تاجىكستان مەن قىرعىزستاننىڭ ۇلتتىق قاۋىپسىزدىك كوميتەتىنىڭ باسشىلارى سايمۋمين ياتيموۆ پەن قامشىبەك تاشيەۆ كەلىسسوزدەر جۇرگىزىپ، بەيبىتشىلىك ورناتۋ تۋرالى حاتتاماعا قول قويدى.

قۇجات اسكەرلەردى شەكارا ماڭىنان تۇراقتى ورنالاستىرۋ ورىندارىنا تاسىمالداۋ; شەكارانىڭ ەكى جاعىندا تەك شەكارا اسكەرلەرىن قالدىرۋ; شەكارا ماسەلەلەرىن تالقىلاۋدى جالعاستىرۋ ارقىلى شەكاراداعى جاعدايدى قالىپقا كەلتىرۋ دەگەن تارماقتاردان تۇرادى.

تاراپتار شەكارا ماڭىنداعى اۋدانداردا تۇراقتىلىقتى قامتاماسىز ەتۋ ماسەلەلەرىن تالقىلادى، سونداي-اق اتىستى توقتاتۋ رەجيمىن بۇزباۋدى اتاپ ءوتتى، دەپ حابارلادى 24.kg

قىرعىزستاننىڭ  ۇقك باسشىسى قامشىبەك تاشيەۆتىڭ ايتۋىنشا، شەكاراداعى جاعداي تۇراقتالىپ كەلەدى، بۇل جۇمىس ءالى جالعاسا تۇسەدى.

ايتا كەتەيىك، 16 قىركۇيەكتە قىرعىز-تاجىك شەكاراسىنداعى ءىرى قاقتىعىس بولدى. تاراپتار ءبىر-ءبىرىن «وق جاۋدىردى،  اۋىر تەحنيكانى قولداندى» دەپ ايىپتادى. كەيىن ەكى ەلدىڭ شەكارا قىزمەتى اتىستى

قىرعىز ءسىم مالىمەتىنشە، 18 قىركۇيەكتە قىرعىزستاننىڭ 46 ازاماتى قازا تاۋىپ، 140 ادام زارداپ شەككەن. تاجىك تاراپىنان 41 ازامات قازا تاپقان.

Abai.kz