سەرىك اقسۇڭقارۇلى: مارالتاي فاريزا مەن اقسۇڭقارۇلىنان ارتىق قازىلىق ەتىپ پە؟
سەرىك اقسۇڭقارۇلى، اقىن، حالىقارالىق «شابىت» فەستيۆالىنىڭ قازىلار القاسىنىڭ مۇشەسى:
- سەرىك اعا، «شابىت» جاستار فەستيۆالىنىڭ قورىتىندىسى شىعا سالىسىمەن، اقپارات قۇرالدارى «شابىتتان شي شىقتى»، - دەپ شۋلادى. سول فەس-تيۆالدا تورەشىنىڭ ءبىرى بولدىڭىز عوي، قازىلار القاسىنىڭ مۇشەسى مارالتاي رايىمبەكۇلى سىزدەردىڭ شەشىمدەرىڭىزگە كەلىسپەي، تورەلىك ەتۋدەن باس تارتىپتى. پىكىر قايشىلىعى قاي ۇمىتكەر ءۇشىن بولدى؟ «شابىتتىڭ» بۇل جولعى جەڭىمپازدارى ءادىل انىقتالدى ما، اشىپ ايتىڭىزشى...
- سەندەر مارالتايدى كەرەمەت دەپ ويلايسىڭدار ما، نەمەنە؟ مارالتاي فاريزادان ارتىق پا ەكەن؟ اقسۇڭقارۇلىنان كۇشتى مە ەكەن، الدە؟ مارالتايدىڭ قازىلىقتان باس تارتىپ، كەتىپ قالعانىن نەگە الدەقانداي كورەسىڭدەر؟ ونىڭ پىكىرى سەندەر ءۇشىن ماڭىزدى بولادى دا، فاريزا وڭعارسىنوۆا مەن اقسۇڭقارۇلىنىڭ پىكىرى تۇككە تۇرمايدى؟ وسى سۇراعىما جاۋاپ بەرشى، قانە؟ سۇحبات الماس بۇرىن، وسى سۇراعىما جاۋاپ ايت...
- ماسەلە وندا ەمەس، سىزدەردىڭ ارالارىڭىزدا نەندەي كەلىسپەۋشىلىك بولعانىن بىلمەيمىن عوي. سول سەبەپتى دە سۇراپ تۇرمىن. تالاس جەڭىمپازداردىڭ قايسىسىن انىقتاۋدا تۋدى؟ مارالتاي نەگە كەلىسپەدى، ول كىمنىڭ جەڭىمپاز بولعانىن قالادى؟
سەرىك اقسۇڭقارۇلى، اقىن، حالىقارالىق «شابىت» فەستيۆالىنىڭ قازىلار القاسىنىڭ مۇشەسى:
- سەرىك اعا، «شابىت» جاستار فەستيۆالىنىڭ قورىتىندىسى شىعا سالىسىمەن، اقپارات قۇرالدارى «شابىتتان شي شىقتى»، - دەپ شۋلادى. سول فەس-تيۆالدا تورەشىنىڭ ءبىرى بولدىڭىز عوي، قازىلار القاسىنىڭ مۇشەسى مارالتاي رايىمبەكۇلى سىزدەردىڭ شەشىمدەرىڭىزگە كەلىسپەي، تورەلىك ەتۋدەن باس تارتىپتى. پىكىر قايشىلىعى قاي ۇمىتكەر ءۇشىن بولدى؟ «شابىتتىڭ» بۇل جولعى جەڭىمپازدارى ءادىل انىقتالدى ما، اشىپ ايتىڭىزشى...
- سەندەر مارالتايدى كەرەمەت دەپ ويلايسىڭدار ما، نەمەنە؟ مارالتاي فاريزادان ارتىق پا ەكەن؟ اقسۇڭقارۇلىنان كۇشتى مە ەكەن، الدە؟ مارالتايدىڭ قازىلىقتان باس تارتىپ، كەتىپ قالعانىن نەگە الدەقانداي كورەسىڭدەر؟ ونىڭ پىكىرى سەندەر ءۇشىن ماڭىزدى بولادى دا، فاريزا وڭعارسىنوۆا مەن اقسۇڭقارۇلىنىڭ پىكىرى تۇككە تۇرمايدى؟ وسى سۇراعىما جاۋاپ بەرشى، قانە؟ سۇحبات الماس بۇرىن، وسى سۇراعىما جاۋاپ ايت...
- ماسەلە وندا ەمەس، سىزدەردىڭ ارالارىڭىزدا نەندەي كەلىسپەۋشىلىك بولعانىن بىلمەيمىن عوي. سول سەبەپتى دە سۇراپ تۇرمىن. تالاس جەڭىمپازداردىڭ قايسىسىن انىقتاۋدا تۋدى؟ مارالتاي نەگە كەلىسپەدى، ول كىمنىڭ جەڭىمپاز بولعانىن قالادى؟
- مارالتايدىڭ جەڭىمپاز دەگەن ادامىن جەڭىمپاز ەتتىك، شىنىمدى ايتسام. باس جۇلدە العان بالتابەك نۇرعالي. مارالتاي: «فاريزا اپاي، سەرىك اعا، مەن بۇل جىگىتتىڭ پوەزياسىن جاقسى بىلەمىن. گران-پريگە وسى لايىق»، - دەگەن سوڭ كەلىسىپ، اتى اتالعان ۇمىتكەردى جەڭىمپاز جاريالادىق. مارالتاي تاعى بىرەۋلەردى اكەپ قوسپاقشى بولدى. ولاردىڭ ولەڭدەرىن وقىپ كوردىك، جۇلدەگە تاتيتىنداي ەمەس. بىزگە ۇنامادى.
- ناقتى قاي ۇمىتكەرلەر؟
- اتىن ۇمىتىپ تا قالدىم قازىر. «بۇلار كەرەمەت اقىندار عوي»، - دەپ مارالتاي بىزگە رەنجىدى. مەن ايتتىم: «عالامتوردا وتىرادى، جاستاردىڭ بۇعان دەيىنگى ولەڭدەرىن وقىپ، ءبىلىپ ءجۇر عوي دەپ سەن ايتقان ادامداردىڭ جۇلدەگەر بولۋىنا كەلىستىك. ال مىنا ايتقان 3-4 اقىننىڭ ولەڭى ولەڭ ەمەس»، - دەدىم. سودان كەيىن ول اشۋلانعان شىعار. «مارالتايدان شي شىقتى، توراعالىقتى تاس-
تاپ كەتتى»، - دەپ بۇكىل فەستيۆالدى كىرلەتۋگە بولمايدى عوي. مىقتى اقىندى مارالتايدان گورى فاريزا تاني بىلەدى ەمەس پە؟ اقسۇڭقارۇلى جەڭىمپازدى تاني بىلمەي مە ەكەن؟ ءبارىن مارالتاي عانا بىلە مە؟ مەن وسىنى تۇسىنبەدىم.
- پوەزيا نوميناتسياسى بويىنشا 92 ۇمىتكەر باق سىناپتى. جەڭىمپاز بولعاندار بار، جۇلدەگە سىنىق سۇيەم جەتپەي قالعاندار بار، سولاردىڭ اراسىنان كىمنىڭ باعىت-باعدارى، قالام سىلتەسى دۇرىس؟ كۇنى ەرتەڭ مىقتى اقىن بولادى دەپ كىمدەردى اتايسىز؟
- باس جۇلدە العان بالتابەك نۇرعاليدى مارالتايدىڭ ايتۋىمەن، بۇعان دەيىنگى جازعاندارىن بىلەدى عوي دەپ وتكىزدىك. ال مەن ءۇشىن قۇبىلىس بولعان اقىن بوتاگوز مۇحيتدينقىزى. ولەڭى كەرەمەت. ونداي ولەڭ قازاق ادەبيەتىندە بولماعان، ماسقارا قۇبىلىس. فاريزا اپاڭ ەكەۋىمىز سول تاماشا ولەڭنىڭ يەسىنە گران-ءپريدى اپەرە المادىق. سەنەسىڭ بە؟ فاريزا وڭعارسىنوۆاعا دا، ماعان دا ۇناعان ولەڭ بوتاگوزدىكى ەدى، بىراق ول قازىلاردىڭ باسقا مۇشەلەرىنە ۇنامادى. بوتاگوزدەن اسقان اقىندى مەن كورمەدىم.
- ءجون ەكەن. ءسىز باس جۇلدە مەن ءبىرىنشى ورىن العان اقىنداردى ايتتىڭىز. ءىى ورىندى يەلەنگەن سالتانات ءجۇسىپ پەن باۋىرجان الىقوجا، ءىىى جۇلدەگە ىلىككەن سالتانات سماعۇل مەن قارلىعا تەمىرعالي، تۇمانباي مولداعاليەۆ اتىنداعى ارنايى سىيلىققا لايىقتى سانالعان دينارا مالىك، استانا قالالىق مادەنيەت باسقارماسىنىڭ ارنايى جۇلدەسىن يەمدەنگەن ءىلياس مۇقايىپتار دا بار عوي. ولار جايلى نە دەيسىز؟
- قارلىعا تەمىرعاليدىڭ ينتەرنەتتەن ءبىراز ولەڭدەرىن وقىپ ءجۇرمىن. قارلىعا 16 جاستا، شاماسى. مەن 16 جاسىمدا ونىڭ جازعانىنداي ولەڭ جازعان جوقپىن. بولاشاقتا ول قىزدان كەرەمەت اقىن شىعادى. سول قارلىعاعا ءى-ورىن الىپ بەرە المادىق، ءىىى-ورىندى ۇستاتۋعا تۋرا كەلدى. ال باۋىرجان الىقوجا مەن دينارا مالىكتى سۇمدىق اقىن دەمەي-اق قويايىن. بىراق ءوز دەڭگەيلەرىندە، جاقسى جازادى. مەنى تاڭعالدىرعان بوتاگوز بەن قارلىعا. بوتاگوزگە گران-ءپريدى، قارلىعاعا ءى-ورىندى بەرۋ كەرەك ەدى. ول جەردە قازى تەك مەن عانا ەمەسپىن، مارالتاي بار، جانات اسكەربەكقىزى مەن باقىتجان قاناپيانوۆ بار. اركىمنىڭ پىكىرى ءار ءتۇرلى عوي. توراعا فاريزا وڭعارسىنوۆا ەكەۋىمىز بوتاگوزدىڭ باس جۇلدە العانىن قاتتى قالاپ ەدىك. بىراق «مارالتاي جاس قوي، جاستاردىڭ ىشىندە ءجۇر، ولاردى وقيدى»، - دەپ، بالتابەككە توقتادىق.
- اعا، ءسىز اقىن مارالتايدىڭ تاڭداۋىن اسا جاقتىرماعان سياقتىسىز. بالتابەك نۇرعاليدى مارالتاي ۇسىندى دەپ قالدىڭىز. مارالتاي رايىمبەكۇلى «شابىتقا» بيىل عانا قازى بولعان جوق. نەگە ونىڭ تاڭداۋىنا سەنبەسكە؟ ىلگەرىدەگى «شابىتتا» ەرلان ءجۇنىستى جازباي تانىپ، جۇلدەلى ورىننان كورىنۋىنە ادىلقازى رەتىندە ءتىپتى تىزەگە سالىپ تۇرىپ، داۋلاسىپ ەدى. مارالتايدىڭ تاڭداۋى اداستىرعان جوق قوي، ماسەلەن؟! ەرلان ءجۇنىس قازىر ادەبي ورتادا ەسىمى اۋىزعا ءجيى ىلىگەتىن اقىننىڭ ءبىرى...
- مارالتايدى جامانداپ وتىرعان جوقپىن، اينالايىن! ول مىقتى اقىن، وزىنشە بولەكتەۋ اقىن. بىراق مارالتاي قازاق ادەبيەتىندەگى قۇبىلىس ەمەس قوي. قازاق پوەزياسىنداعى قۇبىلىس - فاريزا. نەگە فاريزانىڭ تاڭداۋىمەن ساناسپاسقا؟ فاريزا وزىندىك مەكتەبى بار، قازاق پوەزياسىندا وزىندىك جۇيەسى بار اقىن. مارالتايدا ونداي جۇيە جوق قوي، ماسەلەن؟! مارالتايدى اۋليە ەتىپ جۇرگەن ءوزىمىز: «مارالتاي، مارالتاي»، - دەپ. تاعدىرىن ايادىق. كەزىندە كەڭسايدا تۇنەپ جۇرگەنىن كوردىك تە: «ويباي، مىناۋ مىقتى اقىن ەكەن»، - دەپ قۇلاي كەتتىك. فاريزانىڭ جازعانىن، مەنىڭ جازعانىمدى جازدى ما مارالتاي؟ ول قازاق ادەبيەتىنە نە اكەلدى، وسىنى ايتشى؟
- اڭگىمە فاريزا مىقتى ما، مارالتاي مىقتى ما دەگەندە نەمەسە كىمنىڭ قازاق ادەبيەتىنە قانداي دۇنيە اكەلگەنىندە ەمەس، شىعارماشىل جاستاردىڭ فەستيۆالىندە كىم ءادىل سىنشى بولدى دەگەن سۇراقتىڭ توڭىرەگىندە ەمەس پە؟ قازىلاردىڭ اراسىنداعى كەلىسپەۋشىلىك رۋشىلدىق پەن جەرشىلدىكتىڭ كەسىرىنەن ادا دەي الاسىز با؟ ءوز جەرىنە، رۋلاسىنا بۇرا تارتۋ قازاق جۇرگەن جەردە بەلەڭ الماي قويمايدى عوي ويتكەنى. قانشالىقتى ءادىل بولدىڭىزدار دەگەندە مەن وسىنى سۇراماقشى ەدىم...
- ءبىز بارىنشا ءادىل بولدىق دەپ ويلايمىن. ساعان ايتا-يىن، مارالتاي - بار بولعانى پىشاقتىڭ قىرىنداي 1-2 كىتاپتىڭ اۆتورى. ال فاريزا توم-تومداپ جازعان ادام. باستارىڭا جاستاپ وقيتىندارىڭ ورىستىڭ اننا احماتوۆاسى مەن مارينا تسۆەتاەۆاسى ما؟ فاريزانى ورىسشاعا اۋدارايىقشى، احماتوۆاڭ قايدا قالادى ەكەن؟ ءادىل بولدىڭىزدار ما دەيسىڭ... وسىنداي سۇراقتارىڭمەن فاريزانى شارشاتىپ بىتتىڭدەر، قارتايتىپ جىبەردىڭدەر. ەندى مەنى قارتايتىپ باراسىڭدار. ۇلى فاريزانى سىيلاۋ كەرەك قوي، اينالا-يىن؟! «شابىتقا» 92 ادامنىڭ قولجازباسى كەلىپ ءتۇستى. شىعارماشىلىقپەن اينالىسۋ ەڭ ءبىر ءتيىمسىز زاماندا، جاستاردىڭ پوەزياعا دەگەن ىنتىزارلىعى قايران قالدىردى مەنى. ولەڭمەن ءومىر سۇرگىسى كەلەدى ەكەن. سونداي شىعارماشىل جاستاردىڭ فەستيۆالىنە بولىنگەن جۇلدە بار جوعى 5-6 ورىن. وسىعان قىنجىلىپ قايتتىق. ويباي-اۋ، وتىرىپ وتىز مينۋت ايتىسقان اقىنعا دەمەۋشىلەر بىردەن كولىك مىنگىزەدى. ال جازبا اقىنداردىڭ كۇنى مىناۋ... قازاق پوەزياسىنداعى جاستاردىڭ باس جۇلدەسى
200 000 تەڭگە بولىپ تۇر. فاريزا وڭعارسىنوۆا ايتىپ ءجۇرىپ، جۇلدەلى ورىنداردى كوبەيتىپتى قايتا. ايتپەسە 3 ورىنمەن شەكتەلەر ەدى. ەكىنشى، ءۇشىنشى ورىندى ءبىر ەمەس، بىرنەشە اقىنعا بەرەيىك دەپ جۇگىردى.
- بايگە بولعاسىن اراعا كىسى سالۋ، تامىر-تانىسىنا تەلەفون سوقتىرۋ دەگەندەر بولماي تۇرمايدى عوي. قازى بولىپ توردە وتىردىڭىز، «شابىتتا» وسىنداي ارەكەتتەر ورىن الدى ما؟
- حابارلاما جىبەرىپ «ءى-ورىندى الىپ بەرسەڭىز، راحمەتىمدى ايتىپ، ريزا ەتەمىن»، - دەگەندەر بولدى. تەلەفون شالعاندار دا كەزدەستى. ولەڭدەرى جۇلدەگە تاتىمايدى. جاس كەزدە بايگەگە قاتىسقانىمدا جولىمدى كەسكەندەر كوپ بولعان. سونداي قياناتتى بۇگىنگى جاستار كورمەسە دەدىم. جاس تالانتتاردىڭ باعىن بايلاعىم كەلمەدى. جاقسى ولەڭگە ادىلەتسىزدىك تانىتۋعا حاقىم جوق.
- جاستاردىڭ «شابىت» فەستيۆالى ادەبيەتتەگى تاي جارىسى سىندى جارىس قوي. تەك تاي جارىسىن ءسوز ەتكەندەي بولمايىق. كۇنى كەشە ادەبيەتتىڭ بىزدەگى باس بايگەسى «مەملەكەتتىك سىيلىقتىڭ» يەگەرلەرى انىقتالدى. سىيلىقتىڭ يەگەرلەرى جايلى نە دەيسىز؟
- پوەزيادا نەسىپبەك ايتوۆتىڭ العانى وتە دۇرىس بولدى. نەسىپبەك ءومىرىن قازاقتىڭ جىرىنا ارناعان ادام. ادەبيەتكە قىزمەت ەتپەي تۇرىپ، «ادەبيەت ماعان قىزمەت ەتسىن» دەيتىندەر دە بار عوي، ولاردىڭ جانىندا نەسىپبەكتىڭ العانى ورىندى. پروزادان يەلەنگەن ءسابيت دوسانوۆ قوي؟! ونىڭ نەسىن سۇرايسىڭ... ءبىر انەكدوتقا بەرگىسىز اڭگىمە ايتىپ بەرەيىن ساعان، قازىر مارقۇم بولىپ كەتتى تورعايلىق ءبىر مىقتى ساتيريك، جۋرناليست جىگىت بولدى. اتىن ۇمىتىپ وتىرمىن. سول جۋرناليست تورعايدىڭ مۋزەيىن ارالاپ جۇرسە، مۋزەي تانىستىرۋشىلارى: «مىناۋ - ءسابيت دوسانوۆ دەگەن جەرلەسىمىز. بۇل - جازۋشىمىزدىڭ مەملەكەت باسشىلارىمەن تۇسكەن سۋرەتى»، - دەپ دوسانوۆتىڭ سۋرەتىن كورسەتىپتى دەيدى. سويتسە، الگى ساتيريك جىگىت: «ويباي-اۋ، سابەڭنىڭ مەملەكەت باسشىلارىمەن تۇسكەن سۋرەتىن بىلەمىز عوي. ءسابيت دوسانوۆتىڭ پايعامبارىمىز مۇحاممەد عالەيسالاممەن تۇسكەن سۋرەتى بار ما ەكەن؟ سونى كورسەتىڭىزشى»، - دەپ قاعىتىپتى. مۋزەيدەگى سول اڭگىمە انەكدوتقا اينالىپ كەتتى قازىر. سابيتكە بۇدان باسقا نە ايتامىن؟ ال نەسىپبەكتىڭ العانى ءجون. مۇقاعالي ماقاتاەۆ ءبىزدىڭ بۋىننان ەشكىمگە العىسوز جازباي، نەسىپبەككە جازعان كەزىندە. مۇقاعاليدىڭ كوزىنە ءتۇسۋ كەزدەيسوقتىق ەمەس قوي. سوندىقتان نەسىپبەك پەن ءسابيتتى سالىستىرۋعا بولمايدى.
- اڭگىمەنى ەندى وزىڭىزگە بۇرساق... كەشە عانا «جاس الاشتان» «تۇسىنىكسىز قازاق» اتتى ەسسەڭىزدى وقىدىق. سوناۋ قاراعاندىدا جاتىپ، اباي فەنومەنىن تىلگە تيەك ەتكەنىڭىزگە قۋانىپ قالدىم. قانشا دەگەنمەن الماتىدان الىستاسىز عوي. الماتىداعى ادەبي ورتاعا شەتتەگى قالامگەردىڭ كوزىمەن قاراپ كورەيىكشى...
- مەن الماتىداعى ادەبي ورتانى ادەبي ورتا دەپ باعالامايمىن. ويتكەنى ولار اراقتى ءبىر-بىرىنە قۇيىپ وتىرىپ ولەڭ وقىپ، ءبىرىن-ءبىرى ماقتاپ كلاسسيك دەگەندەرىنە ءماز. زامانداس-تارىن وقيتىندارى از. مەنىڭ تۇسىنىگىمدە ادەبي ورتا الماتىدا ەمەس، قاراعاندىدا. ەڭ كەرەمەت ادەبي ورتا قاراعاندىدا دەپ ەسەپتەيمىن، نانباساڭ كەلىپ مۇنداعى جاستاردان سۇرا. «قاسىم» جۋرنالىنىڭ باسىندا سەرىك ساعىنتايداي قازاقتىڭ مىقتى اقىنى، پروزايگى، قالامى جۇيرىك ءجۋرناليسى وتىر. ميراس اسان، رۋسلان نۇرباي، راحات ءابدىراحمانوۆ سىندى اقىندارىمىز، ءبىراز جازۋشىلارىمىز بار. «قاسىم» جۋرنالىنىڭ ماڭايىندا ءبارى.
- سىزدەردىڭ وزدەرىڭىز الپىستى القىمداپ قالدىڭىزدار. ارتىڭىزعا بۇرىلىپ قاراعاندا نە كورەسىز؟ وسى كەزگە دەيىنگى شىعارماشىلىعىڭىزعا كوڭىلىڭىز تولا ما؟
- مەنىڭ قازىرگى دەڭگەيىم وتە كۇشتى، بىلەمىن. مەن ولەڭمەن «اۋىرعان» اداممىن. سول ولەڭمەن وتىرمىن. تاياۋدا «قارا ورمان» دەگەن كىتابىم جارىق كوردى. 2000 - 2012 جىلدارى جازعان دۇنيەلەرىمدى جيىپ، «الاس-الاس» دەگەن اتپەن ءبىر تومدىق كىتابىمدى شىعارماقپىن. جاڭا سەن وقىدىم دەگەن ەسسەنى، سونداي پۋبليتسيستيكالىق دۇنيەلەرىمدى ءبىر تومعا جيناقتاسام دەيمىن. سوسىن اللادان حابار كەلسە جازامىن، كەلمەسە جازباي وتىرامىن. بۇرىن شيمايلاپ، كۇنى-ءتۇنى جازا بەرۋشى ەدىم. قازىر اللادان حابار كۇتەمىن. اندرەي ۆوزنەسەنسكي 65 پەن 70 جاسىنىڭ ارالىعىندا كەرەمەت ولەڭدەر تۋدىرعان. ارمانىم سول اندرەي قۇساپ ەندى ون جىلدا وسى جازعاندارىمنان دا كەرەمەت دۇنيە جازىپ قالدىرۋ. مەنىڭشە، اقىن جامبىلدىڭ جاسىنا، 90-عا كەلۋى كەرەك. سوندا عانا اقىندىق الەۋەتى كورىنەدى.
- جاڭا ءبىر سوزىڭىزدە: «مارالتايدى نەگە سەندەر قۇبىلىس كورەسىڭدەر؟»، - دەپ مەنىمەن كەلىسپەي قالدىڭىز عوي. سىزدىڭشە قاي اقىننىڭ جۇلدىزدى شاعى قازىر؟ كىمنىڭ ەسىمى وزگەلەردەن بيىك تۇر؟
- قازىرگىلەردەن مەن ءۇشىن ەڭ كەرەمەت اقىن - تەمىرحان مەدەتبەك. سەن ايتىپ وتىرعان جۇلدىزدى شاق تەمىرحاندا. ول - قازاق پوەزياسىنىڭ زاڭناماسىن بۇزىپ، تىڭنان جول سالعان تالانت. تەمىرحاننان كەيىن تىنىشتىقبەك ابدىكاكىم پوەزيادا وزىندىك سۇرلەۋمەن كەلەدى. وسى ەكى اقىن، ودان كەيىن - مەن. باسقاسىن مويىندامايمىن.
- ال پروزادا شە؟
- پروزادا مۇحتار ماعاۋين. تولەن ابدىك اعاڭ تۇر تاعى. پروزايكتەردىڭ شەبەرلىگى اۋەزوۆ پەن ايماۋىتوۆتان كەيىن تاۋسىلعانداي كورەسىڭدەر سەندەر. ەگەر ماعاۋين مەن تولەن وزبەكتەردىڭ ماڭدايىنا بىتكەندە، ەكەۋىن الدەقاشان نوبەل سىيلىعىنا ۇسىنار ەدى.
- اڭگىمەڭىزگە راحمەت! سۇحباتتاسقان - قارلىعا يبراگيموۆا
"حالىق ءسوزى" گازەتى
