بىزدەگى ۇيالى بايلانىس قىزمەتىنىڭ ساپاسى سىن كوتەر­مەيدى. تاياۋدا ەحرو - 2017  كورمەسىن وتكىزۋگە ازىرلىك جونىندە بولعان كەڭەستە ەلباسىمىزدىڭ ءوزى كولىك جانە كوممۋنيكاتسيا ءمينيسترى اسقار جۇ­ما­عا­ليەۆكە وتاندىق ۇيالى باي­لانىس جەلىسىنە ءتارتىپ ور­نا­تۋدى تاپسىرعان بولاتىن. سول سەكىلدى ءماجىلىس قا­بىرعاسىندا دا تمد ەلدەرى ىشىندە قازاقستاننىڭ ۇيالى بايلانىس قىزمەتىنىڭ قۇنى، اسىرەسە ينتەرنەتىنىڭ ەڭ قىمبات ەكەندىگى دە سوزبەن تۇيرەلدى. مامانداردىڭ ايتۋىنشا، بۇگىنگى تاڭدا ءاربىر قازاق­ستان­دىق تۇتىناتىن بول­عان­دىقتان، بۇل قىزمەت ءتۇرى الەۋمەتتىك رەڭككە يە. دە­مەك، باعانى تومەندەتۋ جا­عىنا باسىمدىق بەرىلۋى ءتيىس...

بىزدەگى ۇيالى بايلانىس قىزمەتىنىڭ ساپاسى سىن كوتەر­مەيدى. تاياۋدا ەحرو - 2017  كورمەسىن وتكىزۋگە ازىرلىك جونىندە بولعان كەڭەستە ەلباسىمىزدىڭ ءوزى كولىك جانە كوممۋنيكاتسيا ءمينيسترى اسقار جۇ­ما­عا­ليەۆكە وتاندىق ۇيالى باي­لانىس جەلىسىنە ءتارتىپ ور­نا­تۋدى تاپسىرعان بولاتىن. سول سەكىلدى ءماجىلىس قا­بىرعاسىندا دا تمد ەلدەرى ىشىندە قازاقستاننىڭ ۇيالى بايلانىس قىزمەتىنىڭ قۇنى، اسىرەسە ينتەرنەتىنىڭ ەڭ قىمبات ەكەندىگى دە سوزبەن تۇيرەلدى. مامانداردىڭ ايتۋىنشا، بۇگىنگى تاڭدا ءاربىر قازاق­ستان­دىق تۇتىناتىن بول­عان­دىقتان، بۇل قىزمەت ءتۇرى الەۋمەتتىك رەڭككە يە. دە­مەك، باعانى تومەندەتۋ جا­عىنا باسىمدىق بەرىلۋى ءتيىس...

ساپاعا قاتىستىسى...

«ەگەر ۇيالى بايلانىس وپەراتورلارى قا­زىر استاناداعىداي بەيبەرەكەت جۇمىس ىستەيتىن بولسا، پۇلى تولەنبەگەن، روۋمينگ جانە باسقاسى سەكىلدى كەز كەلگەن سەبەپپەن حا­بارلاساتىن ادامىنا حابارلاسا ال­ما­سا... اسقار، وسى ماسەلەنى رەتتەڭىز. قان­شا­ما ادام كەلەدى، قوڭىراۋ شالا الماي جات­سا، ناعىز ماسقارا سوندا بولادى. قازىر قاي­دا قاراپ وتىرسىڭدار؟ ازىردەن ءتارتىپ ور­ناتىپ قويۋلارىڭ كەرەك بولاتىن»، - دە­گەن ەدى پرەزيدەنت كولىك جانە كوم­مۋ­ني­كا­تسيا مينيسترىنە قاراتىپ ايتقان ءوز سوزىندە.

كەشە وسى ماسەلەگە بايلانىستى شۇعىل جيىن وتكىزگەن سالالىق ۆەدومستۆو ءارتۇرلى ستان­دارتتاعى ۇيالى بايلانىس قىزمەتى سا­پاسىن تەحنيكالىق باقىلاۋعا جانە بەلگى بە­رۋ ولشەمدەرىن ولشەۋگە ارنالعان سا­راپ­تامالىق قۇرىلعىنى پايدالانۋ ار­قى­لى جو­عارىدا اتالعان ماسەلەنى شەشۋگە بو­­لا­تىنىن مالىمدەدى.  ازىرگە ولار سول قۇ­­رىل­عىنىڭ شەتەلدەن كەلۋىن كۇتىپ وتىر­عان كو­رىنەدى. جاڭا جىلدان باستاپ استانا مەن ال­ماتى قالالارىندا اتالعان قۇرىلعى جۇ­­مىسىن سىناپ، ۇيالى بايلانىس جەلىسىنىڭ تا­­زالىعى قامتاماسىز ەتىلمەكشى ەكەن. دە­گەن­مەن بۇل جيىنعا جينالعان ۇيالى باي­لانىس وپەراتورلاردىڭ اي­تۋىن­شا، ساپاعا قول­دان جاسالعان كەدەرگىلەر ءمىن كەلتىرۋدە ەكەن. ناقتىراق ايتقاندا، قىلمىستىق ات­قارۋ جۇيەسى كوميتەتى (كۋيس), ءىىم تەر­ري­تو­ريالارى ماڭىندا ورناتىلعان ۇيالى باي­لا­نىس بەلگىلەرىن تۇنشىقتىرعىش قۇ­رىلعىلار، سونىمەن قاتار مەملەكەتتىك ورگان مەن ۇيىمدار عيماراتىنا بازالىق ستان­سىلاردى ورناتۋعا تىيىم سالىنۋى.

«ۇيالى بايلانىس ساپاسىنا قاتىستى پرە­زيدەنت سىن ايتقان بولاتىن، وسىعان وراي ۇيالى بايلانىس وپەراتورلارىمەن جي­نالىستار وتكىزدىك. مۇنداي ماسەلەلەردىڭ تۋىنداۋ سەبەپتەرىن تالقىلاعان بولا­تىن­بىز. ۇيالى بايلانىس وپەراتورلارى استانا قا­لاسىنىڭ كەي جەرلەرىندە بازالىق ستان­سى­نى ورناتۋ مۇمكىن ەمەستىگىن ايتىپ جاتىر. سەبەبى قازىرگى ۋاقىتتا مەملەكەتتىك ور­گان­دار ورنالاسقان ورىنعا جاقىن جەرلەرگە با­زالىق ستانسىلاردى ورناتۋ سايكەس قۇ­جات­تارمەن تىيىم سالىنادى. وسىنداي ءما­سە­لەلەردىڭ تۋىنداۋىنا قاراماستان، ءبىز كور­سەتىلەتىن اتالمىش قىزمەت ءتۇرىنىڭ سا­پاسىن جاقسارتۋ ماقساتىندا قاجەتتى جۇمىس ات­قارىلۋى ءتيىس ەكەنىن ايتتىق»، - دەپ ءتۇ­يىن­دەيدى مينيستر ا.جۇماعاليەۆ.

دەمەك، جاقىن ارادا ەلىمىزدىڭ ەكى باس قا­­لاسىنداعى ۇيالى بايلانىس قىزمەتىنىڭ سا­­پاسى جاقسى جاققا وزگەرەدى دەپ ايتۋعا بو­­لادى. مۇمكىن، ودان كەيىن وڭىرلەردەگى قىز­­مەتتىڭ ساپا ماسەلەسى دە قولعا الىنىپ قا­­لاتىن شىعار... با­­عا­عا قاتىستىسى...

جۋىردا پرەمەر-مينيسترگە جول­دان­عان دەپۋتاتتىق ساۋالدا ۇيالى بايلانىس قىز­مەتىن الەۋمەتتىك دەپ تانىپ، ونىڭ قۇ­نىن تومەندەتۋ قاجەتتىگى باسا ايتىلعان.

تۇرسىنبەك ومىرزاقوۆ، ءماجىلىس دە­پۋ­تاتى:

- ەلىمىزدەگى ۇيالى بايلانىس ۇسى­نا­تىن ين­تەرنەتتىڭ ورتاشا ءتاريفى - رە­سەي­دەن ەكى ەسەگە، بەلارۋس رەسپۋ­بلي­كا­سىنان 5 ەسەگە قىم­بات. بۇل - نارىقتاعى ءبا­سەكەنىڭ جوق­تىعىنان ورىن الىپ وتىر­عان فاكت. تازا ءبا­سەكەلەستىكتىڭ بو­لۋىنا نارىقتا كە­دەر­گىلەر كوپ. سونىڭ ءبىرى - ادامدى ءبىر نومىرگە باي­لاپ-ما­تاپ تاستاۋ. كەز كەلگەن ادام ءوز ءنومىرىن اۋىس­تىرعىسى كەلمەيدى. سوندىقتان باس­قا ارزان، ءتيىمدى ۇسىنىسى بار وپە­را­­تورعا كوبىسى بارا بەرمەيدى. وسى جا­عى­نان ال­عاندا، قازاقستان نارىعىنا ۇيا­لى ءنو­مىر­لەر­دىڭ سول كۇيىندە باسقا وپەراتورلارعا اۋىسۋ قاعيداسىن ەنگىزۋ كەرەك. مۇنداي ءتا­جى­ريبەنى بۇگىنگى كۇنى الەمنىڭ 65 مەملەكەتى با­سىنان ءوت­كەر­گەن. ماسەلەن، وسىنداي جا­ڭا­شىلدىق ەن­گىزىلگەن سوڭ، اقش-تاعى باي­لا­نىس قۇ­نى - 4,5 پايىزعا، ەۋروپادا 11 پا­يىز­عا ارزانداعان. ستاتيستيكا اگەنت­تى­گىنىڭ ءما­لىمەتىنشە، ۇستىمىزدەگى جىلدىڭ با­سىن­دا ەلىمىزدەگى ۇيالى بايلانىس قىز­مەتىن تۇ­تىنۋشىلار سانى 25 ميلليون تۇتىنۋشى ءبىر­لىگىن قۇراعان. سوندىقتان ۇيالى باي­لانىس نارىعىنداعى باعا بەلگىلەۋ ءما­سەلەسى الەۋمەتتىك بولىپ تابىلادى. دەمەك، ار­زانداتۋ بويىنشا وتاندىق ۇيالى باي­لانىس وپەراتورلار الدىنا ماسەلە قويۋ كەرەك.

جالپى، ەلىمىزدەگى ۇيالى بايلانىس وپە­را­تورلارى باعانى ارزانداعانى جونىندە ءبىر­نەشە رەت مالىمدەمە جاسادى. وڭەشىن سو­زىپ، زورايتىپ ايتىلعانىمەن، بۇل ارا­داعى باعا تومەندىگى 2-3 تەڭگە عانا. بۇل - جۇرت­شىلىق ودان اينالىپ ءوتۋدىڭ جولىن تا­با دا باستاپتى. وسى جاعىنان العاندا، ۇيا­لى بايلانىس وپەراتورلارى باعاعا قا­تىستى تۇبەگەيلى وزگەرىس جاساماسا، قالتالى تۇ­تىنۋشىلارىنان مۇلدەم ايىرىلىپ تىنۋى مۇمكىن.

ازات قونىسبەك، كاسىپكەر:

- ءبىزدىڭ ەلىمىزدە بەلگىلەنگەن روۋ­مينگ ۋداي قىمبات. شەتەلدىك دوستارىم دا «سەندەردىڭ وپەراتورلارىڭ دۇنيەدە ءالى شىقپاعان قۇرىلعىلارمەن قىزمەت كورسەتەتىن بولۋى كەرەك» دەپ ازىلمەن قاعىتادى. ارينە، مۇنداي باعانى باسى ىستەيتىن ادام اقىماق قىلۋ دەپ ەسەپ­تەي­دى. سوندىقتان اقىماق بولماس ءۇشىن، ءوزىم بارعان جەرىمنەن ۇيالى تەلەفون مەن ءنومىر ساتىپ الامىن. ماسەلەن، گەر­مانيادان سول جەردىڭ وپەراتورى بو­يىن­شا قازاقستانعا تەلەفون شال­سام، 1 مينۋتىنا 24-34 تەڭگە ۇستايدى، ەگەر روۋمينگ سالعان ءوز تەلەفونىمنان قو­ڭىراۋ شالسام، 262 تەڭگەنى ءبىر-اق قا­عىپ الار ەدى. سودان شەتەلگە ءجيى شى­عاتىن دوستارىما ءوزىمنىڭ تاسىلىممەن ۇدا­يى ءبولىسىپ وتىراتىن بولدىم. مە­نىڭشە، ءبىزدىڭ وپەراتورلار كوپ ال­داي­دى. اقشا جەۋدىڭ نەشەمە ءتۇرىن مەڭگەرىپ العان سەكىلدى. بىردە قايدا قوڭىراۋ شال­عانىم ءجو­نىندە ەسەپ سۇرادىم، وپەراتوردىڭ اتىن اتاماي-اق قويايىن، سويتسەم، ءوز ءنو­مىرىم وزىمە تەلەفون شال­عان ەسەپ ءجۇر ىشىندە. ارينە، ۇيالى باي­لانىس قۇنىن ارزانداتۋ كەرەك، ەڭ قۇ­رىما­عان­دا، ەل ىشىندەگىسىن. ول ۇلكەن الەۋ­مەتتىك سيپاتقا يە. ماسەلەن، شە­تەلدە بىزدەگىدەي تاريف جوق، ءۇي تەلە­فو­نىنا سوقساڭ مىنانداي، باسقا وپەراتور ءنو­مىرىنە سوقساڭ بىلاي دەگەندەي. ەل ىشىنە بىردەي ەڭ تومەنگى تاريف بەل­گى­لەنگەن. بىزگە دە سولاي ەتۋ كەرەك.

الداۋعا قاتىستى ءسوز بوس ەمەس. ەستە­رىڭىزدە بولسا، بىلتىر قازاقستان باسە­كە­لەس­تىك­تى قورعاۋ اگەنتتىگى «نارىقتاعى ءوزىنىڭ ىق­پالىن اسىرا سىلتەي پايدالانعان» دەگەن فاكتى بويىنشا ەلىمىزدەگى ۇيالى بايلانىس نارىعىنىڭ ءۇش وپەراتورى - «GSM قا­زاق­ستان»، «كار-تەل» جشس، «موبايل تەلەكوم-سەر­ۆيس» جشس-نە تەكسەرۋ جۇرگىزگەن. ونىڭ قو­رى­تىندىسى بويىنشا، بۇل وپە­را­تورلاردىڭ ابونەنتتەردى حالىقارالىق روۋ­­مينگ قىزمەتىنە قوسۋ ءۇشىن باستاپقى سو­ما­نى 4000-نان 15000 تەڭگەگە دەيىن بەل­گى­لەگەنى اشكەرەلەنگەن ەدى. اگەنتتىك مۇنى «تۇتىنۋشىلاردىڭ قۇقىعىن بۇزۋ بولىپ تابىلادى» دەپ تاۋىپ، اكىمشىلىك قۇقىقتى بۇزۋ فاكتىسى بويىنشا «GSM قازاقستان»، «كار-تەل» جشس، «موبايل تەلەكوم-سەر­ۆيس» جشس-ءنىڭ ۇستىنەن قىلمىستىق ءىس قوزعاۋ كەرەك دەپ تە قاتتى ايتقان. ويتكەنى نارىقتا ىقپالى زور اتى اتالعان ءۇش وپەراتورعا «حالىقارالىق روۋمينگ قىزمەتى بويىنشا استىرتىن اۋىز جالاسىپ، بىرلەسە ارەكەت قىلعان» دەگەن ايىپ تاعىلعان. بىراق جابۋ­لى قازان جىلى كۇيىندە قالعان سەكىلدى.

اۆتور: مارال سۇلتانقىزى

"ايقىن" گازەتى