جۇما, 29 ناۋرىز 2024
جاڭالىقتار 3250 0 پىكىر 22 جەلتوقسان, 2012 ساعات 06:13

تۇركيادا الاش ارىستارى اتىنداعى شاكىرتاقى تاعايىندالدى

باۋىرلاس تۇرىك ەلىندە قايمانا قازاقتىڭ قامىن جەگەن، ۇلتى ءۇشىن ۋ ىشكەن الاشتىڭ ايماڭداي ۇلدارى ءاليحان بوكەيحان مەن مۇستافا شوقاي اتىنداعى شاكىرتاقى تاعايىندالدى. اقجولتاي حابار ىستامبۇلداعى قازاقستان كونسۋلدىعى مەن «سانا» ينتەللەكتۋالدىلىق كلۋبىنىڭ ۇيىمداستىرۋىمەن وتكەن «تاۋەلسىزدىك - قاستەرلى بويتۇمارىم» دەپ اتالعان جيىندا جاريالاندى.

باۋىرلاس تۇرىك ەلىندە قايمانا قازاقتىڭ قامىن جەگەن، ۇلتى ءۇشىن ۋ ىشكەن الاشتىڭ ايماڭداي ۇلدارى ءاليحان بوكەيحان مەن مۇستافا شوقاي اتىنداعى شاكىرتاقى تاعايىندالدى. اقجولتاي حابار ىستامبۇلداعى قازاقستان كونسۋلدىعى مەن «سانا» ينتەللەكتۋالدىلىق كلۋبىنىڭ ۇيىمداستىرۋىمەن وتكەن «تاۋەلسىزدىك - قاستەرلى بويتۇمارىم» دەپ اتالعان جيىندا جاريالاندى.

دوڭگەلەك ۇستەلگە قازاقستاننىڭ دي­پلو­ماتيالىق وكىلدەرى، تۇركى كەڭەسىنىڭ سا­راپ­شىلارى مەن اتالعان ەلدە ءبىلىم الىپ جات­قان ستۋدەنتتەر قاتىستى. كەشتىڭ باس قوناعى - ءتۇر­كى كەڭەسى باس حاتشىسىنىڭ ورىنباسارى دار­حان قىدىرالى ءاۋ دەگەندە ۇلت تا­ري­حى­نىڭ تامىر-باستاۋى مەن اقتاڭداق بەتتەرى ءھام الاشتىڭ اردا ۇلدارىنىڭ جان­كەش­تى­لىگى تاقىرىبىنا ات باسىن بۇرىپ، 100 جىل­عا بەرگىسىز 21 جىلداعى ءتا­ۋەل­سىزدىك تاريحىن تىلگە تيەك ەتتى. ءتۇر­كيا­داعى قازاق جاستا­رى­نىڭ «سانا» ينتەللەك­تۋال­دىلىق كلۋبى تا­عايىنداعان الاش ارىس­تارى اتىنداعى ءشا­كىرتاقى اقىلى ءبو­لىمدە وقىپ جاتقان ەكى جاس­قا بۇيىردى. مۇ­ستافا شوقاي اتىن­داعى شاكىرتاقى يالوۆا ۋنيۆەرسيتەتىنىڭ ما­گيس­ترانتى جاق­سىلىق بايماحانوۆتىڭ ەنشىسىنە ءتيدى. حا­لىق­ارالىق قاتىناستار ماماندىعى بو­يىن­شا ءبىلىم الىپ جاتقان ول بولاشاقتا قا­زاقستاننىڭ دۇنيەدەگى بەدەلىن بيىكتەتۋ ار­مانى ەكەنىن ايتادى. ءاليحان بوكەيحان اتىنداعى شاكىرتاقىنى گازي ۋنيۆەرسيتەتىنىڭ ما­گيسترانتى ءالينا ءجۇز­باەۆا الاتىن بول­دى. ستۋدەنتتەر ءشا­كىرت­­اقى­نى ءبىر جىل بويى الا­دى. شاكىرتاقى تا­­عايىنداۋ كو­ميس­سيا­سى­نىڭ توراعاسى، كون­­سۋل ءالىمجان سۇ­ران­قۇلوۆ بىرنەشە قا­لا­دان ستۋ­دەنتتەر ءوتىنىش بەر­گەنىن، ءبىرىن­شى كە­زەك­تە ولاردىڭ وقۋ ۇلگەرىمىنە جانە الەۋ­مەتتىك جاع­دايىنا، سو­نىمەن قاتار قو­عام­دىق جۇ­مىس­تارعا بەل­سەن­دىلىگىنە ءمان بە­رىلگەندىگىن اتاپ ءوتتى.

اۆتور: ەرجان ەدىگە، ىستامبۇل قالاسى

"ايقىن" گازەتى

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621