"نۇر وتان" پارتياسى توراعاسىنىڭ ءى ورىنباسارى باقىتجان ساعىنتاەۆ ساپارىن شىعىس وڭىرىنەن باستادى.
تابيعي جانە وندىرىستىك رەسۋرستارعا باي وبلىستا قۇرامى 70 مىڭ ادامنان اساتىن پارتيانىڭ ەڭ ۇلكەن باستاۋىش پارتيا ۇيىمى بار. جۇمىس بارىسىندا باقىتجان ساعىنتاەۆ پارتيانىڭ اۋەلى وبلىستىق اكتيۆىمەن كەزدەسىپ، ايماق ورتالىعىندا بىرنەشە نىسانداردى ارالاعان-دى. ەرتەڭىندە سەمەي قالاسىنا ات باسىن بۇرعان باقىتجان ءابدىرۇلى سەمەي مەملەكەتتىك پەداگوگيكالىق ينستيتۋتى عيماراتىندا قالا اكتيۆىمەن كەزدەستى. وبلىس باسشىسى ب.ساپارباەۆ جۇرتشىلىققا مارتەبەلى مەيماندى تانىستىرىپ، مەملەكەت قابىلداعان بارلىق باعدارلامالاردىڭ ايماعىمىزدا، ونىڭ ىشىندە سەمەيدە دە جۇزەگە اسىرىلىپ جاتقانىن تىلگە تيەك ەتتى. جيىندا بۇگىندە نۇروتاندىقتاردىڭ باستى نازارى مەملەكەتتى الەۋمەتتىك مودەرنيزاتسيالاۋعا باعىتتالعانى ءسوز بولدى.

"نۇر وتان" پارتياسى توراعاسىنىڭ ءى ورىنباسارى باقىتجان ساعىنتاەۆ ساپارىن شىعىس وڭىرىنەن باستادى.
تابيعي جانە وندىرىستىك رەسۋرستارعا باي وبلىستا قۇرامى 70 مىڭ ادامنان اساتىن پارتيانىڭ ەڭ ۇلكەن باستاۋىش پارتيا ۇيىمى بار. جۇمىس بارىسىندا باقىتجان ساعىنتاەۆ پارتيانىڭ اۋەلى وبلىستىق اكتيۆىمەن كەزدەسىپ، ايماق ورتالىعىندا بىرنەشە نىسانداردى ارالاعان-دى. ەرتەڭىندە سەمەي قالاسىنا ات باسىن بۇرعان باقىتجان ءابدىرۇلى سەمەي مەملەكەتتىك پەداگوگيكالىق ينستيتۋتى عيماراتىندا قالا اكتيۆىمەن كەزدەستى. وبلىس باسشىسى ب.ساپارباەۆ جۇرتشىلىققا مارتەبەلى مەيماندى تانىستىرىپ، مەملەكەت قابىلداعان بارلىق باعدارلامالاردىڭ ايماعىمىزدا، ونىڭ ىشىندە سەمەيدە دە جۇزەگە اسىرىلىپ جاتقانىن تىلگە تيەك ەتتى. جيىندا بۇگىندە نۇروتاندىقتاردىڭ باستى نازارى مەملەكەتتى الەۋمەتتىك مودەرنيزاتسيالاۋعا باعىتتالعانى ءسوز بولدى.
ء"بىزدىڭ الدىمىزعا ەلباسى - پارتيا توراعاسى الەۋمەتتىك مودەرنيزاتسيالاۋ ستراتەگياسىن جۇزەگە اسىرۋ بويىنشا ۇلكەن مىندەتتەر قويىپ وتىر. ونى جۇزەگە اسىرۋدا بارلىق جەردە ءبىر ادامداي اتسالىسۋىمىز كەرەك. ەلباسىنىڭ: "قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام" باعدارلاماسى بويىنشا بىزدەر ۇلكەن جۇمىستار اتقاردىق. باعدارلاما 16 ايماقتىق فيليالداردا، 6310 باستاۋىش پارتيا ۇيىمدارى مەن پارتيانىڭ ماسليحاتتاعى بارلىق فراكتسيالارىندا، سونىمەن قاتار ساياسي بيۋرو وتىرىستارىندا كەڭىنەن تالقىلاندى. ءبىز بۇگىن بارلىق كۇش-جىگەرىمىزدى الەۋمەتتىك مودەرنيزاتسيالاۋ يدەياسىنا جۇمساۋىمىز قاجەت",- دەدى ءوز سوزىندە ب. ساعىنتاەۆ. سونداي-اق، قالاداعى تىڭ وزگەرىستەر: جوندەۋدەن وتكەن جولدار، جاڭا قۇرىلىس نىساندارىنىڭ بوي كوتەرۋى، ونىڭ ىشىندە ونكولوگيالىق ديسپانسەردىڭ سالىنۋىمەن قوسا، ىستىق سۋمەن قامتاماسىز ەتۋ مەن سەمەيدىڭ باستى ماسەلەسى بولىپ كەلگەن جىلۋ قازاندىقتارىن الماستىرۋدىڭ بارلىعى ەلباسى قامقورلىعىنىڭ ارقاسىندا جۇزەگە اسىپ جاتقاندىعىن قاداپ ايتتى.
ب. ساعىنتاەۆ وبلىستاعى نۇروتاندىقتار ىشىندە ويىن اشىق ايتا بىلەتىن، ەلىنىڭ ەرتەڭىنە بەيجاي قارامايتىن بەلسەندى جاستاردىڭ كوپتىگىنە كۋا بولعانىن جاسىرمادى. ونىڭ ايتۋىنشا، التى مىڭنان استام باستاۋىش پارتيا ۇيىمدارىندا، ياعني پارتيانىڭ بارلىق فيليالدارىندا وتەتىن ۇلكەن ەسەپ بەرۋ - سايلاۋ ناۋقانى باستالىپ كەتتى. ناۋقان بارىسىندا قاتارداعى پارتيا مۇشەلەرى وزدەرىنىڭ توراعالارىن قايتا سايلايدى. سونىمەن قاتار، ول ءوز سوزىندە ءدال وسىنداي شارالاردى قازاقستانداعى بىردە-ءبىر پارتيا وتكىزبەگەندىگىن دە ايتتى. مەملەكەتتە جۇزەگە اسىپ جاتقان بارلىق باعدارلامالارعا بولىنگەن ءار تيىن حالىق يگىلىگىنە جۇمسالۋى قاداعالاناتىنىن، قازاقستان بولاشاقتا بارلىق سالالاردا كوشباسشىلىق تانىتاتىنىنا كۇمانى جوقتىعىن جەتكىزدى. ءىسساپار بارىسىندا ب. ساعىنتاەۆ قۇرىلىس پەن وندىرىسكە قاجەتتى قۇرىلىس ماتەريالدارىن شىعارۋعا بەيىمدەلگەن "ازيا" فيرماسى" جشس شىعاراتىن ونىمدەرمەن تانىستى. ايتا كەتەرلىگى، اعىمداعى جىلدىڭ تامىز ايىنان باستاپ مۇندا "جول كارتاسى-2020" مەملەكەتتىك باعدارلاماسى اياسىندا پليتا شىعاراتىن زاۋىت ءوز جۇمىسىن باستاعان. ەلىمىزدەگى "قولجەتىمدى باسپانا" باعدارلاماسىن جۇزەگە اسىرۋدا قۇرىلىس ماتەريالدارىن شىعاراتىن ەلدەگى بىرەگەي كاسىپورىن بۇگىندە ساڭىلاۋلى تاقتالار ءوندىرىسى جوباسىن ىسكە قوسقانىن ايتا كەتكەن ءجون. يتاليالىق فيرمادان ساتىپ الىنعان تەحنيكالىق قۇرال-جابدىق ارقىلى تاۋلىگىنە ۇزىندىعى 1 مەتردەن 15-كە دەيىنگى، ەنى 1-1,5 مەتر بولاتىن، قۇرىلىسقا ىڭعايلى ەتىپ قۇيىلعان 75 پليتا وندىرۋگە قاۋقارى بار كاسىپورىن 15 ادامدى جۇمىسپەن قامتاماسىز ەتىپ وتىر. "جوباعا قۇيىلعان 552,3 ملن. تەڭگە ينۆەستيتسيانىڭ جارتىسى كاسىپورىننىڭ ءوز قاراجاتى ەسەبىندە. جۇمىس اۆتوماتتاندىرىلعاندىقتان، ادامنىڭ قاتىسۋىنسىز-اق جۇزەگە اسادى، سول سەبەپتى ساپاسى دا جوعارى",- دەگەندى ايتادى "ازيا" فيرماسى" جشس-ءنىڭ ديرەكتورى ميرعالي تەڭىزباەۆ. ال، جۇمىسشىلاردىڭ ورتاشا جالاقىلارى 90 مىڭ تەڭگەنى قۇرايدى ەكەن.
سەرىكتەستىك ونىمىمەن تانىسقاننان كەيىن، ساپار "نۇر وتان" حدپ سەمەي قالالىق فيليالى مەن پارتيانىڭ جوعارى مەكتەپ ايماقتىق بولىمشەسىنە باعىتتالدى. بۇگىندە جاڭا زامانعا ساي ءتيىستى تەحنيكا ءارى جيھازدارمەن جابدىقتالعان پارتيانىڭ سەمەيدەگى بولىمشەسىندە 38 العاشقى پارتيا ۇيىمدارىندا جالپى سانى 12581 ادام مۇشەلىككە وتكەن. ارتىنشا باقىتجان ساعىنتاەۆ تۇيەمويناق ارالىنداعى سەمەيدىڭ باستى نىشانىنا اينالماق "بەيبىتشىلىك" مۇراجايىنىڭ جوباسىمەن دە تانىستى.

"اباي-اقپارات"