"قازاقستان سىرتقى ىستەر مينيسترلىگى نە جاعداي بولعانىن ءتۇسىنۋ ءۇشىن حات جولدادى. ءبىز ازاماتتارىمىزدىڭ قۇقىعىن قورعايمىز", – دەدى ايبەك سمادياروۆ.
ونىڭ ايتۋىنشا، مينيسترلىك سامارقاند ىشكى ىستەر ورگاندارى قىزمەتكەرلەرىنىڭ قازاقستان ازاماتتارىنا ەلەكتر شوكەرىن قولدانعانى بەينەلەنگەن ۆيدەونى زەرتتەدى.
"وزبەكستان قوعامى قۇقىق قورعاۋ ورگاندارىنىڭ بۇل ارەكەتىن سىناپ جاتىر. قالاي دەگەنمەن، ءبىز جاعدايدى باقىلاپ وتىرمىز", - دەپ مالىمدەدى ءسىم وكىلى.
ەسكە سالايىق، 21 مامىرعا قاراعان ءتۇنى سامارقاندا كۇزەت قىزمەتىنىڭ وكىلدەرى كورشى ەلدەن كەلگەن تۋريستەردىڭ كىم ەكەنىن انىقتاۋ كەزىندە ەلەكتر شوكەرىن قولدانعان.
وزبەكستان ىشكى ىستەر مينيسترلىگى زاڭ بۇزعان قىزمەتكەرلەر جاۋاپقا تارتىلاتىنىن مالىمدەدى.
Abai.kz
