جاڭا وقۋ جىلى باستالاردا مەكتەپ جاسىنداعى بالالارى بار اتا-انانىڭ موينىنداعى جاۋاپكەرشىلىگى ارتا تۇسەدى. بالالارىن مەكتەپكە قامداۋ كەرەك. جىلدا باعاسى وسە تۇسەتىن مەكتەپ فورماسىن، وقۋعا قاجەتتى قۇرال-جابدىقتى ساتىپ الۋعا كەز-كەلگەن وتباسىنىڭ قالتاسى كوتەرە بەرمەيدى. سوندىقتان جىل سايىن ەلىمىزدە كوپبالالى وتباسىلار مەن الەۋمەتتىك از قامتىلعان وتباسىلار، اتا-اناسىنىڭ قامقورىنسىز قالعان بالالارعا كومەك رەتىندە «مەكتەپكە جول» اكتسياسى وتكىزىلەدى.

بۇل ءبىر رەتتىك ناۋقان ەمەس، داستۇرگە اينالعان شارا. كۇز باستالىپ، تىرشىلىككە جاڭا كۇشپەن كىرىسەر ۋاقىتتا بۇل  اتا-انا مەن بالاعا بەرىلگەن مۇمكىندىك ىسپەتتى.

قازاقستان رەسپۋبليكاسى ءبىلىم جانە عىلىم مينيسترلىگىنىڭ تاپسىرماسى بويىنشا «قازاقستان - 2050» ستراتەگياسىندا بەلگىلەنگەن بالالاردىڭ ءومىر ءسۇرۋ ساپاسىن جاقسارتۋ جونىندەگى جاڭا الەۋمەتتىك ساياساتتى ىسكە اسىرۋ ماقساتىندا بولىپ جاتقان يگى شارا تامىزدىڭ بىرىندە باستالدى، 31 تامىزعا دەيىن جالعاسپاق.

بۇل ناۋقاننىڭ باستى ماقساتى الەۋمەتتىك از قامتىلعان، كوپ بالالى وتباسىلاردان شىققان، ءتۇرلى سەبەپپەن اتا-اناسىنىڭ قامقورلىعىنسىز قالعان مەكتەپ وقۋشىلارىنا جاڭا وقۋ جىلىنا ساقاداي-ساي بولۋى ءۇشىن كومەك كورسەتۋ. اكتسيا اياسىندا حالقىمىزدىڭ سالت-ءداستۇرىن قاستەرلەۋ، ۇلكەنگە قۇرمەت، كىشىگە – ىزەت كورسەتۋ، جاس ۇرپاق بويىنا رۋحاني ادامگەرشىلىك قاسيەتتى سىڭىرۋگە باعىتتالعان شارالار جۇرگىزىلەدى. حالقىمىزعا ءتان ۇلتتىق ەرەكشەلىكتەردى، مەيىرىمدىلىك، قايىرىمدىلىق، ادىلدىك سىندى ەڭ اسىل قاسيەتتەردى ناسيحاتتاۋ كەڭىنەن ءورىس الادى. ناۋقان اياسىندا بالالار مەكتەپكە قاجەتتى وقۋ-قۇرالدار، مەكتەپ فورماسى، سپورتتىق كيىمدەرمەن قامتاماسىز ەتىلەدى. .

رەسپۋبليكالىق «مەكتەپكە جول» اكتسياسى ەلىمىزدىڭ تۇكپىر-تۇكپىرىندە ىسكە اسۋدا. بيىلعى بالالار جىلىندا بۇل اكتسيا «مەكتەپكە جول – شەكاراسىز جاقسىلىق» ۇرانىمەن ءوتىپ جاتىر. ناۋقانعا كەز كەلگەن ادام جانە ۇكىمەتتىك ەمەس ۇيىمدار قاتىسا الادى. قر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ توراعاسى ەسەنعازى يمانعاليەۆتىڭ ايتۋىنشا، وسى اكتسيا ارقىلى ءبىز قازاقستانداعى الەۋمەتتىك جاعدايى تومەن وتباسى بالالارىنا كومەكتەسىپ، ولاردىڭ مەكتەپكە بارماي قالۋىنىڭ الدىن الامىز.

«اكتسيا از قامتىلعان، كوپ بالالى وتباسىلاردان شىققان مەكتەپ وقۋشىلارىنا، جەتىم جانە اتا-اناسىنىڭ قامقورلىعىنسىز قالعان بالالارعا قاجەتتى كومەك كورسەتۋ ماقساتىندا وتكىزىلىپ وتىر. بالالاردى جاڭا وقۋ جىلىنا دايىنداۋعا كەز كەلگەن ادام كومەكتەسە الادى”،-دەيدى كوميتەت توراعاسى.

ول ومىردە قيىن جاعدايعا تاپ بولعان، كومەككە مۇقتاج وتباسىنىڭ بالالارىنا بەي-جاي قارامايتىن مەتسەناتتار، كاسىپكەرلەردى اكتسياعا قوسىلۋعا شاقىردى.

بۇل ىسكە وبلىستىق، اۋداندىق اكىمدىكتەن باستاپ، باسقارما، دەپارتامەنتتەر، ءتۇرلى مەكەمە، ۇيىمدار بەلسەندى تۇردە اتسالىسىپ كەلە جاتقانىن ايتا كەتكەن ورىندى. سول سياقتى ناۋقان كوپۇلتتىڭ باسىن قوسقان ەلىمىزدىڭ ماڭىزدى ۇيىمى – قازاقستان حالقى اسسامبلەياسى اياسىندا دا ءساتتى جۇزەگە اسىپ وتىرعان جايى بار.

«مەكتەپ جول» اكتسياسىنىڭ اياسىندا رەسپۋبليكالىق دوستىق ۇيىندە «قوعامدىق كەلىسىم» رمم مەن «احىسكا» تۇرىك ەتنومادەني بىرلەستىگىمەن بىرگە ۇيىمداستىرىلعان قازاقستان حالقى اسسامبلەياسىنىڭ «مەكتەپكە جول» اكتسياسى ءوتتى. ءىس –شارانىڭ بارىسىندا كوپ بالالى جانە الەۋمەتتىك جاعدايى تومەن وتباسىلاردىڭ بالالارىنا جاڭا وقۋ جىلىنا ارناپ قاجەتتى مەكتەپ قۇرالدارى تابىستالدى. شاراعا «احىسكا» تۇرىك ەتنومادەني بىرلەستىگى توراعاسىنىڭ ورىنباسارى شاحيسمايل اسيەۆ، كوپ بالالى جانە از قامتىلعان وتباسىلار مەن قازاقستان حالقى اسسامبلەياسىنىڭ مۇشەلەرى قاتىستى.

27 تامىز كۇنى جامبىل وبلىستىق م.قاشعاري اتىنداعى ۇيعىر ەتنومادەني بىرلەستىگى اكتسيا اياسىندا وقۋشىلارعا وقۋ قۇرال-جابىقتارىن تاراتتى. مەكتەپكە ساقاداي ساي بۇلدىرشىندەر دوستىق ءۇيىنىڭ ءىشىن ارالاپ، جايىلعان داستارحانداعى ءتاتتى-دامدىدەن اۋىز ءتيدى. بالالار انا تىلدەرىندە جاتتاعان ولەڭ شۋماقتارىن ايتىپ، كىشىگىم مەرەكەگە اينالدىرعان.

ال، 24 تامىز كۇنى قازاقستان ۇيعىرلارىنىڭ رەسپۋبليكالىق ەتنومادەني ورتالىعىندا قازاقستان حالقى اسسامبلەياسىنىڭ «مەكتەپكە جول» اكتسياسى بولدى. ناۋقاننىڭ نەگىزگى ماقساتى ايقىنداعانداي، ءىس-شارا اياسىندا  كوپ بالالى جانە از قامتىلعان وتباسىلاردىڭ بالالارىنا قايىرىمدىلىق كومەك كورسەتىلدى. ءىس-شاراعا قازاقستان ۇيعىرلارىنىڭ رەسپۋبليكالىق ەتنومادەني ورتالىعى توراعاسىنىڭ ورىنباسارى، قازاقستان حالقى اسسامبلەياسىنىڭ مۇشەسى ابدۋلحاليل دولكۋنتاي قاتىسىپ، جاڭا وقۋ جىلىندا مەكتەپ تابالدىرىعىن اتتاعالى وتىرعان بالالارعا تىلەگىن ارنادى.

«بۇلدىرشىندەر، سىزدەر بيىل العاش رەت مەكتەپكە باراسىزدار. سىزدەردى شىن جۇرەكتەن قۇتتىقتايمىن. قازىرگى ۋاقىتتا ءبىلىمدى بولۋ وتە ماڭىزدى. سوندىقتان تالماي وقىپ، ەڭبەكتەنىڭىزدەر»، - دەدى ول. شارا بارىسىندا بالالاردىڭ كوڭىلىن كوتەرەتىن ويىن-ساۋىق باعدارلامالارى ۇيىمداستىرىلدى.

سونداي –اق تاراز قالاسىنىڭ وزبەك مادەني ورتالىعى «مەكتەپكە جول» اكتسياسىن وتكىزىپ، وقۋشىلارعا قاجەتتى وقۋ قۇرالدارىن تاراتتى.

"مەكتەپكە جول" اكتسياسى اياسىندا №4 ورتا مەكتەپتىڭ از قامتىلعان جانە مۇقتاج وقۋشىلارىنا دەمەۋشىلىك كومەك كورسەتىلدى. بالالاردى مەكتەپكە دايىنداۋعا كومەكتەسەتىن مەتسەناتتار اراسىندا شامۇحتار شايۋنۋسوۆ، ميرۋسمان قاسىموۆ جانە شانيەر شوسابيروۆ بار»،- دەدى وزبەك مادەني ورتالىعىنىڭ توراعاسى ابدۋراحمان زاينۋتدينوۆ.

بۇگىندە تاراز قالاسىنىڭ وزبەك مادەني ورتالىعى 7 وقۋشىعا كومەك كورسەتكەن.  جاڭا وقۋ جىلى قارساڭىندا قحا مەتسەناتتارى، جامبىل وبلىسىنىڭ ەتنومادەني بىرلەستىكتەرىنىڭ وكىلدەرى "مەكتەپكە جول" ءداستۇرلى رەسپۋبليكالىق قايىرىمدىلىق اكتسياسىنا بەلسەندى قاتىسىپ جاتىر.

جامبىل وبلىسىنداعى "رادونەج" ورىس كەڭەسىنىڭ مۇشەلەرى وسى ايدا  جاعدايى تومەن وتباسىدان شىققان بالالارعا مەكتەپ جانە سپورت كيىمدەرىن، قۇرال-جابدىقتارىن الىپ بەرگەن بولاتىن.

تۇركىستان وبلىسى قازاقستان حالقى اسسامبلەياسى جانىنداعى ەتنومادەني بىرلەستىك وكىلدەرى دە ناۋقاننان قالماي، قايىرىمدىلىق اكتسياسى قاتىسىپ جاتىر.

«مەكتەپكە جول» اكتسياسىنىڭ اياسىندا وبلىستىق وزبەك ەتنومادەني بىرلەستىگى توراعاسىنىڭ ورىنباسارى، «ۇلەس» قايىرىمدىلىق قورىنىڭ توراعاسى رايىمجان قوشقاروۆ الەۋمەتتىك جاعدايى از قامتىلعان وتباسىندا تۇراتىن 150 وقۋشىعا مەكتەپ فورماسى مەن كەڭسە تاۋارلارىن الۋعا دەمەۋشىلىك جاسادى.

وبلىس بويىنشا اكتسيا باستالعالى 15 كۇندە دەمەۋشىلەر 778 بالاعا 19 ملن 309 مىڭ تەڭگە كولەمىندە قارجىلاي قولداعان.

بۇگىندە قازاقستان حالقى اسسامبلەياسى جىل سايىن مۇقتاج جاندار مەن كوپ بالالى وتباسىلارعا الەۋمەتتىك قولداۋ كورسەتە وتىرىپ، ەلىمىزدەگى قايىرىمدىلىق پەن مەتسەناتتىقتى دامىتۋعا ەرەكشە نازارىن اۋدارعان.

"مەكتەپكە جول" اكتسياسىنىڭ 10 جىلىندا 2 ميلليوننان استام بالاعا ماتەريالدىق كومەك كورسەتىلگەن ەكەن.  "مەكتەپكە جول" اكتسياسىنا قاتىسۋ ءۇشىن ءبىلىم باسقارمالارى مەن ۇيىمدارىنا حابارلاسۋ قاجەت.

Abai.kz