قىرعىز پارلامەنتىنىڭ حالىقارالىق ىستەر جونىندەگى كوميتەتى وزبەكستانمەن شەكاراداعى بىرقاتار ۋچاسكەلەردى دەليميتاتسيالاۋ جونىندەگى زاڭ جوباسىن قولداپ داۋىس بەرگەن. بۇل جونىندە كوميتەت توراعاسى چينگيز ايداربەكوۆ حابارلادى.

زاڭ جوباسىمەن ۇلتتىق قاۋىپسىزدىك جونىندەگى مەملەكەتتىك كوميتەتتىڭ توراعاسى كامچىبەك تاشيەۆ تانىستىرعان. ونىڭ سوزىنشە، كەمپير-اباد سۋ قويماسىنىڭ 19 مىڭ گەكتار جەرى قىرعىز تاراپىنا، 4 مىڭ 485 گەكتار جەرى وزبەك تاراپىنا وتەدى. ال سۋ قويمانى ەكى ەلدىڭ بىرلەسكەن كاسىپورنى باسقارادى. تاشيەۆتىڭ سوزىنشە، بۇل كەلىسىمگە سايكەس، قىرعىز جەرى 15 مىڭ 806 گەكتار جەرگە كەڭەيەدى.

زاڭ جوباسىنىڭ تولىق نۇسقاسىن مىنا جەردەن وقۋعا بولادى. كەمپير-اباد سۋ قويماسى قىرعىز-وزبەك شەكاراسىنداعى ەڭ داۋلى جەر. سۋ قويماسى ءۇشىن ەكى ەلدىڭ تۇرعىندارى ءجيى داۋلاسىپ قالادى.

Abai.kz