اقتوبە وبلىسىنا ءىسساپارىن شالعاي اۋىلداردان باستاعان ءماجىلىس دەپۋتاتتارى، «AMANAT» پارتياسىنىڭ رەسپۋبليكالىق شتابىنىڭ مۇشەلەرى عالىمجان ەلەۋوۆ، امانعالي بەردالين «قازحروم» ۇلتارالىق كومپانياسى» اقتوبە فەرروقورىتپا زاۋىتىنا باردى.

وندا دەپۋتاتتار زاۋىت ۇجىمىمەن كونستيتۋتسيانىڭ ەل دامۋىنداعى ءرولىن جانە جاڭا قازاقستاندى قۇرۋداعى كونستيتۋتسيالىق رەفورمانىڭ ماڭىزدىلىعىن تالقىلادى.

عالىمجان ەلەۋوۆ كونستيتۋتسيالىق رەفورما قوعامدى دەموكراتيالاندىرۋدىڭ شىنايى قادامى ەكەنىن ايتتى. دەپۋتاتتىڭ پىكىرىنشە، رەفەرەندۋم سۋپەرپرەزيدەنتتىك مودەلدەن پرەزيدەنتتىك رەسپۋبليكاعا تۇپكىلىكتى كوشۋ، بىرقاتار بيلىك وكىلەتتىكتەرىن قايتا ءبولۋ، پارلامەنتتىڭ ءرولى مەن مارتەبەسىن كۇشەيتۋ، حالىقتىڭ ەلدى باسقارۋعا قاتىسۋىن كەڭەيتۋ، ازاماتتاردىڭ قۇقىقتارىن قورعاۋدىڭ كونستيتۋتسيالىق تەتىكتەرىن كۇشەيتۋ سياقتى ىرگەلى وزگەرىستەرگە جول اشادى.

ءوز كەزەگىندە، امانعالي بەردالين رەفەرەندۋمدى وتە ماڭىزدى ساياسي وقيعا رەتىندە قاراۋعا شاقىردى.

كەزدەسۋ بارىسىندا ۇجىم قىزمەتكەرلەرى رەفەرەندۋمعا قولداۋ ءبىلدىرىپ، زاڭعا ەنگىزىلگەن تولىقتىرۋلار مەن تۇزەتۋلەردىڭ دۇرىس ەكەنىن ايتتى.

– اتا زاڭعا ەنگىزىلەتىن تۇزەتۋلەر قاتارىندا جەردى، ونىڭ قويناۋىن، سۋدى، وسىمدىكتەر مەن جانۋارلار دۇنيەسىن، باسقا دا تابيعي رەسۋرستاردى حالىق مەنشىگى دەپ جاريالاۋ قاراستىرىلعان. مەنىڭ كوكەيىمە قونعان وسى وزگەرىستەردى زاڭمەن بەكىتۋ ءۇشىن رەفەرەندۋمعا بارامىن. ويتكەنى بۇل ءبىزدىڭ داۋسىمىزبەن،  شەشىمىمىزبەن جۇزەگە اسىرىلادى، – دەدى كومپانياداعى باستاۋىش پارتيا ۇيىمىنىڭ توراعاسى امانجول ۇمبەتوۆ.

سونىمەن قاتار جيىندا ۇجىم مۇشەلەرى زەينەت جاسىن تومەندەتۋ مۇمكىندىگى تۋرالى ءوز ۇسىنىستارىن جانە باسقا دا بىرقاتار وزەكتى ماسەلەنى جەتكىزدى.

ايتا كەتۋ كەرەك، ءماجىلىس دەپۋتاتتارى سەرگەي سيمونوۆ، عالىمجان ەلەۋوۆ، امانعالي بەردالين بۇعان دەيىن ويىل، مۇعالجار، قارعالى، قوبدا، حرومتاۋ، ايتەكە بي اۋداندارىندا بولدى.

Abai.kz