتىندەگى اۋەنىن ويناپ قويا بەردى.
مەملەكەت باسشىلارىنىڭ ورتاق سۋرەتكە ءتۇسۋ ءراسىمى دە شىنايى گەوساياسي سالماقتى پاش ەتتى. پروتوكول ماماندارى ءپۋتيندى ورتاعا ەمەس، سي ءتسزينپيننىڭ زايىبىنىڭ تاساسىنا، ۆەتنام پرەزيدەنتىنىڭ ءدال قاسىنا ىسىرىپ تاستادى. ءتىسىن قايراپ، امالسىز كۇلىمسىرەپ تۇرعان ونىڭ جۇزىنەن ىڭعايسىزدىق ايقىن بايقالدى.
مۇنىڭ ۇستىنە ۇشجاقتى باسقوسۋدىڭ كۇن ءتارتىبى دە كرەملدىڭ جوسپارىن بۇزدى. كەلىسسوزدەر تەك يادرولىق قارۋدى باقىلاۋ ماسەلەسىنە ارنالماق. ءپۋتيننىڭ ۋكراينا تاقىرىبىن قوزعاپ، ساۋدالاسۋعا تىرىسقان تالابىن اقش پەن قىتاي تالقىلاۋدان ءۇزىلدى-كەسىلدى باس تارتتى. قىرىم كوپىرى سۋ تۇبىنە كەتىپ جاتقان شاقتا، قىتاي تورىندە وسىلايشا شەتتەتىلىپ قالۋ يمپەريالىق امبيتسيانىڭ حالىقارالىق ساحناداعى شىنايى باعاسىن كورسەتىپ بەردى.
Abai.kz