اقش-تىڭ بۇرىنعى پرەزيدەنتى دونالد ترامپ 2024 جىلى وتەتىن پرەزيدەنت سايلاۋىنا تۇسۋگە رەسمي ءوتىنىش بەردى. بۇدان كەيىن بۇرىنعى پرەزيدەنتتىڭ ءوزى فلوريداداعى رەزيدەنتسياسىندا جينالعان جاقتاستار الدىندا ءسوز سويلەدى.

«امەريكانىڭ جاڭا ءومىرى باستالادى!»، - دەدى ترامپ كوپشىلىك الدىندا سويلەگەن سوزىندە.

ول اق ۇيدە وتكىزگەن ءتورت جىلدىق كەزەڭىن ماقتانىشپەن سيپاتتادى.

«وسى قىسقا ءتورت جىلدا ءبارىنىڭ جاعدايى كەرەمەت بولدى. ءبارى بۇرىن-سوڭدى بولماعانداي گۇلدەندى»، - دەگەن ترامپ ول قىزمەتتەن كەتكەن كەزدە ەكونوميكانىڭ كوروناۆيرۋس ىندەتىنەن تۋىنداعان رەتسەسسيادان تەز قالپىنا كەلگەنىن جەتكىزدى.

Abai.kz