ءبىرىنشى حات

ءسىز ماعان ايتىپ ەدىڭىز: «مەنىڭ وتانىمنىڭ ۇلىلىعىنا باعا جەتپەيدى. وعان قىزمەت ەتەتىن نارسەنىڭ ءبارى جاقسى. ەندىگى ۋاقىتتا بۇدان باسقا ەشتەڭەنىڭ دە ءمانى جوق مىنا دۇنيەدە، بىزدەرگە، جاس نەمىستەرگە، ءوز ۇلتىمىزدىڭ تاعدىرىنا قاتىسۋدان ءومىردىڭ ماعىناسىن تابۋ باقىتى بۇيىردى، ونىڭ جولىندا ءبىز ءبارىن قۇرباندىققا شالۋىمىز ءتيىس». ول كەزدە مەن ءسىزدى جاقسى كورۋشى ەدىم، بىراق مىنا پىكىرىڭىز ارامىزدى ءبولدى. «جوق، - دەدىم مەن سىزگە، - بارلىعىن تەك قانا العا قويىلعان ماقساتقا باعىندىرۋ قاجەت دەگەندى مەن مويىنداي المايمىن. اقتاۋعا بولمايتىن نارسەلەر بار.  سوندىقتان مەنىڭ وتانىما دەگەن ماحابباتىم ادىلەتتىلىككە دەگەن ماحابباتتان اجىراماۋى ءتيىس.  مەن وتانىما كەز-كەلگەن ۇلىلىقتى تىلەمەيمىن، قان مەن جالعاندىقتان تۇراتىن ۇلىلىقتى تىلەمەيمىن. مەن ادىلەتتىلىككە قىزمەت ەتە وتىرىپ،  وتانىما قىزمەت ەتكىم كەلەدى». ءسىز ماعان ايتتىڭىز: «ەندەشە، ءسىز ءوز وتانىڭىزدى سۇيمەيسىز».

ءبىرىنشى حات

ءسىز ماعان ايتىپ ەدىڭىز: «مەنىڭ وتانىمنىڭ ۇلىلىعىنا باعا جەتپەيدى. وعان قىزمەت ەتەتىن نارسەنىڭ ءبارى جاقسى. ەندىگى ۋاقىتتا بۇدان باسقا ەشتەڭەنىڭ دە ءمانى جوق مىنا دۇنيەدە، بىزدەرگە، جاس نەمىستەرگە، ءوز ۇلتىمىزدىڭ تاعدىرىنا قاتىسۋدان ءومىردىڭ ماعىناسىن تابۋ باقىتى بۇيىردى، ونىڭ جولىندا ءبىز ءبارىن قۇرباندىققا شالۋىمىز ءتيىس». ول كەزدە مەن ءسىزدى جاقسى كورۋشى ەدىم، بىراق مىنا پىكىرىڭىز ارامىزدى ءبولدى. «جوق، - دەدىم مەن سىزگە، - بارلىعىن تەك قانا العا قويىلعان ماقساتقا باعىندىرۋ قاجەت دەگەندى مەن مويىنداي المايمىن. اقتاۋعا بولمايتىن نارسەلەر بار.  سوندىقتان مەنىڭ وتانىما دەگەن ماحابباتىم ادىلەتتىلىككە دەگەن ماحابباتتان اجىراماۋى ءتيىس.  مەن وتانىما كەز-كەلگەن ۇلىلىقتى تىلەمەيمىن، قان مەن جالعاندىقتان تۇراتىن ۇلىلىقتى تىلەمەيمىن. مەن ادىلەتتىلىككە قىزمەت ەتە وتىرىپ،  وتانىما قىزمەت ەتكىم كەلەدى». ءسىز ماعان ايتتىڭىز: «ەندەشە، ءسىز ءوز وتانىڭىزدى سۇيمەيسىز».
سودان بەرى بەس جىل ءوتتى، ودان كەيىن ءبىز كەزدەسكەن جوقپىز،  بىراق وسى ءبىر ۇزاق جىلدارى ء(سىز ءۇشىن سونشالىق قىسقا، ءارى جىلدام وتكەن!) «ءسىز ءوز وتانىڭىزدى سۇيمەيسىز!» دەگەن ءسوزىڭىزدى ەسىمە الماعان كۇنىم بولعان جوق شىعار.  ەندى مەن وسى سوزدەر جايىندا ويلانعانىمدا كوكىرەگىم قارس ايرىلادى. ەگەر ءسىزدىڭ ماحابباتىڭىزدىڭ ءمانى بولىپ وتىرعان نارسەنى لاستايتىن ادىلەتسىزدىكتى اشكەرەلەۋ، - سۇيمەۋشىلىكتى بىلدىرسە، ەگەر سۇيىكتى جاننان سەنىڭ ول تۋرالى ەڭ اسىل كوزقاراسىڭا ساي بولۋىن تالاپ ەتۋ، - سۇيمەۋشىلىكتى بىلدىرەتىن  بولسا، ءيا، وندا، مەن وتانىمدى سۇيمەيمىن. بۇدان بەس جىل بۇرىن فرانتسياداعى كوپتەگەن ادامدار وسىلايشا مەن سياقتى ويلاعان. الايدا ولاردىڭ كەيبىرەۋلەرى نەمىس بەينەسىندەگى تاعدىرمەن بەتپە-بەت كەزدەستى، بۇل تاعدىر ولاردىڭ بارلىعىنا مىلتىقتاردىڭ ون ەكى قارا ۇڭعىسىنان قارادى. ال، وسى ادامدار، ياعني ءسىزدىڭ پايىمداۋىڭىزشا، وتانىن سۇيمەيتىندەر،  ءوز وتانى ءۇشىن سىزدەردىڭ ءوز وتانىڭىزعا قاي كەزدە بولسا دا،  ءتىپتى سىزدەردىڭ ەركىڭىزدە ول ءۇشىن ءجۇز رەت ءوز ومىرلەرىڭىزدى قيۋ مۇمكىندىگى بەرىلسە دە، جاساي المايتىندى جاسادى. ويتكەنى ولارعا وزدەرىن ءوزى جەڭۋگە تۋرا كەلدى، مىنە ولاردىڭ باتىرلىعى دا وسىندا. بىراق مەن بۇل ارادا   ۇلىلىقتىڭ ەكى كورىنىسى جايىندا جانە ءبىر قايشىلىق  تۋرالى ايتىپ وتىرمىن، ول جونىندە مەن سىزگە ءتۇسىندىرۋىم ءتيىس.
ەگەر بۇل مۇمكىن بولسا، ءبىز جاقىندا تاعى كەزدەسەمىز. بىراق دوستار رەتىندە ەمەس.  ءسىزدى جەڭىلىستىڭ قايعىسى جانشيتىن بولادى، جانە وتكەن جەڭىسىڭىز ءۇشىن ۇيالۋ ەمەس،  ونى ساعىنۋ ءسىزدىڭ سىنعان جىگەرىڭىزدى قۇرتا تۇسپەك.
قازىر ءبىز رۋحاني ءالى جاقىنبىز; راس، مەن ءسىزدىڭ جاۋىڭىزبىن، بىراق بەلگىلى ءبىر شامادا ءالى دە ءسىزدىڭ دوسىڭىز بولىپ قالامىن، ويتكەنى ءوز ويىمدى اياعىنا دەيىن سىزگە اشىپ وتىرمىن. ەرتەڭ ءبىزدىڭ ارامىزدا ءبارى اياقتالادى. ءسىزدىڭ جەڭىسىڭىز جاساي الماعاندى ءسىزدىڭ جەڭىلىسىڭىز اياقتايدى.  بىراق ازىرشە ءبىز مۇلدە ايىرىلماي تۇرعانىمىزدا، مەن سىزگە تىم بولماعاندا، بەيبىتشىلىك جىلدارى دا، سوعىس جىلدارى دا، ءسىزدىڭ مەنىڭ وتانىمنىڭ تاعدىرىن تۇسىنە الماعان جايتتارعا كوزىڭىزدى اشقىم كەلەدى.
مەن سىزگە ءبىزدى قانداي ۇلىلىق العا جەتەلەيتىندىگىن بىردەن ايتقىم كەلەدى. بىراق، بۇل ءبىزدى شابىتتاندىراتىن جانە سىزدەرگە ءتان ەمەس باتىلدىقتىڭ نە ەكەندىگىن ايتىپ بەرۋدى دە بىلدىرەدى. ەگەر سەن ءومىر بويى سوعان دايىندالساڭ جانە شايقاسۋ سەن ءۇشىن ويلانۋدان گورى ادەتتەگى نارسە بولسا، ۇرىسقا كىرىسىپ كەتۋ سونشالىق قايراتتىلىققا جاتپايدى. ال، جەك كورۋ مەن زۇلىمدىقتىڭ اقىر ءتۇبى بايانسىز ەكەندىگىن انىق بىلە وتىرىپ، ازاپ پەن ولىمگە بەتپە-بەت كەلۋ - بۇل مۇلدە باسقا. سوعىستى جەك كورە وتىرىپ كۇرەسۋ، بارىنەن ايىرىلۋعا دايىن بولۋ، سويتە تۇرا باقىتقا ۇمتىلۋ، جوعارى وركەنيەتتىلىكتى ويلاي ءجۇرىپ قيراتۋ مەن جويۋ - بۇل مۇلدە باسقا. بۇل ماعىنادا سىزدەرگە قاراعاندا بىزگە قيىنىراق، ويتكەنى ءبىز ءوزىمىزدى تەجەۋگە ءتيىسپىز.  سىزدەرگە ءوز جۇرەكتەرىڭىز بەن سانالارىڭىزدا ەشتەڭەنى جەڭۋدىڭ قاجەتى بولعان جوق. ال، ءبىزدىڭ ەكى جاۋىمىز بولدى، سوندىقتان ءوز بويلارىڭىزدا ەشتەڭەنى تەجەۋدىڭ قاجەتى بولماعان سىزدەردەن ايىرمامىز بىزگە قارۋدىڭ كۇشىمەن عانا جەڭۋ جەتكىلىكسىز ەدى.   
بىزگە كوپ نارسەنى ەڭسەرۋگە تۋرا كەلدى، بالكىم، ەڭ الدىمەن، سىزدەرگە ۇقساۋعا ءاردايىم جەتەلەيتىن الدامشى تىلەكتەن ارىلۋ كەرەك بولدى. ويتكەنى بىزدە ينستينكتكە بەرىلەتىن، اقىل-ويدى جەك كورۋگە، قيمىلعا تابىنۋشىلىققا كونەتىندەي سەزىم پەرنەسى بار. ءبىز ءتۇپتىڭ تۇبىندە ءوزىمىزدىڭ ۇلى پاراساتىمىزدان شارشايمىز. ءبىز اقىل-ويدان ۇيالامىز، ەندى ءبىر ساتتە  اقيقاتقا قانداي دا ءبىر كۇش-جىگەرسىز جەتكىزەتىن باقىتتى جابايىلىقتى ارماندايمىز. بىراق بۇل اۋرۋدىڭ ەمى وڭاي: ءبىزدىڭ الدىمىزدا سىزدەردىڭ ۇلگىڭىز تۇر،  سىزدەر بىزگە  مۇنداي قيالشىلدىق قايدا اپارىپ سوقتىراتىندىعىن كورسەتىپ وتىرسىزدار، بۇل ءبىزدى ويلاندىرادى. ەگەر مەن تاريحتىڭ بايانسىزدىعىنا سەنسەم، وندا سىزدەر اقىل-ويدىڭ تۇتقىندارى رەتىندە ءبىزدىڭ تۇزەلۋىمىزگە سەپتەسەسىزدەر دەپ ويلار ەدىم. سىزدەردەن بەزىنە وتىرىپ، ءبىز ينتەللەكتۋالدى ومىرگە ورالامىز - بۇل ارادا ءبىز ءوزىمىزدى قۇتتى مەكەنىمىزدە سەزىنەمىز.
الايدا بىزگە باتىرلىققا دەگەن ءبىزدىڭ كۇماندى كوزقاراسىمىزدى ەڭسەرۋ قاجەت بولدى. ءيا، مەن بىلەمىن،  ءسىز بىزگە باتىرلىق جات نارسە دەپ سانايسىز.  ءسىز قاتەلەسىز. انىعىندا، ءبىز ءبىر مەزگىلدە باتىرلىقتى قۇرمەتتەيمىز ءارى وعان ابايلىقپەن قارايمىز.  قۇرمەتتەيتىنىمىز، ءبىزدىڭ مىڭ جىلدىق تاريحىمىز بىزگە ىزگىلىكتىڭ جەتكىلىكتى دەڭگەيىن بويىمىزعا ءسىڭىردى. ايبايلايمىز، ويتكەنى اقىل-ويدىڭ مىڭجىلدىق شىڭدالۋى ءبىزدى ادامدىقتان تىس نارسەلەرگە ۇمتىلماي-اق، ءوزىمىز بەن ءوزىمىز بولۋدىڭ ۇلاعاتتى ونەرىن ۇيرەتتى. سىزدەرمەن بەتپە-بەت كەزدەسۋ ءۇشىن، بىزگە الىستاعى وتكەنگە قايتا ورالۋعا تۋرا كەلدى. مىنە سوندىقتان دا ءبىز وزگە ەشكىمگە كەرەگى بولماعان اقيقاتتى ىزدەپ جۇرگەن كەزدە،  قاجەتتىلىك تۋىنداي قالعان ساتتە-اق جالعاندىق قۇشاعىنا جىعىلعان بۇكىل ەۋروپادان ارتتا قالدىق. مىنە، سوندىقتان دا ءبىز جەڭىلىستەن باستادىق: ءوز ءىسىمىزدىڭ دۇرىس ەكەندىگىنە سەنىمىمىز ورناعانشا ءبىز سىزدەردىڭ شابۋىلدارىڭىزدى تويتارۋعا باياۋ بولدىق.
بىزگە ادامعا دەگەن ماحابباتىمىزدى، ونىڭ بەيبىت ورنى تۋرالى كوزقاراسىمىزدى، ەشقانداي جەڭىستىڭ ورنى تولمايتىنىن، ال ادامعا قياناتتىڭ كەز كەلگەنىن اقتاۋعا بولمايدى دەگەن تەرەڭ سەنىمىمىزدى قايتا قاراپ ەڭسەرۋ قاجەت بولدى. بىزگە ءوزىمىزدىڭ ءۇمىتىمىز بەن بىلىمىمىزدەن قول ۇزۋگە، ءبىزدىڭ قازىرگى جاۋلارىمىزدى جاقسى كورۋگە تۇرتكى بولىپ وتىرعان بارلىق نارسەدەن، جانە بۇكىل سوعىس اتاۋلىنى جەك كورۋ سەزىمىمىزدەن باس تارتۋعا تۋرا كەلدى. قىسقاسى، ءبىزدىڭ دوستىققا دەگەن قۇلشىنىسىمىزدى باسىپ-جانشۋعا تۋرا كەلدى - مۇنى ءسىز تۇسىنەسىز دەپ ويلايمىن، ويتكەنى بۇل سوزدەردى ءوزىڭىز ريزالىقپەن قولىن قىسقان مەن ايتىپ وتىرمىن.
ەندى بۇل جۇزەگە استى. بىزگە ۇزاق اينالما جولمەن جۇرۋگە تۋرا كەلدى، ءبىز كوپ ۋاقىتتى جوعالتتىق. بۇل اينالما جولعا اقىلدى يتەرمەلەگەن اقيقاتقا قارسى كۇنا جاساۋدان تۋىنداعان قورقىنىش، ا جۇرەكتى - دوستىققا قارسى كۇنا جاساۋدان تۋىنداعان قورقىنىش ەدى. بۇل جول ادىلەتتىلىكتى قامتاماسىز ەتتى جانە ءوزىن ءوزى تەكسەرگەندەرگە شىندىقتى ولاردىڭ وداقتاسى جاسادى. ارينە، بىزگە مۇنىڭ قۇنى وتە قىمباتقا ءتۇستى. ءبىز بۇل ءۇشىن قورلىق كورىپ، ۇندەمەۋدىڭ ازابىنان وتتىك، قامالعانداردىڭ ساعىنىشى مەن اتىلعانداردىڭ ءومىرىن تولەدىك، ايىرىلۋ، اجىراۋ، كۇندەلىكتى اشتىق، بالالاردىڭ سۇزەگى جانە بارىنەن دە زورى -  ءماجبۇرلى ايىپتى مويىنداۋدان وتتىك. بۇل ادەتتەگى نارسە.  بىزگە وسى ۋاقىتتىڭ بارلىعى ءبىزدىڭ ادامداردى ولتىرۋگە قاقىمىز بار ما، وسىناۋ الەمنىڭ ۇرەيلى اپاتىن ۇلعايتا تۇسۋىمىزگە بولا ما دەگەندى ءتۇسىنۋ ءۇشىن قاجەت بولدى. مىنە تاپ وسى جوعالتىپ قايتا تاپقان ۋاقىت، جول بەرىلىپ قايتا ەڭسەرىلگەن جەڭىلىس،  توگىلگەن قانمەن تولەنگەن اسىرە ساقتىق، ەندى بىزگە، فرانتسۋزدارعا - قۇرباندار مەن كوزى جەتكەندەر رەتىندە، بىراق بۇل جولى ادىلەتسىزدىكتى جانە ءوزىن-ءوزى ۇلىلىقپەن جەڭگەندەر رەتىندە -  ءبىزدىڭ بۇل سوعىسقا قولىمىز تازا كۇيدە كىرىسكەنىمىزدى جانە ودان قولىمىز تازا كۇيدە شىعاتىنىمىزدى ويلاۋ قاقىسىن بەرەدى.     
ءبىز جەڭىمپاز بولىپ شىعامىز، ءسىز مۇنى وتە جاقسى بىلەسىز. بىراق ءبىز وسى جەڭىلىستىڭ ارقاسىندا، ءوز ءىسىمىزدىڭ دۇرىستىعىن سەزىنۋگە مۇمكىندىك بەرگەن ءوزىمىز ءجۇرىپ وتكەن ۇزاق جولدان، قينالۋدان، بارلىق كورگەن ادىلەتسىزدىك جانە ودان العان ساباعىمىز ارقاسىندا ءبىز جەڭىمپاز بولىپ شىعامىز. ءوزىمىز وتكەن سىناقتان ءبىز ءاربىر جەڭىستىڭ قۇپيا-سىرىن بىلدىك، ەگەر ونى جوعالتىپ الماساق، وندا تۇپكىلىكتى جەڭىسكە دە جەتەمىز. ءوزىمىز وتكەن سىناقتان ءبىز، قاپىدا تاپ بولعان اداسقانىمىزعا قاراماستان،  رۋح قانجارعا قارسى ءالسىز ەكەندىگىن، بىراق رۋح قانجارمەن بىرىككەندە زۇلىمدىق ءۇشىن كوتەرىلگەن قانجاردى ءاردايىم جەڭەدى. مىنە، وسى سەبەپتەن دە ءبىز رۋح بىزبەن بىرگە ەكەندىگىنە كوز جەتكىزگەن سوڭ بارىپ قولىمىزعا قانجار الدىق. ول ءۇشىن بىزگە ادامداردىڭ قالاي ولەتىندىگىن كورىپ، ءولىمنىڭ كوزىنە قاراۋ قاجەت بولدى. بۇل ءۇشىن بىزگە فرانتسۋز جۇمىسشسىنىڭ مىسالى قاجەت بولدى، ونى جازالاۋشىلار تاڭ الدىندا گيلوتيناعا اپارا جاتقاندا، ول تۇرمە دالىزىمەن ءوزىنىڭ جولداستارىنىڭ كامەرالارى جانىنان ءوتىپ بارا جاتىپ ولاردى ەرجۇرەكتىك تانىتۋعا شاقىرعان ەدى. اقىرى، بىزگە رۋحىمىزبەن تابىسۋ، ءتانىمىزدىڭ  ازاپقا ءتۇسۋى دە قاجەت بولدى. قۇنى تۇپكىلىكتى تولەنگەن قاسيەت بەرىك بولىپ تابىلادى. ءبىز بارلىعى ءۇشىن قىمبات قۇن تولەدىك، ءالى دە تولەيمىز. بىراق ەشكىم بىزدەن ءىسىمىزدىڭ دۇرىس ەكەندىگىن سەزىنۋىمىزدى جانە ادىلەتتىلىكتىڭ سالتانات قۇرۋىنا سەنىمىمىزدى تارتىپ الا المايدى: سىزدەردىڭ كۇيرەيتىندەرىڭىز انىق.
مەن ەشقاشان شىندىقتىڭ ءوز-وزىنەن قۋاتتى ەكەندىگىنە سەنگەن ەمەسپىن. بىراق مىنانىڭ ءوزى جەتكىلىكتى: قۋاتى بىردەي بولعان جاعدايدا شىندىق جالعاندىقتان ۇستەم تۇسەدى. ءبىز ارتىقشىلىق شىندىق جاعىندا تۇرعان بەلگىسى بار ءالسىز تەڭدىككە قول جەتكىزدىك. وسى ارتىقشىلىقا سۇيەنە وتىرىپ، قازىر ءبىز شايقاسۋدامىز. مەن سىزگە ءبىزدىڭ تاپ وسى بەلگىلەر ءۇشىن، بىراق ادامنىڭ ءوزىن انىقتايتىن بەلگىلەر ءۇشىن  كۇرەسىپ جاتقانىمىزدى ايتقىم كەلەدى. ءبىز سەنىمدى - قيالدان، قۋاتتى - جالتارۋدان، كۇشتى - زۇلىمدىقتان اجىراتاتىن، جانە ودان دا نازىك بەلگى - جالعاندىقتى اقيقاتتان، جانە ءبىز سەنىم ارتقان، قۇرمەت تۇتاتىن ادامدى سىزدەر تابىناتىن سۇرقيا يدولداردان اجىراتاتىن بەلگىلەر ءۇشىن كۇرەسۋدەمىز.
مىنە، مەن شايقاستان جوعارى تۇرماي، شايقاسقا قاتىسا وتىرىپ وسىنى ايتپاق ەدىم. مەنىڭ قىر سوڭىمنان قالماي كەلە جاتقان: «ءسىز ءوز وتانىڭىزدى سۇيمەيسىز» دەگەن سوزىڭىزگە وسىلايشا جاۋاپ بەرگىم كەلدى. بىراق مەن ەشتەڭەنى جاسىرماي اشىق ايتقىم كەلەدى. فرانتسيا ءوزىنىڭ قۋاتتىلىعى مەن ۇستەمدىگىن ۇزاققا جوعالتتى جانە ول ءاربىر مادەنيەتكە قاجەتتى مارتەبەدەن ءوز ۇلەسىن الۋ ءۇشىن الاسۇرعان توزىمدىلىك پەن ابايشىل تاكاپپارلىققا ۇزاق ۋاقىت مۇقتاج بولماق. ول بىراق مۇنىڭ بارلىعىن ادال نيەتتى باسشىلىققا الا وتىرىپ جوعالتتى دەپ ويلايمىن.  ويتكەنى مەن ۇمىتىمنەن ايىرىلعان جوقپىن.  مەنىڭ حاتىمنىڭ بار ماعىناسى وسىندا. وسىدان بەس جىل بۇرىن ءوزىنىڭ وتانىنا قاتىستى ۇستامدىلىعىمەن ءسىزدىڭ مۇسىركەۋشىلىگىڭىزدى تۋعىزعان ادام، بۇگىن سىزگە جانە ەۋروپاداعى ءھام بۇكىل الەمدەگى ءبىزدىڭ ۇرپاقتىڭ بارلىعىنا مىنانى ايتقىسى كەلەدى: «مەن ماقتانۋعا لايىق، ارينە اداسۋ مەن السىزدىكتەن ازات ەمەس، ۇلتتىڭ وكىلىمىن، بىراق ونىڭ بارشا ۇلىلىعىن قۇرايتىن جانە حالىق ارقاشان، ال ەليتا كەيدە ۇزبەي دامىتۋعا ۇمتىلاتىن يدەيانى تاباندىلىقپەن سوندىرمەي وتىرعان ۇلتتىڭ وكىلىمىن. مەن وسىدان ءتورت جىل بۇرىن ءوزىنىڭ بۇكىل تاريحىن جاڭادان باستاعان جانە قيراعان ۇيىندىلەر اراسىندا ساسپاي، سەنىمدىلىكپەن ونى قايتا زەردەلەۋگە دايىندالىپ جانە ءوزى كوزىرسىز كىرىپ وتىرعان ويىندا باعىن سىناپ كورمەكشى ۇلتتىڭ وكىلىمىن. بۇل ەل مەنىڭ سوناۋ قيىن دا تالاپشىل ماحابباتپەن ونى سۇيەتىندىگىمە لايىق. دەمەك، ول ءۇشىن قازىر شايقاسۋعا بولادى دەپ ويلايمىن، ويتكەنى ول ەڭ اسىل ماحابباتقا لايىق. ەندەشە، مەن ءسىزدىڭ ۇلتىڭىز، كەرىسىنشە، ءوز ۇلدارىنان تەك وزىنە بۇيىرعان ماحابباتى - سوقىر ماحابباتى ەنشىلەدى دەپ ايتامىن. ءاربىر ماحاببات اقتاۋعا لايىقتى ەمەس. سىزدەردىڭ تۇبىڭىزگە جەتەتىن دە تاپ وسى. ەگەر سىزدەر قازىردىڭ وزىندە، وزدەرىڭىزدىڭ ۇلى جەڭىسكە جەتكەن شاقتارىڭىزدا جەڭىلسەڭىزدەر، وندا ەندى تۇبەگەيلى جەڭىلىس تاقاپ كەلە جاتقاندا نە بولادى؟   

شىلدە 1943
اۋدارعان مۇحتار كارىباي
ABAI.KZ