جاڭاوزەن قالاسىنىڭ اتاۋى جاقىن ارادا وزگەرمەيدى
«جاڭاوزەن قالاسىنىڭ اتاۋى جاقىن ارادا وزگەرمەيدى»، - دەپ مالىمدەدى قالا اكىمى سەرىكباي تۇرىموۆ باق وكىلدەرىنە بەرگەن سۇحباتىندا. شاھار باسشىسى 16-جەلتوقساندا، ياعني تاۋەلسىزدىك كۇنى قالاعا بەكەت اتانىڭ اتى بەرىلەدى دەگەن اڭگىمەنى جوققا شىعاردى.
«بۇل بولاشاقتىڭ ءىسى بولار، حالىق تارابىنان قولداۋ تاۋىپ جاتسا، قالالىق، رەسپۋبليكالىق دەڭگەيدە ونوماستيكالىق كوميسسيا قارايدى. ۇكىمەتتەن كەيىن بارىپ، پرەزيدەنت جارلىق شىعارۋ كەرەك. وسىنداي زاڭدىلىقتارى بار. جەلتوقساننىڭ 16-سىندا قالا اتى اۋىسادى دەگەن بەكەر اڭگىمە. وسى ۋاقىتقا دەيىن ۇسىنىستى بارلىعى بىردەي قولداماعاننان كەيىن قالا اتىن وزگەرتۋ تۋرالى ماسەلەنى ءالى دە سارالاۋ كەرەك دەپ ەسەپتەيمىز»، - دەدى قالا اكىمى سەرىكباي تۇرىموۆ.
ەستەرىڭىزگە سالا كەتەيىك، قازان ايىندا جاڭاوزەن قالاسىنا بەكەت اتا ەسىمىن بەرۋ باستاماسى كوتەرىلگەن بولاتىن. بۇل وزگەرىس شاھاردىڭ جان-جاقتى دامۋىنا، ۇرپاق تاربيەسىنە سەپتىگىن تيگىزەدى دەگەن ماقساتتا جاسالعان-دى. بىراق، باستاما قالا جانە وبلىس تۇرعىندارىنىڭ بارلىعىنان بىردەي قولداۋ تاپپادى. اۋليە اتانىڭ ەسىمى ءبىر عانا ماڭعىستاۋعا ەمەس، الەمگە ءماشھۇر ەكەنى العا تارتىلىپ، قالادان گورى وقۋ-اعارتۋ ورىندارىنا بەرىلگەنى ءجون دەگەن وي-پىكىرلەر ايتىلدى.
«Abai.kz»
«جاڭاوزەن قالاسىنىڭ اتاۋى جاقىن ارادا وزگەرمەيدى»، - دەپ مالىمدەدى قالا اكىمى سەرىكباي تۇرىموۆ باق وكىلدەرىنە بەرگەن سۇحباتىندا. شاھار باسشىسى 16-جەلتوقساندا، ياعني تاۋەلسىزدىك كۇنى قالاعا بەكەت اتانىڭ اتى بەرىلەدى دەگەن اڭگىمەنى جوققا شىعاردى.
«بۇل بولاشاقتىڭ ءىسى بولار، حالىق تارابىنان قولداۋ تاۋىپ جاتسا، قالالىق، رەسپۋبليكالىق دەڭگەيدە ونوماستيكالىق كوميسسيا قارايدى. ۇكىمەتتەن كەيىن بارىپ، پرەزيدەنت جارلىق شىعارۋ كەرەك. وسىنداي زاڭدىلىقتارى بار. جەلتوقساننىڭ 16-سىندا قالا اتى اۋىسادى دەگەن بەكەر اڭگىمە. وسى ۋاقىتقا دەيىن ۇسىنىستى بارلىعى بىردەي قولداماعاننان كەيىن قالا اتىن وزگەرتۋ تۋرالى ماسەلەنى ءالى دە سارالاۋ كەرەك دەپ ەسەپتەيمىز»، - دەدى قالا اكىمى سەرىكباي تۇرىموۆ.
ەستەرىڭىزگە سالا كەتەيىك، قازان ايىندا جاڭاوزەن قالاسىنا بەكەت اتا ەسىمىن بەرۋ باستاماسى كوتەرىلگەن بولاتىن. بۇل وزگەرىس شاھاردىڭ جان-جاقتى دامۋىنا، ۇرپاق تاربيەسىنە سەپتىگىن تيگىزەدى دەگەن ماقساتتا جاسالعان-دى. بىراق، باستاما قالا جانە وبلىس تۇرعىندارىنىڭ بارلىعىنان بىردەي قولداۋ تاپپادى. اۋليە اتانىڭ ەسىمى ءبىر عانا ماڭعىستاۋعا ەمەس، الەمگە ءماشھۇر ەكەنى العا تارتىلىپ، قالادان گورى وقۋ-اعارتۋ ورىندارىنا بەرىلگەنى ءجون دەگەن وي-پىكىرلەر ايتىلدى.
«Abai.kz»
