جۇرگەنوۆ ءوز كابينەتىندە جينالىس وتكىزبەك بولدى. شامامەن العاندا وتىز شاقتى كىسى جينالدى، ولاردىڭ ىشىندە ورىس ۇلتىنان مەن جانە قاراعاندىلىق ب.ن.ورلوۆ دەگەن كومپوزيتور بولدى. ناركومنىڭ ءوزى دە، باسقا سويلەۋشىلەر دە تەك قازاق تىلىندە سويلەپ وتىر. ءبىر كەزدە بوريس ورلوۆ ورنىنان تۇردى دا جۇرگەنوۆتەن قازاقشا سويلەمەۋىن ءوتىندى، مۇندا نە جايىندا اڭگىمە بولىپ جاتقانىن ءوزى ۇقپاي وتىرعانىن، سويلەۋشىلەردى ول تۇسىنەتىندەي بولۋى ءۇشىن ورىسشا سويلەۋ ءجون ەكەنىن ايتتى. ءبىر كەزدە جۇرگەنوۆتىڭ قارا كوزدەرى ۇشقىنداپ كەتتى… جۇرتتىڭ ءبارى بۇكشيە ءتۇسىپ، تىم-تىرس بولا قالدى. ء"سىز قايدا وتىرسىز، ورلوۆ جولداس!" اشۋ نايزاعايى ۇرەيلەنە بۇگجيگەن قايراتكەرلەردىڭ ۇستىنەن ويقاستاي شاپشىدى. ء"سىز قايدا ءجۇرسىز، ءوزىڭىز!" — دەپ جۇرگەنوۆ داۋىسىن بۇرىنعىدان دا بەتەر قاتايتا سويلەدى: ء"سىز قازاقستانعا كەلدىڭىز ەكەن، ەگەردە مۇندا جۇمىس ىستەگىڭىز كەلسە، ءسىز رەسپۋبليكانىڭ مەملەكەتتىك ءتىلىن بىلۋگە مىندەتتىسىز!... ءسىز قازاق اندەرىن دە ورىس تىلىندە زەرتتەمەكشىسىز بە؟" — دەپ وزگە ۇلتتان قازاق ءتىلىن قۇرمەتتەۋدى تالاپ ەتتى.

ەۆگەني برۋسيلوۆسكيدىڭ  ء"دۇيىم دۇلدۇلدەر" كىتابىنان ەستەلىك

Abai.kz