ەلورداداعى قوعامدىق ورىندا ۇيىمداستىرىلعان كاراوكەدە ءبىر توپ رەسەيلىك «ۆاگنەر» جەكە اسكەري كومپانياسى (چۆك ۆاگنەر) دەگەن اتپەن تانىمال جالدامالى جەندەتتەر تۋرالى ارانداتۋشىلىق ءاندى شىرقاعان. رەسەيدەگى سوعىستى ناسيحاتتايتىن بۇل ارانداتۋشىلىق ارەكەت ءبىرىنشى رەت بولىپ تۇرعان جوق. سوندىقتان قوعام بەلسەندىلەرى رەسەيلىك ناسيحات جۇرگىزۋشىلەردى جازالاۋدى تالاپ ەتتى.

«سوعىسقا شاقىرۋ ءبىزدىڭ زاڭدارعا قايشى كەلەتىن نارسە، ويتكەنى قىلمىستىق كودەكستە شەتەلدەگى سوعىسقا قاتىسۋعا ۇگىتتەۋدى جازالايتىن ارنايى باپتار بار. قاتىسقاندارىن جاۋاپقا تارتىپ، سوتتاپ جاتادى. سوندىقتان ۇگىت-ناسيحاتپەن اينالىسىپ جۇرگەن كىم بولسا دا، ولاردى جاۋاپقا تارتىپ، قاتاڭ جازالاۋ كەرەك دەپ ەسەپتەيمىن. قازاقستاننىڭ پوليتسەيلەرى نەمەسە ۇقك ورگاندارى سول ادامداردى تاۋىپ، زاڭ شەڭبەرىندە جازالاۋى ءتيىس»، - دەيدى بەلسەندى ارمان شوراەۆ.

سونىمەن بىرگە، بەلسەندى قازاقستانعا كەلىپ جاتقان شەتەلدىكتەردى تەكسەرۋ كەرەكتىگىن ايتتى.

ەلىمىزگە كەلىپ جاتقان 10 ادامنىڭ ەكەۋى فسب-نىڭ اگەنتتەرى دەپ ويلايمىن.كەلىپ جاتقان رەسەيلىكتەردىڭ كوبى سوعىستان، اسكەرگە شاقىرتۋدان قاشىپ جاتقاندار. ءبىر جاعىنان ولاردى دا تۇسىنۋگە بولادى. بىراق ەگەر قازاقستان شەكاراسىن ءوتىپ جاتسا، ولار ءبىر انكەتا تولتىرىپ، ءبىزدىڭ ەلدىڭ زاڭدارىن قۇرمەتتەۋگە ۋادە بەرۋلەرى ءتيىس. ەلىمىزگە زيانىن تيگىزەتىن ارەكەتتەردى جاساماۋ، ىرىتكى سالۋ نەمەسە سوعىستى جارنامانى جاساماۋى كەرەك. سونىمەن بىرگە، كەلىپ جاتقان ازاماتتاردىڭ الەۋمەتتىك جەلىدەگى پاراقشالارىن تەكسەرۋ قيىن ەمەس. مىسالى، اقش-تىڭ ۆيزاسىن الۋ كەزىندە الەۋمەتتىك جەلىدەگى پاراقشالارىن تەكسەرەدى. بىزگە دە ءدال سول سول ءتاسىلدى قولدانۋ قاجەت. بۇل جەردە جاڭادان ۆەلوسيپەد ويلاپ تابۋدىڭ قاجەتى جوق. شىنىمەن قاۋىپ بار، ءبىز ول قاۋىپتى جوققا شىعارا المايمىز، – دەيدى ول.

ارمان شوراەۆ سوعىسقا ۇگىتتەيتىن اندەردى شىرقاپ جۇرگەن وزگە ەلدىڭ ازاماتتارىن ەلدەن دەپورتاتسيالاپ، قازاقستانعا كەلۋگە تىيىم سالۋ كەرەك، ال، ءوزىمىزدىڭ ازاماتتار اراداتۋشىلىق ارەكەتكە بارىپ جاتسا، سەپاراتيزم بويىنشا جاۋاپقا تارتۋعا بولادى دەپ ەسەپتەيدى.

Abai.kz