ىزگىلىك ناعيەۆ: ««45minut.kz» ءبىلىم وردالارىنان تىلشىلەر ىزدەيدى»
ءبىراز ۋاقىت بۇرىن قازاقستاننىڭ اقپارات سالاسى تاعى ءبىر باسىلىممەن تولىققان بولاتىن. «45minut.kz» دەپ اتالاتىن رەسپۋبليكالىق گازەتتىڭ تىنىس-تىرشىلىگىمەن تانىسۋ ماقساتىندا باسىلىمنىڭ باس رەداكتورى ىزگىلىك ناعيەۆپەن سۇحباتتاستىق. سۇحبات بارىسىندا باس رەداكتور مىرزا بىزگە «45minut.kz» گازەتىنىڭ ەلەكتروندى نۇسقاسى دا بولاتىنىن، ەلەكتروندى نۇسقانىڭ وقىتۋشىمەن، وقۋشىمەن، اتا-انامەن تىكەلەي بايلانىستاعى جەلىگە اينالاتىندىعىن اڭگىمەلەپ بەردى.
- «45minut.kz» گازەتىنىڭ ماقساتى قانداي؟ گازەت باسىلىم رەتىندە نەنى كوزدەيدى؟
ءبىراز ۋاقىت بۇرىن قازاقستاننىڭ اقپارات سالاسى تاعى ءبىر باسىلىممەن تولىققان بولاتىن. «45minut.kz» دەپ اتالاتىن رەسپۋبليكالىق گازەتتىڭ تىنىس-تىرشىلىگىمەن تانىسۋ ماقساتىندا باسىلىمنىڭ باس رەداكتورى ىزگىلىك ناعيەۆپەن سۇحباتتاستىق. سۇحبات بارىسىندا باس رەداكتور مىرزا بىزگە «45minut.kz» گازەتىنىڭ ەلەكتروندى نۇسقاسى دا بولاتىنىن، ەلەكتروندى نۇسقانىڭ وقىتۋشىمەن، وقۋشىمەن، اتا-انامەن تىكەلەي بايلانىستاعى جەلىگە اينالاتىندىعىن اڭگىمەلەپ بەردى.
- «45minut.kz» گازەتىنىڭ ماقساتى قانداي؟ گازەت باسىلىم رەتىندە نەنى كوزدەيدى؟
«45minut.kz»رەسپۋبليكالىق گازەتىنىڭ جارىققا شىعۋداعى ماقساتى - ەلىمىزدىڭ تۇكپىر-تۇكپىرلەرىندەگى ءبىلىم وردالارى مەن ونداعى مۇعالىمدەردىڭ شىعارماشىلىق جۇمىستارىن جۇرتشىلىققا تانىستىرۋ، مەكتەپارالىق جانە مۇعالىمدەر اراسىن بايلانىستىراتىن پلاتفورما قالىپتاستىرۋ. قالىپتاسقان پلاتفورما ارقىلى بۇگىنگى ءبىلىم سالاسىنىڭ وزەكتى پروبلەماسىنا اينالىپ جۇرگەن رەسپۋبليكامىزدىڭ ورتالىقتارى (قالالار) مەن شالعاي ايماقتارىنداعى (اۋىلدار) ءبىلىم دەڭگەيىنىڭ سايكەسسىزدىگىن ازايتۋدى كوزدەپ وتىرمىز. ماسەلەن، ساباق ءوتۋدىڭ ءتيىمدى ءتاسىلىن ويلاپ تاپقان مۇعالىم ءوز جاڭالىعىن ءبىزدىڭ گازەت ارقىلى، نەمەسە گازەتتىڭ سايتى ارقىلى باسقا وڭىردەگى مەكتەپ مۇعالىمىمەن جىلدام بولىسە الادى. بۇگىنگە دەيىن قالا مەن اۋىل مەكتەبى اراسىنداعى ءبىلىم دەڭگەيىنىڭ الشاقتىعى اقپارات الماسۋ مۇمكىندىگىنىڭ جوقتىعىنان، مۇعالىمدەردىڭ ءبىر-ءبىرىنىڭ تاجىريبەسىنەن بەيحابار بولۋىنان دەپ تۇسىنەمىز. «45minut.kz» رەسپۋبليكالىق گازەتى وسى ولقىلىقتىڭ ورنىن تولتىرۋدى موينىنا الىپ وتىر.
- «45minut.kz» گازەتىنىڭ باسقا اقپارات قۇرالدارىنان قانداي ەرەكشەلىكتەرى بار؟
- «45minut.kz» گازەتىنىڭ 3 سۋبەكتىسى بار: مۇعالىم، وقۋشى جانە اتا-انا. كەز-كەلگەن اتا-انا بالاسىنىڭ مەكتەپتە نە وقىپ، قانداي ءتالىم الىپ جۇرگەنىنەن حاباردار بولعىسى كەلەدى. مۇعالىم دە تاربيە بەرۋ ءتاسىلىن جارنامالاۋ ارقىلى رەيتينگىسىن كوتەرە الادى. بالا تاربيەسىنە اتا-انا مەن مۇعالىم بىردەي جاۋاپتى بولعاندىقتان، بارلىق تاراپ تاربيە جۇمىستارىنىڭ اشىق بولعانىن قالايدى. سول سەبەپتى ءبىلىم وردالارىنان ءوز قاتارىمىزعا تىلشىلەر قابىلداپ جاتىرمىز. تىلشىلەر شىعارماشىلىق جۇمىستارى مەن جەتىستىكتەرىن ءبىزدىڭ باسىلىم ارقىلى جاريالاي الادى. ولاردىڭ تاربيە جۇمىستارى جونىندە قاراپايىم وقىرماندارمەن بىرگە اتا-انالار دا ءبىلىپ وتىراتىن بولادى.
- الداعى ۋاقىتتا قانداي ءىس-شارالاردى جۇزەگە اسىرماقشىسىزدار؟-
- مەكتەپتەردە سەمينارلار وتكىزىپ، مۇعالىمدەر اراسىنان تىلشىلەر جيناۋ ءبىزدىڭ العاشقى قادامىمىز بولماق. «45minut.kz» گازەتىنىڭ مۇقاباسى دا، بەتتەرى دە سول تىلشىلەردىڭ قولىنان شىققان تىڭ اقپاراتتارمەن تولتىرىلادى. بۇل شارا تەك مۇعالىمگە عانا ەمەس، تۇتاس مەكتەپكە عيبراتى مول جۇمىستارىن جارنامالاۋعا مۇمكىندىك بەرەدى. سونىمەن قاتار قازىرگى تاڭدا «مەكتەپتەگى ءبىر مەزەت» جانە «ارمانى اسقاق وقۋشى» اتتى الەۋمەتتىك جوبالار ۇيىمداستىرىلىپ جاتىر. العاشقى جوبا بويىنشا مەكتەپتىڭ ءبىر مەزەتتىك تىنىسىنا ۆيدەوشولۋ جۇرگىزىلسە، «ارمانى اسقاق وقۋشى» جوباسىندا وقۋشىنىڭ ومىرلىك ۇستانىمىنا قولداۋ كورسەتۋدى ماقسات تۇتىپ وتىرمىز.
سونىمەن بىرگە رەسپۋبليكالىق باسىلىمعا جاريالانۋعا تىلەك ءبىلدىرۋشى ۇستازداردىڭ سانى ارتۋىنا بايلانىستى جانە ۇستاز ەڭبەگىنىڭ تارالىمى قازىرگى زامانعا ساي بولۋى ءۇشىن، 45minut.kz گازەتى ەكى تۇردە جاريالاناتىنى تۋرالى حابارلايمىز.
- گازەتتىڭ قاعاز نۇسقاسىنىڭ ساپاسى ارتادى جانە تولىق ءتۇرلى-ءتۇستى (پولنوتسۆەتنىي) بولىپ جاريالانادى. قاعاز نۇسقاداعى گازەتتە نەگىزىنەن جاڭالىقتار، ماڭىزدى اقپاراتتار، سۇحباتتار، حابارلاندىرۋلار، ماقالالار، وقۋشىلار جەتىستىكتەرى، سۋرەتتەر جاريالانادى. گازەت وقۋعا ىڭعايلى ينفورماتسيالارمەن تولىعادى.
- گازەتتىڭ ەلەكتروندى ءتۇرى ساباقتاردى جاريالاۋعا ارنالادى.
گازەتتىڭ ەلەكتروندى ءتۇرىنىڭ مىناداي ارتىقشىلىقتارى بار:
- ەلەكتروندى گازەت ءنومىرىن جاريالانعان ۋاقىتتان باستاپ www.45minut.kz سايتىندا جۇكتەپ الىپ وقۋعا، ەلەكتروندى تۇردە پايدالانۋعا مۇمكىندىك بولادى.
- ءار پاننەن بولاتىن ساباقتاردىڭ سۋرەتتەرى جانە تابليتسالارى تولىقتاي جاريالانادى.
- ساباقتاردىڭ بەت سانىنا، كولەمىنە شەكتەۋ قويىلمايدى. رەسپۋبليكا بويىنشا ساباقتار ارقىلى ەلەكتروندى تۇردە تاجىريبە الماسۋعا مۇمكىندىك بار.
- ەلەكتروندى گازەتتەگى قاجەت بولعان ساباقتى كوشىرىپ الۋعا جانە پرينتەر ارقىلى شىعارىپ الۋعا بولادى.
- ساباق رەسپۋبليكالىق باسىلىمنىڭ ەلەكتروندى نومىرىندە جاريالانعانى تۋرالى ارنايى انىقتاما سۇرانىس بويىنشا تەگىن ازىرلەنەدى جانە كازپوچتا ارقىلى جىبەرىلەدى.
- www.45minut.kz سايتىندا جانە گازەتتىڭ قاعاز تۇرىندەگى نۇسقاسىندا ەلەكتروندى نومىرگە جاريالانعان ساباقتار ءتىزىمى تۇراقتى تۇردە جاريالانادى.
- كاتەگوريا الۋ ءۇشىن قۇجاتتار جيناقتاعان ۋاقىتتا ساباق جاريالانعان ەلەكتروندى گازەتتى پرينتەردەن شىعارىپ الۋعا بولادى جانە ول ارنايى انىقتاماسى جاريالانعانى تۋرالى رەسمي قۇجات بولىپ ەسەپتەلەدى.
وسىنداي باستامالارمەن ۇستازدار قاۋىمىنا ارنالعان ەلەكتروندى كەڭىستىكتى ۇلعايتىپ وتىرمىز. گازەت الداعى ۋاقىتتا دا زاماناۋي تالاپتارعا بەيىمدەلە تۇسەتىن بولادى.
«Abai.kz»
