P.S. ءاۋ باستا مارالتاي رايىمبەكۇلى «شابىت» فەستيۆالىندە شەشۋشى ءساتتى كۇتپەي، قازىلىقتان كەتىپ قالىپتى دەگەندى ەستىپ، اقىننىڭ وزىنە حابارلاسقانبىز. «جولدامىن، قىرۋار شارۋالارىمنان قول تيمەي تۇر»، -  دەگەن جاۋاپ ەستىدىك، بىراق. «شابىتتاعى» شۋدىڭ سەبەبىن انىقتاۋعا قازىلار القاسىنىڭ ءبىر مۇشەسى سەرىك اقسۇڭقارۇلىنا جۇگىنگەنىمىز سودان. الايدا، سەرىك اعامىزدىڭ ايتۋىنشا مارالتايدىڭ ادرەسىنە باعىتتالعان ءبىراز اڭگىمە بولدى. بىرجاقتى بولىپ كەتپەيىك دەپ، مارالتايعا قايتا-قايتا تەلەفون سوقتىق. اقىرىندا مىناداي جاۋاپ ەستىدىك:

مارالتاي رايىمبەكۇلى، اقىن، حالىقارالىق «شابىت» فەستيۆالىنىڭ كوميسسيا مۇشەسى:

- «مارالتايدىڭ ادامى، مارالتاي ۇسىنعان ۇمىتكەر»، - دەگەن نە اڭگىمە؟ ولار مەنىڭ جەتى تۋىپ، ءبىر قالعانىم با ەكەن؟ مەن جەڭىمپاز بولعانىن قالاعان اقىندار شىن مانىندە ادەبيەتتىڭ ادامدارى.
- ءسىز كىمنىڭ جۇلدەگەر بولۋى ءۇشىن قازىلارمەن كەلىسپەدىڭىز سوندا؟

P.S. ءاۋ باستا مارالتاي رايىمبەكۇلى «شابىت» فەستيۆالىندە شەشۋشى ءساتتى كۇتپەي، قازىلىقتان كەتىپ قالىپتى دەگەندى ەستىپ، اقىننىڭ وزىنە حابارلاسقانبىز. «جولدامىن، قىرۋار شارۋالارىمنان قول تيمەي تۇر»، -  دەگەن جاۋاپ ەستىدىك، بىراق. «شابىتتاعى» شۋدىڭ سەبەبىن انىقتاۋعا قازىلار القاسىنىڭ ءبىر مۇشەسى سەرىك اقسۇڭقارۇلىنا جۇگىنگەنىمىز سودان. الايدا، سەرىك اعامىزدىڭ ايتۋىنشا مارالتايدىڭ ادرەسىنە باعىتتالعان ءبىراز اڭگىمە بولدى. بىرجاقتى بولىپ كەتپەيىك دەپ، مارالتايعا قايتا-قايتا تەلەفون سوقتىق. اقىرىندا مىناداي جاۋاپ ەستىدىك:

مارالتاي رايىمبەكۇلى، اقىن، حالىقارالىق «شابىت» فەستيۆالىنىڭ كوميسسيا مۇشەسى:

- «مارالتايدىڭ ادامى، مارالتاي ۇسىنعان ۇمىتكەر»، - دەگەن نە اڭگىمە؟ ولار مەنىڭ جەتى تۋىپ، ءبىر قالعانىم با ەكەن؟ مەن جەڭىمپاز بولعانىن قالاعان اقىندار شىن مانىندە ادەبيەتتىڭ ادامدارى.
- ءسىز كىمنىڭ جۇلدەگەر بولۋى ءۇشىن قازىلارمەن كەلىسپەدىڭىز سوندا؟
- مەن قازىلارمەن سوزگە كەلگەن جوقپىن، بىرىنشىدەن. ءوز پىكىرىمدى ايتتىم دا،  باس تارتتىم دا، كەتتىم. بىرنەشە اقىن بايگەدەن تىسقارى قالدى. سايان ەسجان، توقسانباي مەرگەن، ابايلداەۆ تابيعات دەگەن جىگىتتەر جۇلدەگە ىلىگۋى كەرەك ەدى. ولاردى مارالتايدىڭ ادامى دەيتىندەي ەمەس. «بالتابەك نۇرعاليعا باس جۇلدەنى مەنىڭ ۇسىنىسىممەن بەردىك»، - دەپتى سەرىك اعامىز.  بالتابەك باسقالارمەن سالىستىرعاندا سالىستىرمالى تۇردە جەتتى جۇلدەگە. ويتكەنى قاتىسۋشىلاردىڭ ءبارى دەڭگەيلەس.  سوندىقتان دا ءبارىمىز ءبىر شەشىمگە كەلىپ، باس جۇلدەنى بالتابەككە ۇستاتتىق.
- بۇل جولعى «شابىتتا» جارقىراپ كورىنگەن اقىن كىم سىزدىڭشە؟
- جۇلدەلى ورىن العانداردان بالتابەك باس جۇلدەگە ابدەن لايىقتى. قارلىعا تەمىرعالي - بولاشاعى بار قىز. باسىنان باق تايىپ كەتپەسە، قازاقتىڭ جاقسى اقىنى بولادى. جۇلدەگە ىلىكپەي قالعانداردان تابيعات ابايلداەۆتان ءۇمىت كۇتەمىن.  نۇرجان قادىرالى دە جۇلدەدەن شەت قالدى. ونىڭ وبرازدى ويلاۋى، ولشەمى، قادىمى، ادىمى ۇلكەن نارسەلەردى كوزگە ەلەستەتەدى. نۇرجاننىڭ قازاقتىڭ ۇلكەن اقىنىنىڭ بىرىنە اينالاتىنىنا سەنىمدىمىن. جاڭا مەن ايتقان سايان مەن مەرگەن دە مىقتى اقىندار. قاراعاندىدان كەلگەن قۋانىش دەگەن جىگىت تە جۇلدەنىڭ ماڭايىنان الىس قالدى. مەنى سول ازاماتتاردىڭ جولى كەسىلگەنى الاڭداتتى. ءبارىن تالاستىرىپ-تالاستىرماي، جۇلدە قورىن كوبەيتۋ كەرەك. ءبىر بايگە بىرنەشە اقىنعا بەرىلسە قانداي جاقسى، مىسالى. 93 ۇمىتكەرگە اينالدىرعان 6 جۇلدە جۇعىن بولا ما؟ بىزگە «شابىتتىڭ» شارتتارىن قايتا قاراۋ كەرەك شىعار. قازىلىقتان كەتىپ قالعانىما ەشكىمدى كىنالامايمىن. مەنى جاقسى اقىنداردىڭ جولى كەسىلگەنى قىنجىلتتى.
- ەندىگى «شابىتتا» قازىلار القاسىنان ءسىزدى كورەمىز بە، الدە ءۇزىلدى-كەسىلدى قازىلىقتان باس تارتتىڭىز با؟
- ول ءبىر اللانىڭ قالاۋى عوي. ەگەر «شابىت» فەستيۆالى مەنىڭ تورەلىگىمدى قاجەتسىنىپ تۇرسا، بارۋعا بولادى. قاجەتسىنبەسە رەنجىمەيمىن. ءسوز پاتشاسىنا قياناتىمىز وتپەۋى ءتيىس. پوەزيانىڭ اينالاسىن كىرلەتپەۋىمىز كەرەك. سەرىك اقسۇڭقارۇلى مەنىمەن كەلىسپەدى دەپ ەشكىمدى كىنالامايمىن.  ءوز پىكىرىمدى ۇستاندىم، ەشكىمگە وكپەم جوق.
سۇحباتتاسقان - قارلىعا يبراگيموۆا

"حالىق ءسوزى" گازەتى