5 ماۋسىمدا كونستيتۋتسياعا وزگەرىستەر مەن تولىقتىرۋلار قابىلداۋ بويىنشا جالپىۇلتتىق رەفەرەندۋم وتەتىنى بەلگىلى.

بۇل شارانىڭ ساياسي ماڭىزدىلىعىن ناسيحاتتاۋ ماقساتىندا توبىل-تورعاي وڭىرىندە اقمولا، سولتۇستىك قازاقستان، پاۆلودار جانە قوستاناي وبلىستارى ءماسليحاتتارىنىڭ حاتشىلارى مەن وڭىرلىك شتاب باسشىلارىنىڭ كوشپەلى باس قوسۋى ءوتتى.

كوشپەلى وتىرىسقا وبلىستىڭ قوعامدىق كەڭەسىنىڭ مۇشەلەرى، ءماسليحات دەپۋتاتتارى، كاسىپوداقتار، ارداگەرلەر ۇيىمى، ساياسي پارتيالار، باسقا دا ۇكىمەتتىك ەمەس ۇيىمدار مەن قوعامدىق بىرلەستىكتەر، بۇقارالىق اقپارات قۇرالدارىنىڭ وكىلدەرى قاتىستى.

ءماجىلىستى اشقان قوستاناي وبلىستىق ءماسليحاتىنىڭ حاتشىسى سايلاۋبەك ەششانوۆ كەزدەسۋدىڭ ماقساتى رەفەرەندۋمدى قولداۋ بولىپ تابىلاتىندىعى جانە بۇنداي فورمات حالىق بيلىگىنىڭ جارقىن ۇلگىسى، ءاربىر قازاقستاندىق ءوزىنىڭ ازاماتتىق ۇستانىمىن بىلدىرە وتىرىپ، جاڭا قازاقستاندى قۇرۋعا تىكەلەي ۇلەس قوساتىنىنا ۇلگى بولاتىنىن اتاپ ءوتتى.

كەزدەسۋدىڭ مودەراتورى رەفەرەندۋمدى قوعامدىق قولداۋ جونىندەگى رەسپۋبليكالىق شتابتىڭ جانە «قازاقستان ءماسليحاتتارى دەپۋتاتتارىنىڭ بىرلەستىگى» رەسپۋبليكالىق قوعامدىق بىرلەستىگىنىڭ توراعاسى تولەۋبەك مۇقاشەۆ بولدى.

وتىرىستى جالعاستىرا وتىرىپ، تولەۋبەك مۇقاشەۆ «رەفەرەندۋم – حالىق  بيلىگىنىڭ جارقىن ۇلگىسى، ءاربىر قازاقستاندىقتىڭ ءوزىنىڭ ازاماتتىق ۇستانىمىن بىلدىرە وتىرىپ، جاڭا قازاقستاندى قۇرۋعا تىكەلەي ۇلەس قوسۋىنىڭ ايقىن مىسالى. مەملەكەت باسشىسىنىڭ جاڭا قازاقستاندى، رەفەرەندۋم وتكىزۋمەن قاتار ەكىنشى رەسپۋبليكانى قۇرۋ تۋرالى يدەياسىنىڭ باستالۋى – تاريحي وقيعا. ويتكەنى، بۇل 27 جىلدىڭ ىشىندە ءوتىپ جاتقان ەكىنشى رەفەرەندۋم. بۇرىن كونستيتۋتسياعا وزگەرىستەر تالقىلانىپ، پارلامەنتكە ەنگىزىلدى. رەفەرەندۋمنىڭ تاريحي ماڭىزى – بۇل جالپى ۇلتتىڭ تاعدىرىنا قاتىستى ماسەلەلەردى حالىقتىڭ تالقىلاۋىنا شىعارۋ، دەموكراتيانىڭ نەگىزدەرىن بەكىتۋ، ونىڭ مەملەكەتتىك بيلىككە تىكەلەي قاتىسۋىن قامتاماسىز ەتۋ».

پاۆلودار وبلىستىق ءماسليحاتىنىڭ حاتشىسى ەرنۋار ايتكەنوۆ اقپاراتتىق-ءتۇسىندىرۋ جۇمىستارى باستالعاننان بەرى پاۆلودار وبلىسىنىڭ بارلىق دەڭگەيدەگى دەپۋتاتتارى 50 مىڭعا جۋىق ادامدى قامتي وتىرىپ، 300-دەن استام كەزدەسۋ مەن ءىس-شارا وتكىزگەنىن باياندادى.

اقمولا وبلىسى بويىنشا رەفەرەندۋم جونىندەگى وڭىرلىك شتاب توراعاسى ەرلان زاكيريانوۆ ءوز سوزىندە حالىقپەن كەزدەسۋ كەزىندە تۇرعىندار اراسىندا پرەزيدەنت وكىلەتتىگىن قىسقارتۋ، پارلامەنت پەن ءماسليحاتتاردىڭ ءرولىن كۇشەيتۋ، ازاماتتاردىڭ مەملەكەتتى باسقارۋعا قاتىسۋىن كەڭەيتۋ ماسەلەلەرى ەرەكشە قىزىعۋشىلىق تۋدىراتىنىن اتاپ ءوتتى.

رەفەرەندۋم وتكىزۋ بويىنشا ەل ازاماتتارىنىڭ الدىنا قويىلعان مىندەتتەردى جۇزەگە اسىرۋ ماقساتىندا «قازاقستان ءماسليحاتتارى دەپۋتاتتارىنىڭ بىرلەستىگى» رەسپۋبليكالىق قوعامدىق بىرلەستىگىنىڭ باستاماسىمەن ەل كولەمىندە جانە وڭىرلەردە قوعامدىق شتاب قۇرىلدى.

رەفەرەندۋمدى قوعامدىق قولداۋ شتابىنىڭ مۇشەلەرى قوستاناي وبلىسىندا جۇرگىزىلىپ جاتقان جۇمىستار تۋرالى ايتىپ بەردى. حالىقتىڭ بارلىق توپتارىن قامتيتىن اۋقىمدى ءىس-شارالار وزگەرىستەردى جاپپاي قولداۋدىڭ دالەلى بولىپ تابىلادى.

ءماسليحات دەپۋتاتتارى، زيالى قاۋىم، ازاماتتىق سەكتور، ەتنومادەني بىرلەستىكتەر وكىلدەرى، مادەنيەت جانە سپورت قايراتكەرلەرى، جاستار ۇيىمدارى كۇن سايىن قالالار مەن اۋدانداردا، ەڭبەك ۇجىمدارىندا، شالعايداعى اۋىلدىق ەلدى مەكەندەردە حالىقپەن كەزدەسۋلەر وتكىزەدى، جەكە ماسەلەلەر بويىنشا قابىلداۋلار وتكىزەدى. نەگىزگى مىندەت-ءاربىر ۇيگە، ءاربىر تۇرعىنعا اقپاراتتىق ءتۇسىندىرۋدى قامتاماسىز ەتۋ.

Abai.kz