قىرعىزستان مەن قازاقستان شەكاراسىنداعى "كەڭ-بۋلۋڭ اۆتوجول" وتكىزۋ بەكەتىندە جۇك كولىكتەرىنىڭ كەپتەلىسى كوبەيدى. قىرعىزستاننىڭ مەملەكەتتىك شەكارا قىزمەتى 50-گە جاقىن كولىك تۇرعانىن حابارلادى.

جۇك كولىكتەرىنىڭ توقتاپ تۇرۋىنىڭ باستى سەبەبى، تۋريستىك ماۋسىمعا بايلانىستى جولاۋشىلاردىڭ جانە ماۋسىمدىق ازىق-تۇلىك تاسۋشىلاردىڭ كوبەيۋى دەيدى اتالعان مەكەمە تاراتقان مالىمەتتە.

شەكارا قىزمەتى قازاق-قىرعىز شەكاراسىنداعى وزگە وتكىزۋ بەكەتتەرىندە كەزەك جوقتىعىن، جاعداي تۇراقتى ەكەنىن جەتكىزدى.

قىرعىز-قازاق شەكاراسىندا "اق جول", "كەڭ-بۋلۋڭ" جانە "توكموك" وتكىزۋ بەكەتتەرى بار. شەكاراداعى جۇك تاسۋشى كولىكتەردىڭ كەپتىلىسى وسىعان دەيىن دە بىرنەشە رەت تىركەلىپ، تەك ۇكىمەتارالىق كەلىسسوزدەردەن كەيىن ازايعان.

Abai.kz