جۇما, 12 تامىز 2022
ءوز ءسوزى 1414 5 پىكىر 22 ماۋسىم, 2022 ساعات 14:14

«مەن قازاقپىن»: قادىروۆ قايتا قۇبىلدى

شەشەنستان رەسپۋبليكاسىنىڭ باسشىسى رامزان قادىروۆ قايتا ۆيدەو مالىمدەمە جاساپ، قايتا قۇبىلدى. ول بۇعان دەيىن قازاقستانعا ايتقان ءسوزىن بيلىككە قاراتا ايتقانىن ايتىپ، مالىمدەمەنىڭ قازاق حالقىنا قاتىسى جوقتىعىن جەتكىزىپتى. 

اپتانىڭ باسىندا رامزان قادىروۆ قازاقستانعا قاراتا مالىمدەمە جاسادى. ول:

"رەسەي قازاقستاندى قۇتقارىپ قالدى. قازاقستان سۋۆەرەنيتەتىنەن ايىرىلار ساتتە كومەككە كىم كەلدى؟ رەسەي. ەش قورىقپاستان ءبىرىنشى بولىپ ماسكەۋ قازاقستانعا كومەك قولىن سوزدى", - دەگەن بولاتىن. قادىروۆتىڭ بۇل ءسوزى قازاقستان قوعامىندا كەڭىنەن تالقىلانىپ، قارسى رەاكتسيا تۋدىردى. قوعام قايراتكەرلەرى، دەپۋتاتتار، تانىمال تۇلعالار قارسى جاۋاپ بەردى.

ول ءوزىنىڭ بۇعان دەيىن جاساعان مالىمدەمەسىن حايپ قۋعان بلوگەرلەر بۇرمالاپ اكەتكەنىن ايتادى.

"مەن بۇعان دەيىنگى مالىمدەمەمدە ساياسات جايلى، ۇقشۇ جايلى، مەملەكەتتىڭ ساياسي كوزقاراسى مەن پوزيتسياسى جايلى ايتتىم، ۇلت جايلى مۇلدە ايتپادىم. 

مەن قازاق حالقى وتە جاقسى كورەمىن. مەنىڭ بۇل حالىققا شەكسىز ريزامىن. مەن عانا ەمەس بارلىق شەشەن حالقى ريزا. ارقاشان قازاق حالقىنا العىس ايتىپ، قازاق حالقى ءۇشىن سىيىنىپ كەلەمىز. باۋىر بولىپ قالايىق، ءبىر-بىرىمىزگە العىس سوزدەرىن ايتىپ، ءبىر-ءبىرىمىزدى قۇرمەتتەيىك، ارامىزعا وت سالىپ، ارزان مالىمدەمە جاساعىسى كەلەتىندەرگە جول بەرمەيىك. ەگەر قازاق حالقىنا كومەك كەرەك بولسا، مەن ەڭ ءبىرىنشى بولىپ بارامىن، العاشقى قاتاردان تابىلامىن. 

مەن كەز كەلگەن قازاققا قاراعاندا كوبىرەك قازاقپىن. مەنىڭ اكەم قازاقستاندا ومىرگە كەلدى، مەنىڭ اتام قازاقستاندا قىزمەت ەتتى، مەنىڭ اتامنىڭ اعاسى قازاقستاندا جەرلەنگەن. مەن قازاق حالقى جايلى ەشقاشان جامان ءسوز ايتقان ەمەسپىن، مەن تەك ساياسات جايلى ايتتىم. 

مەن وزىمە نەمەسە وزگەگە قازاق حالقى جايلى جامان ءسوز ايتۋعا رۇقسات ەتپەيمىن، ويتكەنى 1944 جىلى قازاق حالقى شەشەندەرمەن سوڭعى نانىمەن ءبولىستى. ءوزىن سىيلايتىن ءار شەشەن ءدال وسىنداي ويدا. ءبىزدىڭ ارامسىزعا سىنا قاققىسى كەلەتىن ارانداتۋشىلاردى ىزدەگەن ابزال", - دەيدى قادىروۆ.

كوپشىلىك قادىروۆ ۋكراينا سوعىسىندا اگرەسسيۆتى پوزيتسيا ۇستانىپ، ءتىپتى پۋتيننەن اسىپ تۇسكەنىن، ءتۇرلى مالىمدەمەلەر جاساپ، ءوز قادىرىن قاشىرىپ العانىن ايتادى.

Abai.kz

5 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2099
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2024
ادەبيەت

ءتۇس

ەرعالي باقاش 1710
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2745