قازاقستاندا ديزەل وتىنى قىمباتتادى
ۇلتتىق ستاتيستيكا بيۋروسىنىڭ مالىمەتىنشە، ديزەل وتىنىنىڭ باعاسى ءبىر جىلدىڭ ىشىندە 12,5%-عا قىمباتتادى. جازعى ديزەل وتىنى 1,3%-عا ارزانداسا، قىسقى ديزەل وتىنى، كەرىسىنشە، بىردەن 30,7%-عا قىمباتتادى.
اقتوبە وبلىسىندا ءونىم قۇنى ءبىر جىلدا 27,9%-عا ارتقان. اباي (+24,6%) جانە شىعىس قازاقستان (+24,4%) وبلىستارىندا دا باعانىڭ كۇرت كوتەرىلۋى بايقالدى.
باعانىڭ ەڭ از جىلدىق ءوسىمى 0,5%-بەن الماتى وبلىسىندا تىركەلدى. شىمكەنت، جامبىل جانە جەتىسۋ وبلىستارىندا باعا وتكەن جىلدىڭ قازان ايىنداعى دەڭگەيدە قالدى. تۇركىستان وبلىسىندا ديزەل وتىنى 1,8 پايىزعا ارزاندادى.
Abai.kz
