كامەلەت جاسقا تولماعان بالالارعا ارنالعان العاشقى تولەم 2022 جىلى تۇسەدى. ول ۇلتتىق قوردان بولىنەدى. بۇل تۋرالى ۇلتتىق ەكونوميكا ءمينيسترى الىبەك قۋانتىروۆ ايتتى.

ونىڭ سوزىنشە قارجىنى الۋ ءۇشىن بالالارعا شوت اشۋدىڭ قاجەتى جوق. شوت 2024 جىلدان باستاپ ادىلەت مينيسترلىگىنىڭ دەرەكقورىنداعى اقپارات نەگىزىندە اۆتوماتتى تۇردە اشىلادى. ونىڭ مەحانيزمى ازىرگە تالقىلانۋ ۇستىندە.

ءمينيستردىڭ ايتۋىنشا، ارنايى شوتقا تۇسەتىن قاراجات سوماسى بالا 2024 جىلى قانشا جاسقا تولادى، سوعان وراي ەسەپتەلەدى.  ەستەرىڭىزگە سالا كەتەيىك، پرەزيدەنت قاسىم-جومارت توقاەۆتىڭ باستاماسىمەن ۇلتتىق قوردىڭ جىلدىق ينۆەستيتسيالىق تابىسىنىڭ 50%-ى قازاقستاندىق بالالاردىڭ شوتىنا ءتۇسىپ وتىراتىن بولادى.  جاس ازاماتتار بۇل اقشانى كامەلەتكە تولعاننان كەيىن عانا پايدالانا الادى. قازىرگى ۋاقىتتا ەلدە 6,5 ميلليوننان استام بالا بار.

Abai.kz