بەيسەنبى, 18 تامىز 2022
بيلىك 1558 4 پىكىر 5 تامىز, 2022 ساعات 14:21

«AMANAT» پارتياسى ازاماتتاردىڭ مۇددەلەرىن قورعاۋ جۇمىستارىن كۇشەيتەدى

بۇگىن «AMANAT» توراعاسى ەرلان قوشانوۆ پارتيا اكتيۆىمەن جيىن وتكىزدى. جيىندى اشقان ول بۇگىندە بۇكىل ەلىمىز بويىنشا اماناتتىقتار ازاماتتاردىڭ مۇددەلەرىن قورعاۋعا قاتىستى جۇمىسقا باسا نازار اۋدارۋى كەرەك ەكەنىن اتاپ ءوتتى.

- ۇكىمەتتىڭ سوڭعى كەڭەيتىلگەن وتىرىسىندا مەملەكەت باسشىسى قوعامدى تولعاندىرىپ وتىرعان بىرقاتار ناقتى الەۋمەتتىك-ەكونوميكالىق پروبلەمانى اتاپ ءوتتى. ولاردىڭ ىشىندە: باعانىڭ ءوسۋى، جەكەلەگەن تاۋارلار تۇرلەرىن جەتكىزۋدەگى ىركىلىستەر، ازىق-تۇلىك قاۋىپسىزدىگى ماسەلەلەرى، حالىقتىڭ ناقتى تابىسىنىڭ تومەندەۋى سياقتى ماسەلەلەر بار. پارتيا بۇل جۇمىسقا بەلسەندى ارالاسۋى كەرەك. جەرگىلىكتى جەرلەردەگى احۋالدىڭ ءتيىمدى مونيتورينگىن قامتاماسىز ەتۋ ماڭىزدى. الەۋمەتتىك ماڭىزى بار تاۋارلاردىڭ باعاسى ەرەكشە نازاردا بولۋى ءتيىس. جۇيەلى پروبلەمالاردى جەدەل انىقتاپ، ولار بويىنشا ءوز شەشىمدەرىن ۇسىنۋ قاجەت، - دەدى ە.قوشانوۆ.

پارتيا توراعاسى بۇل ءۇشىن اماناتتىقتاردىڭ بارلىق قاجەتتى رەسۋرستارى بار ەكەنىن اتاپ ءوتتى: كەڭ فيليالدىق جەلى، ازاماتتار كومەك پەن قولداۋ ءۇشىن كەلەتىن قوعامدىق قابىلداۋ بولمەلەرى، ساراپشىلار مەن بەلسەندى ازاماتتىق ۇستانىمى بار ادامداردى بىرىكتىرەتىن قوعامدىق كەڭەستەر.

- وسى قولدا بار رەسۋرستاردىڭ بارلىعىن قازىر الىپساتارلىقتىڭ كەز كەلگەن تۇرلەرىمەن كۇرەسۋگە باعىتتاۋ كەرەك. پارتيا مۇشەلەرى اسا ماڭىزدى ونىمدەر باعاسىن نەگىزسىز كوتەرۋگە جول بەرمەي جانە ادال كاسىپكەرلەردىڭ مۇددەسىن قورعاي وتىرىپ، تاۋاردى جەتكىزۋشىلەردەن دۇكەن سورەلەرىنە دەيىنگى بارلىق جەتكىزۋ تىزبەگىن قاداعالاپ وتىرۋى ءتيىس، - دەپ اتاپ ءوتتى ە.قوشانوۆ.

كەڭەس بارىسىندا پارتيا توراعاسىنا «AMANAT» قازىر جۇزەگە اسىرىپ جاتقان الەۋمەتتىك ماڭىزدى جوبالارعا قاتىستى جۇمىستار تۋرالى باياندالدى.

«جەر اماناتى» جوباسى اياسىندا ازاماتتار ءۇشىن اۋىل شارۋاشىلىعى جەرلەرىنىڭ قولجەتىمدىلىگىن ارتتىرۋ بويىنشا جۇمىستار جۇرگىزىلۋدە. ونىڭ باستى ماقساتى — پايدالانىلماي جاتقان، ونىڭ ىشىندە زاڭسىز جەكە مەنشىككە وتكەن جەرلەردى مەملەكەت مەنشىگىنە قايتارۋ جانە ولاردى اۋىل تۇرعىندارىنا ۇسىنۋ. پارتيا مۇشەلەرىنىڭ ارقاسىندا 267 مىڭ گەكتار جەر مەملەكەت مەنشىگىنە قايتارىلدى. جۇمىس ەلىمىزدىڭ بارلىق وڭىرىندە جالعاسۋدا.

«اۋىل اماناتى» جوباسى اياسىندا ۇكىمەتپەن بىرلەسىپ اۋىل تۇرعىندارىنىڭ تابىسىن ارتتىرۋ جانە اۋىلدىق وكرۋگ اكىمدەرىن وندىرىستىك داعدىلارعا ۇيرەتۋ بويىنشا جۇمىستار جۇرگىزىلۋدە. اتاپ ايتقاندا، جاقىن ارادا ارنايى مارافون بارىسىندا اماناتتىقتار 179 اۋدانداعى 394  ەلدى مەكەنگە بارۋدى جوسپارلاپ وتىر. بۇل 250 مىڭنان استام قازاقستاندىقتى «اۋىل اماناتى»  جوباسى تۋرالى حاباردار ەتۋگە مۇمكىندىك بەرەدى. قازىرگى ۋاقىتتا جوبا بويىنشا 2,3 مىڭنان استام اۋىلدىق وكرۋگ اكىمدەرى وقىتىلدى.

ءىرى باستاۋىش پارتيا ۇيىمدارىنىڭ بازاسىندا بۇكىل ەلىمىز بويىنشا 1 تامىزداعى جاعداي بويىنشا 286 قوعامدىق قابىلداۋ بولمەسى اشىلدى، وعان 1200-دەن استام ءوتىنىش كەلىپ ءتۇستى. تۇرعىندار كوتەرگەن ماسەلەلەردى شەشۋ ءۇشىن جۇيەلى جۇمىس جاسالدى. اتاپ ايتقاندا، قازاقستاندىقتاردىڭ وتىنىشتەرىن قاراۋ ناتيجەلەرى بويىنشا باتىس قازاقستان وبلىسىنىڭ ۇيالى اۋىلىندا ەلەكتر جەلىلەرى ءۇشىن جاڭا باعانالار ورناتىلدى، باتىس قازاقستان وبلىسىنىڭ جۇلدىز اۋىلىنداعى مەكتەپتى سالعان قۇرىلىسشىلارعا جالاقى بويىنشا قارىزدار تولەندى.  تاراز قالاسىنداعى قۇرىلىسشىلاردىڭ دا وسىعان ۇقساس ماسەلەسى شەشىلدى. تەك پارتيا مۇشەلەرىنىڭ ارالاسۋىنان كەيىن عانا اقمولا وبلىسىنىڭ كراسنىي يار اۋىلىنداعى جولداردى جوندەۋگە قاراجات ءبولىندى.

پارتيا الەۋمەتتىك ماڭىزى بار ازىق-تۇلىك ونىمدەرىنە باعا مونيتورينگى بويىنشا 216 توپ قۇردى. ءبىر اپتاعا جەتپەيتىن ۋاقىت ىشىندە بۇكىل ەلىمىز بويىنشا 1045 ساۋدا نىساندارىندا 700-دەن استام رەيد جۇرگىزىلدى. انىقتالعان فاكتىلەردىڭ ىشىندە ەڭ رەزونانستىسى: بەلگىلى ءبىر تاۋارلاردىڭ جەتىسپەۋشىلىگى، باعاسىنىڭ كورسەتىلمەۋى، بەلگىلەنگەن شەكتى باعادان اسىپ كەتۋ. ءاربىر انىقتالعان پروبلەما بويىنشا جاعدايدى تۇزەتۋ ءۇشىن جەدەل شارالار قابىلدانادى.

كەڭەس قورىتىندىسى بويىنشا «AMANAT» توراعاسى ەرلان قوشانوۆ پارتيانىڭ ورتالىق اپپاراتى مەن وڭىرلىك فيليالدارىنىڭ الدىنا جۇمىستى كۇشەيتۋ بويىنشا بىرقاتار ناقتى مىندەت قويدى.

 

Abai.kz

4 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2779
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2134
ادەبيەت

ءتۇس

ەرعالي باقاش 1799
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2895