ۋكرايناداعى سوعىستا ءىز-ءتۇسسىز جوعالعان جۇزدەن استام رەسەيلىك ساربازدىڭ تۋىستارى ولاردى تاۋىپ بەرۋ تالابىمەن پرەزيدەنت ۆلاديمير پۋتينگە اشىق حات جولدادى.

ولار رەسەيدىڭ ءتيىستى مەكەمەلەرى سوعىسقا كەتكەن تۋىستارى تۋرالى قاراما-قارسى مالىمەتتەر بەرىپ جاتقانىن ايتادى: ءبىرى تۋىستارى ءتىرى دەسە، ەندى ءبىرى قازا بولعانىن جەتكىزگەن.

"ساربازداردىڭ تۋىستارى ءوز الدىنا ىزدەۋ جۇرگىزىپ، ۇلى نە كۇيەۋى تۇتقىندا نە ولگەنى تۋرالى مالىمەتتى دالەلدەۋگە تۋرا كەلىپ جاتىر. ەلدىڭ بارلىق ايماعىندا جاعداي وسىنداي. بىرقاتار قۇقىق قورعاۋ ورگاندارى ءوز ءىسىن ناشار اتقارىپ جاتىر، اسكەري بولىمشەلەردىڭ كومانديرلەرىنەن ەشقانداي جاردەم بولىپ جاتقان جوق", – دەپ جازىلعان ۇندەۋدە.

اشىق حاتقا 106 ادام قول قويعان. BBC جانە "مەديازونا" جۋرناليستەرى اشىق بۇلاقتارعا سۇيەنىپ، 2022 جىلدىڭ 22 شىلدەسىنە دەيىن 4 940 ورىس اسكەرى قازا بولعانىن راستاعان.

Abai.kz