اقش دەلەگاتسياسىنىڭ تايۆان ارالىنا ساپارىنان سوڭ قىتاي تايۆان ماڭىنداعى التى اكۆاتوريادا اسكەري جاتتىعۋ وتكىزە باستادى.

The Guardian باسىلىمىنىڭ جازۋىنشا، اسكەري جاتتىعۋ وتەتىن كەيبىر ايماقتار تايۆاننىڭ تەرريتوريالىق سۋىمەن ءتۇيىسىپ جاتىر جانە نەگىزگى پورتتارعا وتە جاقىن جاتىر.

​اتى-ءجونىن اتاماعان تايۆان شەنەۋنىگىنىڭ سوزىنە قاراعاندا، قىتاي اسكەري-تەڭىز كۇشتەرىنىڭ شامامەن ونداعان كەمەسى ەكى ەلدىڭ تەرريتوريالىق سۋىن ءبولىپ تۇرعان سىزىقتان ءوتىپ، ءبىراز ۋاقىتتان سوڭ قايتا ورالعان. بۇعان قوسا، بۇل سىزىقتان بىرنەشە قىتاي ۇشاعى دا كەسىپ وتكەن. سونىڭ سالدارىنان تايۆان ولاردىڭ ارەكەتىن باقىلايتىن زىمىران جۇيەسىن دايارلىق رەجيمىنە قوسقان. The Guardian جازۋىنشا، تايۆان اسكەرى "سوعىسقا ۇمتىلماي، سوعىسقا دايىندالىپ" جاتىر.

اقش دەلەگاتسياسى تايۆانعا بارعاننان كەيىن قىتاي ءتورت كۇندىك اسكەري جاتتىعۋ وتكىزەتىنىن حابارلاعان. قىتاي سىرتقى ىستەر مينيسترلىگى ساپاردى ء"وزىنىڭ ەگەمەندىگىنە نۇقسان كەلتىرۋ" دەپ باعالايتىنىن مالىمدەپ، ۆاشينگتونعا قاۋىپتى سالدارىن ەسكەرتكەن.

Abai.kz