«قارجى پوليتسياسى «اليانس بانكتىڭ» قازىرگى جانە بۇرىنعى باسشىلارى مارعۇلان سەيسەنباەۆ پەن جومارت ەرتاەۆتىڭ ۇستىنەن قىلمىستىق ءىس قوزعاپتى... قوزعاعالى جاتىر ەكەن...» دەپ گۋ-گۋ ەتكەن اڭگىمە اقىرى شىندىققا اينالاتىن ءتۇرى بار. ءتىپتى وسىدان بىرنەشە كۇن بۇرىن بۇل ءسوزدى «جەلبۋاز وسەك» دەپ قارجى پوليتسياسىنىڭ وكىلدەرى ارنايى جيىلىس جاساپ جار سالعان بولاتىن. وسى كۇندەرى مۇحيت اسىپ دەمالىپ جۇرگەن مارعۇلان سەيسەنباەۆ تا بۇل «وسەككە» وراي ءوزىنىڭ ەشقايدا قاشىپ كەتپەگەنىن، قىركۇيەك ايىندا ەلگە ورالاتىنىن ايتىپ «ءبىر حابارىن» بىلدىرگەن. الايدا، بىرنەشە كۇننەن كەيىن ءوز سوزدەرىن وزدەرى جوققا شىعارعان قارجى پوليتسياسى «اليانس بانكتەن» قولدى بولعان 143 ملن. دوللارعا قاتىستى قىلمىستىق ءىس قوزعالعانىن ايتتى. كۇدىكتىلەر كوپ ەمەس. مۇنداي ءىرى كولەمدەگى قارجىنىڭ قايدا كەتكەنىن قارجىلىق مەكەمەنىڭ باسشىلارىنان باسقا كىم ءبىلۋشى ەدى؟ دەمەك، بانكتىڭ قازىرگى اكتسيونەرلەرى مەن بۇرىنعى باسشىلارىنىڭ باسىنا قارا بۇلت ءتوندى دەگەن ءسوز عوي. قارجى پوليتسياسىنىڭ قىلمىستىق ءىس قوزعاعانىن الدىمەن بانكتىڭ باسقارما توراعاسى ماقسات قاباشەۆتىڭ مالىمدەگەنىنە قاراعاندا «ۇيىمداسقان قىلمىستىق توپ» تۋرالى جاڭا ءبىر سەريال باستالعان سەكىلدى. ماقسات قاباشەۆ مىرزا اتىن اتاپ، ءتۇسىن تۇستەمەسە دە قارجى پوليتسياسىنىڭ كىمدى ءبىرىنشى ىزدەيتىنى بەلگىلى.

«قارجى پوليتسياسى «اليانس بانكتىڭ» قازىرگى جانە بۇرىنعى باسشىلارى مارعۇلان سەيسەنباەۆ پەن جومارت ەرتاەۆتىڭ ۇستىنەن قىلمىستىق ءىس قوزعاپتى... قوزعاعالى جاتىر ەكەن...» دەپ گۋ-گۋ ەتكەن اڭگىمە اقىرى شىندىققا اينالاتىن ءتۇرى بار. ءتىپتى وسىدان بىرنەشە كۇن بۇرىن بۇل ءسوزدى «جەلبۋاز وسەك» دەپ قارجى پوليتسياسىنىڭ وكىلدەرى ارنايى جيىلىس جاساپ جار سالعان بولاتىن. وسى كۇندەرى مۇحيت اسىپ دەمالىپ جۇرگەن مارعۇلان سەيسەنباەۆ تا بۇل «وسەككە» وراي ءوزىنىڭ ەشقايدا قاشىپ كەتپەگەنىن، قىركۇيەك ايىندا ەلگە ورالاتىنىن ايتىپ «ءبىر حابارىن» بىلدىرگەن. الايدا، بىرنەشە كۇننەن كەيىن ءوز سوزدەرىن وزدەرى جوققا شىعارعان قارجى پوليتسياسى «اليانس بانكتەن» قولدى بولعان 143 ملن. دوللارعا قاتىستى قىلمىستىق ءىس قوزعالعانىن ايتتى. كۇدىكتىلەر كوپ ەمەس. مۇنداي ءىرى كولەمدەگى قارجىنىڭ قايدا كەتكەنىن قارجىلىق مەكەمەنىڭ باسشىلارىنان باسقا كىم ءبىلۋشى ەدى؟ دەمەك، بانكتىڭ قازىرگى اكتسيونەرلەرى مەن بۇرىنعى باسشىلارىنىڭ باسىنا قارا بۇلت ءتوندى دەگەن ءسوز عوي. قارجى پوليتسياسىنىڭ قىلمىستىق ءىس قوزعاعانىن الدىمەن بانكتىڭ باسقارما توراعاسى ماقسات قاباشەۆتىڭ مالىمدەگەنىنە قاراعاندا «ۇيىمداسقان قىلمىستىق توپ» تۋرالى جاڭا ءبىر سەريال باستالعان سەكىلدى. ماقسات قاباشەۆ مىرزا اتىن اتاپ، ءتۇسىن تۇستەمەسە دە قارجى پوليتسياسىنىڭ كىمدى ءبىرىنشى ىزدەيتىنى بەلگىلى. مارعۇلان سەيسەمباەۆ وتكەندە وزىمەن حابارلاسقان جۋرناليستەرگە «كىنام جوق ەدى، سوندىقتان قىلمىستىق ءىس قوزعاۋى مۇمكىن ەمەس، ال ونداي جاعداي بولا قالسا ەلگە ورالۋىم ەكىتالاي» دەپ ەكىۇشتى جاۋاپ بەرگەن بولاتىن.

اپىراۋ، ەل سەنەتىن، ەر ەدى دەيتىن ەندى كىم قالدى؟ ءبىر جىلدىڭ ىشىندە ءبىراز ازامات كۇدىكتى اتانىپ تەمىر توردىڭ ار جاعىنان ءبىر-اق شىقتى. تىزبەلەپ ايتىپ، بارماعىڭىزدى بۇكپەسەڭىز دە بولادى. ءبارىبىر ەكى قولدىڭ ساۋساعى جەتپەيدى. بۇل قالاي سوندا؟ وسىنشاما ۋاقىت ولاردىڭ ميللياردتاعان قارجىنى قىمقىرىپ جۇرگەنىن نەگە بىلمەگەنبىز. الدە، جوعارى جاقتا قاراپايىم پەندە تۇسىنبەيتىن «قان مايدان» بولىپ جاتىر ما؟ الدە، اقشانى بولىسە الماعان الاياقتار ءبىرىن-ءبىرى ارانداتا باستادى ما؟ مۇمكىن، بۇل ساياسي ىقپالىن ارتتىرعىسى كەلەتىن توپتاردىڭ ويىن ءتارتىبى شىعار؟ سۇراق كوپ، جاۋاپ جوق. ايتەۋىر، ەل باسقارعان، بيلىكتىڭ بيشىگىن ۇستاعان «بايشىكەشتەردىڭ» باعى ءبىر-اق كۇندە تاياتىنىن دا كوزىمىزبەن كوردىك. وسىلاردىڭ قاشىپ قۇتىلعانى بار، قاپى قالىپ تۇتىلعانى بار - بارىنە ەل مەن ەلباسى كەشە عانا ۇلكەن سەنىم ارتىپ ەدى عوي.

ايتپاقشى، سولاردىڭ ءبىرى - بۇرىنعى مينيستر نۇرلان ىسقاقوۆ پەن ونىڭ ەكى ورىنباسارىنا قاتىستى سوت پروتسەسى باستالعان. وعان سول كەزدەگى ۇكىمەت باسشىسى دانيال احمەتوۆ كۋا رەتىندە قاتىسادى دەپ ەدى، ولاي بولمادى. سوت پروتسەسىنە دانيال كەنجەتايۇلى كەلە المادى. سەبەبىن ەشكىم بىلمەيدى. ەسەسىنە، سوڭعى بىرنەشە كۇندە جاڭا ءبىر «جەلسوز» قاۋلاپ كەتتى. دانيال احمەتوۆ سوتقا كۋا بولىپ بارماق تۇگىلى ءوزى ءىستى بولىپتى دەسەدى. ءتىپتى ونى شەتەلگە قاشىپ كەتكەن دەگەن حابار بار. ازىرگە، قۇقىق قورعاۋ ورىندارى دا، احمەتوۆ مىرزانىڭ ءوزى دە بۇل اڭگىمەنى نە راستاعان جوق، نە جوققا شىعارعان ەمەس. دەگەنمەن، جەل سوقپاسا ءشوپتىڭ باسى قيمىلدامايدى عوي؟ اڭىسىن اڭدىپ، اقىرىن كۇتەمىز دە.

«اباي-ينفورم».